ອາເມລິກາຢືນຢັນບໍ່ແມ່ນ ສັດຕູຂອງ ສປປ ເກົາຫລີ

- advert banner 728 90 728x90 - ອາເມລິກາຢືນຢັນບໍ່ແມ່ນ ສັດຕູຂອງ ສປປ ເກົາຫລີ

- lattana 1 - ອາເມລິກາຢືນຢັນບໍ່ແມ່ນ ສັດຕູຂອງ ສປປ ເກົາຫລີ

ທ່ານ ​ເຣັກ ທິວ​ເລີ​ສັນ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ ກ່າວ​ຊີ້​ແຈງ​ເລື່ອງ​ຄວາມ​ຂັດ​ແຍ່ງ​ກັບ ສປປ ​ເກົາຫລີ ວ່າ: ຄວາມ​ຈິງ​ແລ້ວ ອາ​ເມ​ລິ​ກາ​ບໍ່​​ໄດ້​ມຸ່ງ​ເປັນ​ສັດຕູ​ກັບ ສປປ ​ເກົາຫລີ ​ແລະ ຕ້ອງການ​ເຈລະຈາ​ເມື່ອ​ເຖິງ​ເວລາ​ທີ່​ເໝາະ​ສົມ.

“ພວກ​ເຮົາ​ບໍ່​ໄດ້​ຕ້ອງການ​ປ່ຽນ​ລັດຖະບານ ຫລື ລົ້ມລ້າງ​ລະບອບ​ການ​ປົກຄອງ​ທີ່​ເປັນ​ຢູ່, ພວກ​ເຮົາ​ບໍ່​ໄດ້​ຕ້ອງການ​ຈະ​ເລັ່ງ​ໃຫ້​ເກີດ​ການ​ລວມຊາດ​ຢູ່​ແຫລມ​ເກົາຫລີ, ພວກ​ເຮົາ​ບໍ່​ໄດ້​ສະ​ແຫວ​ງຫາ​ຂໍ້​ອ້າງ​ໃດໆ​ທີ່​ຈະ​ສົ່ງ​ກອງທັບ​ໄປ​ເໜືອ​ເສັ້ນຂະໜານ​ທີ 38, ພວກ​ເຮົາ​ບໍ່​ແມ່ນ​ສັດຕູ​ຂອງ​ພວກ​ເຈົ້າ ​ແລະ ບໍ່​ແມ່ນ​ໄພ​ຄຸກ​ຄາມ​, ​ແຕ່ ສປປ ​ເກົາຫລີ ພັດສະ​ແດງ​ການ​ຂົ່ມຂູ່​ທີ່​ຍອມຮັບ​ບໍ່​ໄດ້​ຕໍ່​ອາ​ເມ​ລິ​ກາ ​ເຊິ່ງພວກ​ເຮົາ​ຈະ​ຕ້ອງ​ຕອບ​ໂຕ້” ທ່ານ ທິວ​ເລີ​ສັນ ກ່າວ.

 

+ ຈີນຕອບໂຕ້ອາເມລິກາຫລັງທ່ານ ທຣຳ ວິຈານຈີນບໍ່ຊ່ວຍແກ້ໄຂເລື່ອງ ສປປ ເກົາຫລີ

+ ຣັດເຊຍຕຳໜິອາເມລິກາທີ່ປະນາມ ປະເທດຕົນ ແລະ ຈີນໃນບັນຫາແຫລມເກົາຫລີ

+ ທ່ານ ປູຕິນ ສັ່ງຫລຸດຈຳນວນ ນັກການທູດອາເມລິກາຢູ່ຣັດເຊຍຄັ້ງໃຫຍ່

 

ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ​ຍັງ​ກ່າວ​ເຖິງ​ຈີນ, ພາຍຫລັງ​ປະທານາທິບໍດີ ​ໂດນ​ັນ ທຣຳ ​ໄດ້​ຕຳ​ໜິຈີນ​ກ່ອນ​ໜ້າ​ນີ້​ວ່າ: ບໍ່​ຊ່ວຍ​ແກ້​ໄຂ​ບັນຫາ​ເລື່ອງ ສປປ ​ເກົາຫລີ “ສປປ ​ເກົາຫລີ ​ເທົ່າ​ນັ້ນທີ່​ເປັນ​ຜູ້​ຜິດ​ໃນ​ສະຖານະ​ການ​ນີ້, ​ແຕ່​ພວກ​ເຮົາ​ເຊື່ອ​ວ່າ​ຈີນ​ມີ​ການ​ພົວພັນ​ພິ​ເສດ ​ແລະ ມີ​ອິດ​ທິພົນ​ຈາກ​ກິດຈະກຳ​ທາງ​ເສດຖະກິດ ​ເຊິ່ງສຳຄັນ​ພຽງພໍ​ຈະ​ຊັກ​ຊວນ ສປປ ​ເກົາຫລີ ​ໄດ້ ​ໃນ​ແບບ​ທີ່​ບໍ່​ມີ​ໃຜ​ຈະ​ສາມາດ​ເຮັດ​​ໄດ້​ອີກ”.

- 1 1 - ອາເມລິກາຢືນຢັນບໍ່ແມ່ນ ສັດຕູຂອງ ສປປ ເກົາຫລີ

​ແຕ່​ເຖິງ​ຢ່າງ​ໃດ​ກໍ​ຕາມ, ທ່ານ ລິນ​ຊີ ​ເກຣ​ແຮມ ວຸດ​ທິສະມາຊິກ​ຈາກ​ພັກ​ລີ​ພັບ​ບລິ​ກັນ​ໄດ້​ເປີດ​ເຜີຍ​ຕໍ່​ສະຖານີ​ໂທລະພາບ NBC ວ່າ: ປະທານາທິບໍດີ ທຣຳ ​ບອກ​ວ່າ​ອາ​ດຕ້ອງ​ເຮັດ​ສົງຄາມ​ກັບ ສປປ ​ເກົາຫລີ ຖ້າ​ຍັງ​ພັດທະນາ​ລູກ​ສອນ​ໄຟ​ທີ່​ສາມາດ​ໂຈມ​ຕີ​ອາ​ເມ​ລິ​ກາ​ໄດ້​ຕໍ່​ໄປ.

- 95456385 icbm missiles ranges 624 e1491726738325 600x534 - ອາເມລິກາຢືນຢັນບໍ່ແມ່ນ ສັດຕູຂອງ ສປປ ເກົາຫລີ

​ໃນ​ທ້າຍ​ອາທິດ​ຜ່ານ​ມາ, ສປປ ​ເກົາຫລີ ປະກາດ​ຜົນສຳ​ເລັດ​ໃນ​ການ​ທົດ​ລອງ​ລູກ​ສອນ​ໄຟ​ໄລຍະ​ໄກ​ຂ້າມ​ທະວີບ ຮວາ​ຊອງ-14 ​ເຊິ່ງສາມາດ​ໃຊ້​ຍິງ​ໂຈມ​ຕີ​ໄດ້​ໄກ​ເຖິງ​ຝັ່ງ​ຕາ​ເວັນ​ຕົກ​ຂອງ​ອາ​ເມ​ລິ​ກາ ຫລື ​ເລິກ​ເຂົ້າ​ໄປ​ໃນ​ແຜ່ນດິນ​ໃຫຍ່​ຂອງ​ອາ​ເມ​ລິ​ກາ​ໄດ້​ຫລາຍ​ກວ່າ​ນັ້ນ, ​ແຕ່​ຜູ້​ຊ່ຽວຊານ​ບາງ​ທ່ານ​​ເບິ່ງ​ວ່າ: ສປປ ​ເກົາຫລີ ຍັງ​ບໍ່​ປະສົບ​ຜົນສຳ​ເລັດ​ໃນ​ການ​ທົດ​ລອງ​ລູກ​ສອນ​ໄຟ​ດັ່ງກ່າວ ​ເນື່ອງ​ຈາກ​ພົບ​ຫລັກ​ຖານ​ທີ່​ຊີ້​ວ່າ​ຫົວ​ຮົບ​​ເກີດ​ແຕກ​ລະ​ເບີດ​ອອກ່ອນ​ຮອດ​ເປົ້າໝາຍ ​ເຊິ່ງ ສປປ ​ເກົາຫລີ ຈະ​ຕ້ອງ​ໃຊ້​ເວລາ​ອີກ​ຢ່າງ​ໜ້ອຍ 6 ​ເດືອນ​ໃນ​ການ​ແກ້​ໄຂ​ບັນຫາ​ນີ້.