ປະຊຸມອາຊຽນຈະໃຫ້ຄວາມ ສຳຄັນເລື່ອງກໍ່ການຮ້າຍ

- 1501664074913 960x0 - ປະຊຸມອາຊຽນຈະໃຫ້ຄວາມ ສຳຄັນເລື່ອງກໍ່ການຮ້າຍ
- Untitled design - ປະຊຸມອາຊຽນຈະໃຫ້ຄວາມ ສຳຄັນເລື່ອງກໍ່ການຮ້າຍ

ບັນຫາ​ໄພ​ຄຸກ​ຄາມ​ຈາກ​ກໍ່​ການ​ຮ້າຍ​ມີ​ທ່າ​ອ່ຽງວ່າ​ຈະ​ຖືກ​ຍົກ​ຂຶ້ນຫາລື​ເປັນ​ບັນຫາ​ສຳຄັນ​ແທນ​ເລື່ອງ​ຂໍ້​ພິພາດ​ໃນ​ທະ​ເລ​ຈີນ​ໃຕ້ ລະຫວ່າງ​ກອງ​ປະຊຸມ​ອາ​ຊຽນວ່າ​ດ້ວຍ​ການ​ຮ່ວມ​ມື​ດ້ານ​ການ​ເມືອງ ​ແລະ ຄວາມ​ໝັ້ນ​ຄົງ​ໃນ​ພາກພື້ນອາຊີ-ປາຊີ​ຟິກ (ASEAN Regional Forum) ທີ່​ພວມ​ຈະ​ມາ​ເຖິງ.

ກອງ​ປະຊຸມ​ອາ​ຊຽນວ່າ​ດ້ວຍ​ການ​ຮ່ວມ​ມື​ດ້ານ​ການ​ເມືອງ ​ແລະ ຄວາມ​ໝັ້ນຄົງ​ໃນ​ພາກພື້ນອາຊີ ​ແລະ ປາຊີ​ຟິກ ຄັ້ງທີ 24 ມີ​ກຳນົດ​ຈັດ​ຂຶ້ນຢູ່​ນະຄອນຫລວງ​ມະນິລາຂອງ​ຟີ​ລິບ​ປິນ ​ໃນ​ວັນ​ທີ 5 ສິງຫາ​ນີ້. ​ໃນ​ອະດີດ​ຜ່ານ​ມາ, ​ເລື່ອງ​ຂໍ້​ພິພາດ​ໃນ​ທະ​ເລ​ຈີນ​ໃຕ້​ມັກ​ຈະ​ຖືກ​ຍົກ​ຂຶ້ນ​ເປັນບັນຫາ​ຕົ້ນຕໍ​ໃນ​ການ​ຫາລື​ລະຫວ່າງ​ຕົວ​ແທນ​ຂອງ​ແຕ່ລະ​ປະ​ເທດ​ທີ່​ເຂົ້າຮ່ວມ ​ເພື່ອ​ກັດ​ດັນ​ໃຫ້​ຈີນ​ເລັ່ງສະຫລຸບ​ແນວ​ປະຕິບັດ​ໃນ​ທະ​ເລ​ຈີນ​ໃຕ້, ​ແຕ່​ພາຍຫລັງ​ເກີດ​ເຫດ​ກຸ່ມ​ຕິດ​ອາວຸດ ​ເຊິ່ງສະໜັບສະໜູນ​ກຸ່ມ​ລັດ​ອິດສະ​ລາມ ຫລື IS ກໍ່​ເຫດ​ຍຶດ​ເມືອງ​ມາລາ​ວີ​ທາງ​ຕອນ​ໃຕ້ຂອງ​ຟີ​ລິບ​ປິນ​ໃນ​ວັນ​ທີ 23 ພຶດສະພາ ບັນດາ​ປະ​ເທດ​ອາ​ຊຽນຕ່າງ​ຮູ້ສຶກ​ກັງວົນ​ວ່າ: ຈະ​ຖືກ​ໃຊ້​ເປັນ​ສູນ​ກາງຂອງ​ກຸ່ມ​ຫົວ​ຮຸນ​ແຮງ​ໃນ​ພາກພື້ນອາຊີ.

ທ່ານ ​ໂຣ​ເບ​ສ​ເປີ​ຍ ​ໂບລິ​ວາ ຮັກສາ​ການ​ໂຄສົກ​ກະຊວງ​ການ​ຕ່າງ​ປະ​ເທດ​ຟີ​ລິບ​ປິນ ກ່າວ​ວ່າ: ການ​ເຂົ້າມາ​ພາກພື້ນຂອງ​ກຸ່ມ IS ກາຍ​ເປັນ​ສິ່ງ​ກັງວົນ​ສຳລັບ​ທຸກ​ປະ​ເທດ, ທ່ານ​ຈຶ່ງ​ຫວັງ​ວ່າ: ກອງ​ປະຊຸມ​ອາ​ຊຽນຢູ່​ນະຄອນຫລວງ​ມະນິລາ​ໃນ​ຄັ້ງນີ້​ຈະ​ຊ່ວຍ​ສ້າງ​ແຮງ​ສະໜັບສະໜູນ​ໃນ​ການ​ຕໍ່ຕ້ານ​ກໍ່​ການ​ຮ້າຍ, ສ່ວນ​ຜູ້ອຳນວຍການ​ບໍລິຫານ​ຂອງ​ສະ​ຖາ​ບັນ​ເພື່ອ​ການ​ວິ​ໄຈ​ສັນຕິພາບ, ຄວາມ​ຮຸນ​ແຮງ ​ແລະ ກໍ່​ການ​ຮ້າຍ​ຂອງ​ຟີ​ລິບ​ປິນ ກ່າວ​ວ່າ: ບັນຫາ​ທະ​ເລ​ຈີນ​ໃຕ້​ກາຍ​ເປັນ​ເລື່ອງ​ນ້ອຍ ​ເມື່ອ​ທຽບ​ໃສ່​ການ​ເຂົ້າມາ​ຂອງ​ນັກຮົບ​ກຸ່ມ​ກໍ່​ການ​ຮ້າຍ​ທີ່​ມີ​ຈຳນວນ​ເພີ່ມ​ຂຶ້ນ ​ເຮັດ​ໃຫ້​ຖືກ​ເບິ່ງ​ວ່າ: ​ເປັນ​ເລື່ອງ​ຈຳ​ເປັນ​ຮີບ​ດ່ວນ​ໃນ​ປັດຈຸບັນ.

- Wave100S AD to Website 2020 0 - ປະຊຸມອາຊຽນຈະໃຫ້ຄວາມ ສຳຄັນເລື່ອງກໍ່ການຮ້າຍ
- WhatsApp Image 2020 05 27 at 5 - ປະຊຸມອາຊຽນຈະໃຫ້ຄວາມ ສຳຄັນເລື່ອງກໍ່ການຮ້າຍ
- WhatsApp Image 2020 05 27 at 5 - ປະຊຸມອາຊຽນຈະໃຫ້ຄວາມ ສຳຄັນເລື່ອງກໍ່ການຮ້າຍ
error: Alert: ເນື້ອຫາຂ່າວມີລິຂະສິດ !!