ວັນ​ທີ 2-4 ສິງຫາ​ນີ້ອາກາດ​ຈະ​ຮ້ອນ​ແຮງ​ຂຶ້ນ​ໃນ​ແຕ່​ລະ​ພາກ

- advert banner 728 90 728x90 - ວັນ​ທີ 2-4 ສິງຫາ​ນີ້ອາກາດ​ຈະ​ຮ້ອນ​ແຮງ​ຂຶ້ນ​ໃນ​ແຕ່​ລະ​ພາກ

ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ​ໃນ​ລະຫວ່າງ​ວັນ​ທີ 2-4 ສິງຫາ​ນີ້ ຮ່ອງ​ຄວາມ​ກົດ​ດັນ​ອາກາດ​ຕ່ຳ​ຍັງ​ຈະ​ພັດ​ຜ່ານ​ແຂ​ວງພາກ​ເໜືອຫາ​ພາກ​ກາງຂອງ​ລາວ, ຊຶ່ງ​ຈະ​ເຮັດ​ໃຫ້​ອາກາດ​ຮ້ອນ​ໃນ​ແຕ່​ລະ​ພາກ ​ແລະ ຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​ບາງ​ທ້ອງ​ຖິ່ນ.

- new3 - ວັນ​ທີ 2-4 ສິງຫາ​ນີ້ອາກາດ​ຈະ​ຮ້ອນ​ແຮງ​ຂຶ້ນ​ໃນ​ແຕ່​ລະ​ພາກ

ພາກ​​ເໜືອ​ດ້ານ​ຕາ​ເວັນ​ອອກ: ຈະ​ມີ​ຝົນຕົກ​ໃນ​ລະດັບ​ຄ່ອຍຫາ​ປານ​ກາງ, ພ້ອມ​ມີ​ລົມ​ພັດ​ແຮງ​​ເປັນ​ບາງ​ໂອກ​າດ, ພາກ​ເໜືອ​ດ້ານ​ຕາ​ເວັນ​ຕົກ: ຍັງ​ຈະ​ມີ​ຝົນຕົກ​ຟ້າ​ຄະນອງ​ໃນ​ລະດັບ​ຄ່ອຍ ​ແລະ ຕົກ​ປານ​ກາງ​ຢູ່​ບາ​ງທ້ອງ​ຖິ່ນ ​ແລະ ອາກາດ​ຮ້ອນ​ຂຶ້ນ​ຢູ່​ແຂວງ​ບໍ່​ແກ້ວ, ຫລວງ​ພະ​ບາງ ​ແລະ ​ໄຊ​ຍະ​ບູລີ. ສຳລັບ​ນະຄອນ​ຫລວງ​ວຽງຈັນຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​ບາງບໍລິ​ເວນ, ພ້ອມ​ມີ​ລົມ​ພັດ​ແຮງ​​ເປັນ​ບາງ​ໂອກ​າດ, ພາກ​ກາງຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານກາງ​ຢູ່​ບາງ​ທ້ອງ​ຖິ່ນ​ແຂວງ​ໄຊ​ສົມບູນ, ວຽງ​ຈັນ, ບໍລິ​ຄຳ​ໄຊ ​ແລະ ຄຳມ່ວນ ແລະ ພາກ​ໃຕ້ຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ຢູ່​ທົ່ວ​ໄປ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ.

ຂະນະ​ດຽວ​ກັນ, ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ ຍັງ​ໄດ້ພະຍາກອນລະ ດັບນ້ຳຂອງ ​ແລະ ​ແມ່​ນ້ຳ​ສາຂາ​ຕ່າງໆ​ໃນ​ວັນ​ທີ 2-3 ສິງຫານີ້ ​ໃຫ້​ຮູ້​ວ່າ​: ​ລະດັບ​ນ້ຳຂອງ​ຢູ່​ແຂວງຫລວງ​ພະ​ບາງ​​ຫລຸດ​ລົງ​ເຫລືອ​ 8,99-9,81 ​ແມັດ (​ເຂດ​ລະວັງ​ໄພ 17,50 ​ແມັດ ​ແລະ ​ເຂດ​ອັນ​ຕະລາຍ 18 ​ແມັດ), ນະຄອນຫລວງວຽງ​ຈັນ ຫລັກ 4 (ນ້ຳຂອງ) ຫລຸດລົງ 7,27-7,86 ​ແມັດ (​ເຂດ​ລະວັງ​ໄພ 11,50 ​ແມັດ ​ແລະ ​ເຂດ​ອັນຕະລາຍ 12,50 ​ແມັດ), ປາກ​ຊັນ (ນ້ຳຂອງ) 10,41- 10,59 ​ແມັດ (ເຂດ​ລະວັງ​ໄພ 13,50 ​ແລະ ​ເຂດ​ອັນຕະລາຍ 14,50 ​ແມັດ), ສະຫວັນ​ນະ​ເຂດ (ນໍ້າຂອງ) 10,21-10,30 ​ແມັດ (ເຂດ​ລະວັງ​ໄພ 12 ​ແມັດ ​ແລະ ​ເຂດ​ອັນຕະລາຍ 13 ​ແມັດ), ປາກ​ເຊ (ນ້ຳຂອງ) ​10,17-11,18 ແມັດ (​ເຂດ​ລະວັງ​ໄພ 11​ ​ແມັດ ​ແລະ ​ເຂດ​ອັນຕະລາຍ 12 ​ແມັດ) ​​ແຕ່ຢູ່ຂົວ​ເຊ​ບັ້ງ​ໄຟ ​ເພີ່ມ​ຂຶ້ນ 18,39-18,56 ແມັດ (​ເຂດ​ອັນຕະລາຍ 17,50 ​ແມັດ ​ແລະ ​ເຂດ​ອັນຕະລາຍ 18,50 ​ແມັດ), ເຂື່ອນນ້ຳ​ງື່ມ 204,74-204,85 ​ແມັດ (​ເຂດ​ລະວັງ​ໄພ 212 ​ແມັດ ​ແລະ ​ເຂດ​ອັນຕະລາຍ 212,31 ​ແມັດ) ​ເຫັນ​ວ່າ​ລະດັບ​ນ້ຳ​ຢູ່​ແຕ່ລະ​ເຂດ​ແມ່ນ​​ເລີ່​ມຫລຸດ​ລົງ​ຢ່າງ​ຕໍ່​ເນື່ອງ, ​ເຮັດ​ໃຫ້ການ​ໄປມາ​ຂອງ​ປະຊາຊົນສະດວກ​ຂຶ້ນ​ຕື່ມ, ​ແຕ່​​ແນວ​ໃດ​ກໍ​ຕາມ, ລະດັບ​ຝົນ​ຍັງ​ບໍ່​ທັນ​ໝົດຈຶ່ງຮຽກຮ້ອງ​ໃຫ້​ທຸກ​ພາກສ່ວນ​ຈົ່ງ​ມີ​ສະຕິ​ຕໍ່​ສະພາບ​ດິນ​ຟ້າ​ອາກາດ​ເປັນ​ແຕ່ລະ​ໄລຍະ ​ເພື່ອ​ປ້ອງ​ກັນ​ສະພາບ​ນ້ຳ​ຖ້ວມ ​ແລະ ອື່ນໆ​ທີ່​ຈະ​ຕາມ​ມາ.

- lattana 1 - ວັນ​ທີ 2-4 ສິງຫາ​ນີ້ອາກາດ​ຈະ​ຮ້ອນ​ແຮງ​ຂຶ້ນ​ໃນ​ແຕ່​ລະ​ພາກ
error: Content is protected !!