ຄວາມໃຈຮ້າຍເພີ່ມລະດັບໄຂມັນໂດຍບໍ່ຮູ້ໂຕ

- 02020817 - ຄວາມໃຈຮ້າຍເພີ່ມລະດັບໄຂມັນໂດຍບໍ່ຮູ້ໂຕ
- Untitled design - ຄວາມໃຈຮ້າຍເພີ່ມລະດັບໄຂມັນໂດຍບໍ່ຮູ້ໂຕ

ນັກວິທະຍາສາດມະຫາວິທະຍາໄລໂອໄຮໂອ ພົບວ່າ : ຄົນທີ່ມີນິໄສໃຈຮ້າຍ, ຄຽດງ່າຍແລ້ວສະແດງອອກທັນທີ ແລະ ຄົນທີ່ໃຈ ຮ້າຍ, ຄຽດແລ້ວເກັບກົດ ເຖິງຈະບໍ່ສະແດງອອກມາ, ແຕ່ເຮັດໃຈໃຫ້ເຊົາຄຽດໄດ້ຍາກ ມັກເປັນຄົນທີ່ມີລະດັບຄໍເລສເຕີໂຣນບໍ່ດີ  LDL ສາເຫດເຮັດໃຫ້ເກີດພະຍາດຫົວໃຈໃນລະດັບສູງ ຍິ່ງຄົນຜູ້ນັ້ນໃຊ້ອາລົມຮຸນແຮງ ຍິ່ງພົບຄໍເລສເຕີໂຣນຫລາຍຂຶ້ນ, ແຕ່ສຳລັບຄົນທີ່ໃຈຮ້າຍຄືກັນ, ແຕ່ສາມາດຫົດຢືດກ່ວາ ຄວບຄຸມອາລົມໄດ້ດີ ພະຍາຍາມຟື້ນຟູຄວາມຮູ້ສຶກໄວ້ບໍ່ໃຫ້ໂວຍວາຍ ແລະ ກຳຈັດຄວາມໃຈຮ້າຍອອກໄປຈາກໃຈໄດ້ໄວຜົນ ພົບວ່າລະດັບຂອງ LDL ແລະ ຄໍເລສເຕີໂຣນບໍ່ດີອື່ນໆລະດັບຕໍ່າກ່ວາກຸ່ມກົງກັນຂ້າມ ທີ່ເປັນແນວນັ້ນຍ້ອນທີມນັກວິໄຈອະທິບາຍວ່າ ຄວາມໃຈຮ້າຍ ຫລື ຄວາມຄຽດຊັງ ເຮັດໃຫ້ຮ່າງກາຍຫລັ່ງສານໄຂມັນບາງຊະນິດສຳລັບກຽມຄວາມພ້ອມສຳລັບການຕໍ່ສູ້ ເປັນສະພາບທີ່ເອີ້ນວ່າ : “fight or flight” ຄື : ຈະສູ້ ຫລື ຈະໜີ  ອັນເປັນສັນຊາດຕະຍານການເອົາໂຕລອດທີ່ທຳມະຊາດສ້າງມາໃຫ້ເຮົາພ້ອມຮັບມືເວລາຕ້ອງປະສົບກັບໄພອັນຕະລາຍໃດໆ ເຊິ່ງໄຂມັນເຫລົ່ານີ້ຈຶ່ງນຳມາເຊິ່ງລະດັບຄໍເລສເຕີໂຣນທີ່ສູງຂຶ້ນ ສະສົມໃນຫລອດເລືອດຈົນເປັນອັນຕະລາຍກັບຫົວໃຈໄດ້ຫາກເປັນດົນໆ.

