ເດັກຂາດສານອາຫານຢູ່ເຢເມນ ກວ່າລ້ານຄົນສ່ຽງເປັນ ພະຍາດຖອກທ້ອງ

- advert banner 728 90 728x90 - ເດັກຂາດສານອາຫານຢູ່ເຢເມນ ກວ່າລ້ານຄົນສ່ຽງເປັນ ພະຍາດຖອກທ້ອງ

ອົງການ​ຊ່ວຍ​ເຫລືອ​ເດັກ (Save the Children) ​ເປີດ​ເຜີຍ​ໃນ​ວັນ​ທີ 2 ກໍລະກົດ​ນີ້​ວ່າ: ​ເດັກ​ອາຍຸ​ຕໍ່າ​ກວ່າ 5 ປີ​ທີ່​ປ່ວຍ​ເປັນ​ພະຍາດ​ຂາດ​ສານ​ອາຫານ​ຢູ່​ເຢ​ເມນ​ຈຳນວນ​ກວ່າ​ລ້ານ​ຄົນ ພວມ​ອາ​ໄສ​ຢູ່​ໃນ​ພື້ນທີ່​ທີ່​ມີ​ການ​ແຜ່​ລະບາດ​ຂອງ​ພະຍາດ​ຖອກທ້ອງ.

ຂໍ້​ມູນ​ຫລ້າ​ສຸດ​ລະບຸ​ວ່າ: ພົບ​ຜູ້​ຕິດ​ເຊື້ອ​ແລ້ວ​ຫລາຍ​ກວ່າ 425.000 ຄົນ ​ແລະ ມີ​ຜູ້​ເສຍ​ຊີວິດ​ແລ້ວ​ເກືອບ 1.900 ຄົນ ນັບ​ແຕ່​ພະຍາດ​ຖອກທ້ອງ​ແຜ່​ລະບາດ​ໃນ​ເດືອນ​ເມສາ 2015 ​ໃນ​ຈຳນວນ​ຜູ້​ຕິດ​ເຊື້ອລາຍ​ໃໝ່​ທັງ​ໝົດ ​ເປັນ​ເດັກ​ອາຍຸ​ນ້ອຍ​ກວ່າ 15 ປີ​ເຖິງ 44% ​ແລະ ​ເດັກທີ່​ເສຍ​ຊີວິດ​ຈາກ​ພະຍາດ​ຖອກທ້ອງ​ຄິດ​ເປັນ 32% ຈາກ​ຈຳນວນ​ຜູ້​ເສຍ​ຊີວິດ​ທັງ​ໝົດ​ຢູ່​ເຢ​ເມນ ​ເຊິ່ງຢູ່​ໃນ​ສະພາບ​ສົງຄາມ ​ແລະ ​ຜະ​ເຊີນ​ບັນຫາ​ດ້ານ​ເສດຖະກິດ ສົ່ງ​ຜົນ​ໃຫ້​ປະຊາຊົນ​ຫລາຍ​ລ້ານ​ຜະ​ເຊີນ​ສະພາບ​ອຶດຫິວຢ່າງ​ໜັກ.

ຜູ້ອຳນວຍການ​ອົງການ​ຊ່ວຍ​ເຫລືອ​ເດັກ​ປະຈຳ​ເຢ​ເມນ ກ່າວ​ວ່າ: ພະຍາດ​ຂາດ​ສານ​ອາຫານ ​ແລະ ພະຍາດ​ຖອກທ້ອງ​ລ້ວນ​ເປັນ​ພະຍາດ​ທີ່​ສາມາດ​ປິ່ນປົວ​​ໃຫ້​ເຊົາ​ໄດ້, ​ແຕ່​ບັນຫາ​ຄື ການ​ເຂົ້າ​ເຖິງ​ບໍລິການ​ສາທາລະນະ​ສຸກຂັ້ນພື້ນຖານ​ໃນ​ປະ​ເທດ​ຖືກ​ຈຳກັດ, ​ໂຮງໝໍ ​ແລະ ສຸກສາລາ​ຫລາຍ​ແຫ່ງ​ຖືກ​ທຳລາຍ, ​ເຈົ້າໜ້າ​ທີ່​ສາທາລະນະ​ສຸກ​ບໍ່​ໄດ້​ຮັບ​ເງິນ​ຄ່າ​ຈ້າງ​ມາ​​ເກືອບ​ປີ ​ແລະ ການ​ສົ່ງ​ການ​ຊ່ວຍ​ເຫລືອ​ຖືກ​ຂັດຂວາງ.

- Tiger Head 728x90 - ເດັກຂາດສານອາຫານຢູ່ເຢເມນ ກວ່າລ້ານຄົນສ່ຽງເປັນ ພະຍາດຖອກທ້ອງ
- 1 1 - ເດັກຂາດສານອາຫານຢູ່ເຢເມນ ກວ່າລ້ານຄົນສ່ຽງເປັນ ພະຍາດຖອກທ້ອງ

ບັນຫາ​ກາ​ນລະບາດ​ຂອງ​ພະຍາດ​ຖອກທ້ອງ​ຢູ່​ເຢ​ເມນ ສົ່ງ​ຜົນ​ໃຫ້​ອົງການ​ສະຫະ​ປະຊາ​ຊາດ ຫລື UN ປັບ​ການ​ຕີ​ລາຄາ​ຕົວ​ເລກ​ປະຊາຊົນ​ທີ່​ຕ້ອງການ​ການ​ຊ່ວຍ​ເຫລືອ​ດ້ານ​ມະນຸດສະທຳ​ເປັນ 20,7 ລ້ານ​ຄົນ ຈາກ 18,8 ລ້ານ​ຄົນ. ທັງ​ນີ້ ​ເຢ​ເມນ​ມີ​ຈຳນວນ​ປະຊາກອນ​ທັງ​ໝົດ 28 ລ້ານ​ຄົນ. ສ່ວນ​ອົງການ​ອ໊ອກ​ແຟມຄາດ​ວ່າ: ຈຳນວນ​ຜູ້​ປ່ວຍ​ພະຍາດ​ຖອກທ້ອງ​ຢູ່​ເຢ​ເມນ​ຈະ​ເພີ່ມ​ສູງ​ຂຶ້ນ​ເກີນ​ກວ່າ 600.000 ຄົນ ສູງ​ທີ່​ສຸດ​ນັບ​ແຕ່​ເລີ່​ມມີ​ການ​ບັນທຶກ​ຈຳນວນ​ຜູ້​ປ່ວຍ​ໃນ​ແຕ່ລະ​ປະ​ເທດ​ພາຍ​ໃນ​ໜຶ່ງ​ປີ.

error: Content is protected !!