ເປັນຫຍັງເດັກນ້ອຍຍີ່ປຸ່ນຈຶ່ງຍ່າງໄປໂຮງຮຽນເອງ.

- 04020817 - ເປັນຫຍັງເດັກນ້ອຍຍີ່ປຸ່ນຈຶ່ງຍ່າງໄປໂຮງຮຽນເອງ.
- Untitled design - ເປັນຫຍັງເດັກນ້ອຍຍີ່ປຸ່ນຈຶ່ງຍ່າງໄປໂຮງຮຽນເອງ.

ສາເຫດທີ່ຫລາຍໂຮງຮຽນກຳນົດໃຫ້ເດັກນ້ອຍຕ້ອງຍ່າງໄປໂຮງຮຽນເອງ ແລະ ຫ້າມໃຫ້ພໍ່ແມ່ຜູ້ປົກຄອງຂັບລົດໄປສົ່ງ (ປົກກະຕິຄົນຍີ່ປຸ່ນຈະສົ່ງລູກເຂົ້າຮຽນໂຮງຮຽນໃກ້ເຮືອນທີ່ສຸດ ຖ້າໃຜສົ່ງລູກຮຽນໄກກໍຕ້ອງຮັບຜິດຊອບເອງ) ບໍ່ວ່າຈະມີຖານະຮັ່ງມີ ຫລື ຖານະທຸກຈົນກໍຕ້ອງຍ່າງໄປໂຮງຮຽນ ປະມານ 2 – 3 ກິໂລແມັດໃກ້ກັບເຮືອນ ການໃຫ້ເດັກນ້ອຍໄດ້ຍ່າງໄປໂຮງຮຽນເອງນີ້ ຈຶ່ງເກີດຂໍ້ດີຂຶ້ນກັບຊີວິດຄົນຍີ່ປຸ່ນຫລາຍຢ່າງ :

– ແກ້ໄຂບັນຫາການຈະລາຈອນຍາມເຊົ້າຢູ່ບໍລິເວນໂຮງຮຽນທ່ີຜູ້ປົກຄອງຈະມາສົ່ງລູກ.

– ຫລຸດພາລະຂອງຜູ້ປົກຄອງທີ່ບໍ່ຕ້ອງໄປສົ່ງລູກຢູ່ໂຮງຮຽນ.

– ສົ່ງເສີມຄວາມສຳພັນໃຫ້ເດັກນ້ອຍໃນແຖວບ້ານດຽວກັນໄດ້ຮູ້ຈັກກັນ, ຊ່ວຍເຫລືອກັນ, ບໍ່ຖິ້ມກັນ ໂດຍການໃຫ້ເດັກຜູ້ທີ່ໃຫຍ່ ກ່ວາເບິ່ງແຍງຜູ້ນ້ອຍກ່ວາ ແລະ ໄປໂຮງຮຽນນຳກັນ.

– ສອນຄວາມກົງຕໍ່ເວລາ ຖ້າເດັກນ້ອຍຜູ້ໃດມາຊ້າ ໝູ່ກໍຈະຕ້ອງລໍຖ້າຢູ່ໜ້າເຮືອນຈົນກ່ວາຈະລົງມາ ແລ້ວຍ່າງໄປພ້ອມກັນ ເພາະໃຜກໍບໍ່ຢາກໃຫ້ໝູ່ລໍຖ້າ.

- Wave100S AD to Website 2020 0 - ເປັນຫຍັງເດັກນ້ອຍຍີ່ປຸ່ນຈຶ່ງຍ່າງໄປໂຮງຮຽນເອງ.

– ເສີມສ້າງຄວາມຮັບຜິດຊອບຂອງເດັກຜູ້ໃຫຍ່ກ່ວາ ທີ່ຈະຕ້ອງເບິ່ງແຍງດູແລເດັກນ້ອຍທັງຕອນໄປ ແລະ ຕອນກັບຈາກໂຮງຮຽນ.

– ບາງເທ່ືອຈະເຫັນອາຈານ ຫລື ໂຕແທນຜູ້ປົກຄອງ ປ່ຽນກັນມາຢືນເບິ່ງແຍງດູແລເດັກນ້ອຍຢູ່ຕາມ 4 ແຍກຫລັກໆ, ທາງຂ້າງຖະໜົນ ຫລື ທາງມ້າລາຍ.

ຈະເຫັນໄດ້ວ່າພຽງແຕ່ການປ່ຽນໃຫ້ເດັກນັກຮຽນຍ່າງໄປໂຮງຮຽນເອງກໍຈະໄດ້ຫຍັງດີໆຫລາຍຢ່າງ ທັງການພັດທະນາຂອງ ເດັກ, ເສີມສ້າງຄວາມຮັບຜິດຊອບ ແລະ ຄວາມມີນຳ້ໃຈ, ອົດທົນ, ຮູ້ຈັກຊ່ວຍເຫລືອເຊິ່ງກັນ ແລະ ກັນ.

ໃນຂະນະດຽວກັນ, ກໍຊ່ວຍເສີມສ້າງຄວາມສາມັກຄີ ທັງເດັກນ້ອຍນັກຮຽນ, ພໍ່ແມ່ຜູ້ປົກຄອງ ແລະ ຄູອາຈານ ເຮັດໃຫ້ສັງຄົມຍີ່ ປຸ່ນມີຄວາມຮັກກັນ, ຮູ້ຈັກເຮັດວຽກເປັນທີມ ແລະ ເກີດຄວາມສາມັກຄີ ຊ່ວຍກັນພັດທະນາປະເທດຊາດໃນທີ່ສຸດ.

- WhatsApp Image 2020 05 27 at 5 - ເປັນຫຍັງເດັກນ້ອຍຍີ່ປຸ່ນຈຶ່ງຍ່າງໄປໂຮງຮຽນເອງ.
- WhatsApp Image 2020 05 27 at 5 - ເປັນຫຍັງເດັກນ້ອຍຍີ່ປຸ່ນຈຶ່ງຍ່າງໄປໂຮງຮຽນເອງ.
error: Alert: ເນື້ອຫາຂ່າວມີລິຂະສິດ !!