ສກຈຮ ປະຕູຄໍາ ຈໍາກັດ ຈະຊຳລະສະສາງຄ່າບໍລິການຕ່າງໆຜ່ານ ທຄຕລ

- advert banner 728 90 728x90 - ສກຈຮ ປະຕູຄໍາ ຈໍາກັດ ຈະຊຳລະສະສາງຄ່າບໍລິການຕ່າງໆຜ່ານ ທຄຕລ

ພິທີລົງເຊັນສັນຍາການຮ່ວມມືລະຫວ່າງທະນາຄານການຄ້າຕ່າງປະເທດລາວ (ທຄຕລ) ມະຫາຊົນ ແລະ ສະຖາບັນການເງິນຈຸລະພາກທີ່ຮັບຝາກເງິນ (ສກຈຮ) ປະຕູຄໍາ ຈໍາກັດ ກ່ຽວກັບການບໍລິການຊຳລະສະສາງຄ່າບໍລິການຕ່າງໆຜ່ານ ທຄຕລ (BILL PAYMENT) ໄດ້ມີຂຶ້ນໃນວັນທີ 28 ກໍລະກົດນີ້ນະຄອນຫລວງ ວຽງຈັນລະຫວ່າງທ່ານ ພັນຊະນະ ຄຸນນຸວົງ ຮອງຜູ້ອໍານວຍການໃຫຍ່ ທຄຕລ ກັບທ່ານນາງ ຂັນມະນີ ສຸທຳມະວົງ ຜູ້ອຳນວຍການ ສກຈຮ ປະຕູຄຳ ຈຳກັດ.

ໃນການບໍລິການຊໍາລະຄ່າສາທາລະນຸປະໂພກໂດຍຜ່ານລະບົບທະນາຄານ(Bill Payment) ຂອງ ທຄຕລ ເຊິ່ງໄດ້ເລີ່ມໃຫ້ບໍລິການທໍາອິດໃນປີ 2009 ແລະ ເປັນບໍລິການທີ່ໄດ້ມີການຊົມໃຊ້ຫລາຍ, ເຊິ່ງມາຮອດປະຈຸບັນ ທຄຕລ ໄດ້ໃຫ້ບໍລິການຊໍາລະຄ່າສາທາລະນຸປະໂພກຮ່ວມກັບ 14 ພາກສ່ວນໃນນັ້ນປະກອບມີ: ຊໍາລະຄ່າໄຟຟ້າ, ນໍ້າປະປາ, ໂທລະສັບ, ພາສີ-ອາກອນ, ຄ່າເຊົ່າສາຍເຄເບິີ້ນ, ຄ່ານໍ້າມັນເຊື້ອໄຟ, ຄ່າບັດຂ້າມຂົວມິດຕະພາບລາວ-ໄທແຫ່ງທີ 1 ແລະ ຊໍາລະຄ່າງວດເຊົ່າສິນເຊື່ອ ແລະ ອື່ນໆ ເພື່ອແນໃສ່ອໍານວຍຄວາມສະດວກໃຫ້ແກ່ການຊຳລະຄ່າງວດເງິນກູ້ຂອງບັນດາລູກຄ້າ ສກຈຮ ປະຕູຄຳ ຈຳກັດ ໂດຍຜ່ານ ທຄຕລ, ເຊິ່ງໃນເບື້ອງຕົ້ນການບໍລິການແມ່ນສາມາດຊໍາລະຜ່ານເຄົ້າເຕີ້ ຈຸດບໍລິການຂອງສໍານັກງານໃຫຍ່, ບັນດາສາຂາ ແລະ ໜ່ວຍບໍລິການໃນທົ່ວລະບົບຂອງ ທຄຕລ. ນອກຈາກນີ້ຍັງສາມາດຊໍາລະຜ່ານຜະລິດຕະພັນອີເລັກໂທນິກ ຂອງ ທຄຕລ ໄດ້ເຊັ່ນຜ່ານ BCEL One ແລະ BCEL I-Bank ແລະ ໃນອະນາຄົດ ທຄຕລ ຈະມີການພັດທະນາໃຫ້ສາມາດຊຳລະຜ່ານຕູ້ ATM ແລະ SMS Banking ໄດ້.

- 1 1 - ສກຈຮ ປະຕູຄໍາ ຈໍາກັດ ຈະຊຳລະສະສາງຄ່າບໍລິການຕ່າງໆຜ່ານ ທຄຕລ
- Tiger Head 728x90 - ສກຈຮ ປະຕູຄໍາ ຈໍາກັດ ຈະຊຳລະສະສາງຄ່າບໍລິການຕ່າງໆຜ່ານ ທຄຕລ

ທ່ານຮອງຜູ້ອໍານວຍການໃຫຍ່ ທຄຕລ ໄດ້ກ່າວວ່າ: ທຄຕລ ເປັນທະນາຄານທຸລະກິດແຖວໜ້າຂອງລາວ ເປັນທະນາຄານທີ່ໄດ້ມີຄວາມພ້ອມຫລາຍດ້ານໃນການໃຫ້ບໍລິການແກ່ລູກຄ້າທຸກທ່ານ, ລວມທັງລູກຄ້າຂອງສະຖາບັນການເງິນຈຸລະພາກທີ່ຮັບເງິນຝາກປະຕູຄຳ (ສກຈຮ) ຈໍາກັດ, ປັດຈຸບັນ ທຄຕລ ມີ 19 ສາຂາ, 82 ໜ່ວຍບໍລິການ, 15 ຫ້ອງແລກປ່ຽນ, ມີຕູ້ ATM 344 ເຄື່ອງໃນທົ່ວປະເທດ ແລະ ທະນາຄານໄດ້ມີການນໍາໃຊ້ເຕັກໂນໂລຊີທີີ່ທັນສະໄໝເຂົ້າໃນວຽກງານບໍລິການໃຫ້ມີຄວາມທັນສະໄໝ ເພື່ອອໍານວຍຄວາມສະດວກໃຫ້ແກ່ການຊໍາລະສະສາງ ແລະ ການເຮັດທຸລະກໍາທາງດ້ານການເງິນຕ່າງໆ, ໂດຍລູກຄ້າເອງບໍ່ໍຈໍາເປັນຕ້ອງເຂົ້າມາທະນາຄານ ແລະ ໃນໂອກາດນີ້ ທຄຕລ ຂໍສະແດງຄວາມຂອບໃຈມາຍັງສະຖາບັນການເງິນຈຸລະພາກທີ່ຮັບເງິນຝາກປະຕູຄຳຈຳກັດ ທີ່ໄດ້ໃຫ້ຄວາມເຊື່ອໝັ້ນ ແລະ ເລືອກໃຊ້ບໍລິການຂອງ ທຄຕລ.

error: Content is protected !!