ອັນຕະລາຍຈາກການໃຊ້ຢາລະບາຍເປັນປະຈຳ

- advert banner 728 90 728x90 - ອັນຕະລາຍຈາກການໃຊ້ຢາລະບາຍເປັນປະຈຳ

ຄົນສ່ວນຫລາຍຄິດວ່າພຽງແຕ່ຢາລະບາຍ ຫລື ຢາຖ່າຍ ບໍ່ເປັນອັນຕະລາຍຫຍັງ, ບາງຄົນໃຊ້ຢາລະບາຍເພື່ອຫລຸດຄວາມຕຸ້ຍ ໂດຍກິນຕໍ່ເນື່ອງທຸກມື້ເປັນເວລາຫລາຍເດືອນ ເຊິ່ງເປັນການໃຊ້ຢາທີ່ບໍ່ຖືກຕ້ອງ.

ຢາລະບາຍມີຫລາຍປະເພດຕາມກົນໄກອອກລິດຂອງຢາ ໄດ້ແກ່ : ຢາເພີ່ມປະລິມານອາຈົມ, ຢາເຮັດໃຫ້ອາຈົມອ່ອນ, ຢາປະ ເພດໃຫ້ຄວາມມື່ນ, ຢາປະເພດເພີ່ມປະລິມານນຳ້, ຢາຍັດ, ຢາສອດ ແລະ ຢາປະເພດກະຕຸ້ນການບີບໂຕຂອງລຳໄສ້ ເຊິ່ງພິຈາລະ ນາເລືອກໃຊ້ຢານັ້ນຂຶ້ນຢູ່ກັບປັດໄຈຫລາຍຢ່າງ ເປັນຕົ້ນແມ່ນສະພາບຮ່າງກາຍຂອງຄົນປ່ວຍ, ພະຍາດທີ່ເປັນຢູ່ ຫລື ຄວາມຮຸນແຮງ ຂອງອາການຖ່າຍຍາກ.

ຢາລະບາຍ ຫລື ຢາຖ່າຍທີ່ນິຍົມໃຊ້ສ່ວນຫລາຍເປັນຢາກຸ່ມກະຕຸ້ນການບີບໂຕຂອງລຳໄສ້ໃຫຍ່  ເຊັ່ນ : ຢາທີ່ມີສ່ວນປະກອບຂອງສະໝຸນໄພ ແລະ ຢາ Bisacodyl (ສ່ວນຫລາຍຈະເປັນເມັດເຄືອບສີເຫລືອງນ້ອຍໆ) ຂະໜາດການໃຊ້ຢາລະບາຍກຸ່ມນີ້ຂຶ້ນຢູ່ກັບຄວາມຮຸນແຮງຂອງອາການຖ່າຍຍາກ ແລະ ການຕອບສະໜອງຂອງຄົນປ່ວຍ ແລະ ຄວນໃຊ້ເທົ່າທີ່ຈຳເປັນໃນໄລຍະສັ້ນໆເທົ່ານັ້ນ ບໍ່ຄວນໃຊ້ໃນການຫລຸດຄວາມຕຸ້ຍ ຫລື ໃຊ້ຫລຸດຜ່ອນອາການຖ່າຍຍາກຕິດຕໍ່ກັນເປັນໄລຍະຍາວ ເພາະເມື່ອໃຊ້ຢາໃນກຸ່ມນີ້ຕໍ່ເນື່ອງໄປດົນໆຈະເຮັດໃຫ້ເກີດອາການລຳໄສ້ລຶ້ງຕໍ່ຢາລະບາຍ ຮ່າງກາຍບໍ່ສາມາດຂັບຖ່າຍໄດ້ເອງ ແລະ ຈະທົນຕໍ່ຢາຫລາຍຂຶ້ນເລື້ອຍໆຈົນຕ້ອງເພີ່ມຂະໜາດຢາຫລາຍຂຶ້ນເລື້ອຍໆ ລຳໄສ້ເຮັດວຽກບໍ່ປົກກະຕິຕໍ່ການແກ້ໄຂ. ນອກຈາກນີ້ຍັງອາດເກີດອາ ການເຈັບທ້ອງ, ລະດັບເກືອແຮ່ເສຍຄວາມດຸ່ນດ່ຽງ, ເຮັດໃຫ້ກ້າມຊີ້ນອ່ອນແຮງ, ວິນຫົວນຳອີກ.

- lattana 1 - ອັນຕະລາຍຈາກການໃຊ້ຢາລະບາຍເປັນປະຈຳ
- 1 1 - ອັນຕະລາຍຈາກການໃຊ້ຢາລະບາຍເປັນປະຈຳ

ການປິ່ນປົວອາການຖ່າຍຍາກທີ່ຖືກວິທີແມ່ນການປິ່ນປົວຢູ່ສາເຫດ ເຊັ່ນ : ບາງຄົນດື່ມນຳ້ໜ້ອຍເກີນໄປ, ກິນອາຫານປະເພດກາກໄຍໜ້ອຍເກີນໄປ, ມີຄວາມເຄັ່ງຄຽດ ຫລື ກິນຢາບາງປະເພດທີ່ເຮັດໃຫ້ຖ່າຍຍາກ. ສ່ວນການກິນຢາລະບາຍເປັນພຽງການລະບາຍອະສຸຈິອອກຈາກຮ່າງກາຍ ບໍ່ມີຜົນຕໍ່ການຫລຸດການດູດຊຶມໄຂມັນທີ່ສະສົມຢູ່ອອກຈາກຮ່າງກາຍ.

error: Content is protected !!