ນັກຈິດຕະວິທະຍາແນະນຳວ່າ ຫາກໃຜທ່ີຮູ້ໂຕວ່າເປັນຄົນໃຈຮ້າຍງ່າຍ ຄຽດງ່າຍ ຄວນປັບປຸງນິໄສໂຕເອງໂດຍໄວ ໂດຍການປັບໃຫ້ຄິດຫຍັງໃນທາງຫົດຢືດຫລາຍຂຶ້ນ ຫລື ເບິ່ງເຫດການທີ່ເຮັດໃຫ້ເຮົາຮູ້ສຶກໃຈຮ້າຍ ຫລື ຄຽດເຫລົ່ານັ້ນໃນດ້ານໃໝ່ໆ ເຂົ້າໃຈຄວາມເປັນໄປຕ່າງໆຈາກຫລາຍດ້ານ ແລ້ວທ່ານຈະໄດ້ເຊົາໃຈຮ້າຍ, ເຊົາຄຽດ ເຊິ່ງຈະດີຕໍ່ສຸຂະພາບຂອງທ່ານໃນທີ່ສຸດ ຫລື ໃນບາງກໍລະນີທ່ີທ່ານອາດເຮັດໄດ້ເມື່ອຕ້ອງພະເຊີນການໂຕ້ຖຽງ ເຖິງຈະຖຽງສູ້ບໍ່ໄດ້ (ເຊັ່ນ : ຖຽງກັບຫົວໜ້າທີ່ບໍ່ຍອມຟັງຄວາມຄິດເຫັນຂອງທ່ານຈັກເທື່ອ) ກໍໃຫ້ຄິດເຂົ້າຂ້າງໂຕເອງວ່າທ່ານຖືກຢູ່ແລ້ວໃນໃຈໄວ້ງຽບໆ ຈະຊ່ວຍໃຫ້ທ່ານຄຽດຝ່າຍກົງຂ້າມໜ້ອຍລົງ ຄວບຄຸມຄວາມຮູ້ສຶກໄວ້ໄດ້ ແລະ ບໍ່ສະແດງອາລົມຮຸນແຮງອອກມາ ຫລື ຫາກເກີດເຫດການຮູ້ສຶກຖືກດູໝິ່ນ, ຂັບໄລ່ (ເຊັ່ນ : ອາດຖືກຫົວໜ້າທີ່ກຳລັງໝຸດໝັດໄລ່ອອກຈາກຫ້ອງເຮັດວຽກ) ເຮັດໃຫ້ທ່ານຄຽດຫລາຍ, ແຕ່ເຮັດຫຍັງບໍ່ໄດ້ ທາງທີ່ດີສຸດຕໍ່ໂຕເອງ ແລະ ທຸກຝ່າຍແມ່ນຫາທາງລະບາຍອາລົມບໍ່ດີນັ້ນໂດຍວິທີສ້າງສັນ ເຊັ່ນ : ຍ່າງໜີຈາກບ່ອນນັ້ນຍ່າງໄປຫລິ້ນຈັກໄລຍະໜຶ່ງ,  ກຳກ້ອນຫີນໄປໂຍນລົງນຳ້, ຮ້ອງດັງໆຂຶ້ນເທິງຟ້າ, ເຂົ້າຫ້ອງໄປຕີໝອນ ເຊິ່ງກິດຈະກຳເຫລົ່ານີ້ເປັນວິທີດັບອາລົມບໍ່ດີໃຫ້ເຊົາໄວໆ ຊ່ວຍໃຫ້ທ່ານຟື້ນຟູສຸຂະພາບຈິດ ແລະ ຮັກສາຫົວໃຈໃຫ້ປອດຈາກຄໍເລສເຕີໂຣນໄດ້.

- Wave100S AD to Website 2020 0 - ຄວາມໃຈຮ້າຍເພີ່ມລະດັບໄຂມັນໂດຍບໍ່ຮູ້ໂຕ
- WhatsApp Image 2020 05 27 at 5 - ຄວາມໃຈຮ້າຍເພີ່ມລະດັບໄຂມັນໂດຍບໍ່ຮູ້ໂຕ
- WhatsApp Image 2020 05 27 at 5 - ຄວາມໃຈຮ້າຍເພີ່ມລະດັບໄຂມັນໂດຍບໍ່ຮູ້ໂຕ
error: Alert: ເນື້ອຫາຂ່າວມີລິຂະສິດ !!