ທຸກໃຈກັບການບໍລິການ ປະກັນສັງຄົມ

- advert banner 728 90 728x90 - ທຸກໃຈກັບການບໍລິການ ປະກັນສັງຄົມ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ​ໃນ​ຜ່ານ​ມາ​ໃຜໆ​ກໍ​ດີ​ໃຈ​ເມື່ອ​ໄດ້​ເຂົ້າ​ເປັນ​ສະມາຊິກ​ຂອງ​ອົງການ​ປະກັນ​ສັງຄົມ​ຕາມ​ແນວທາງ​ນະ​ໂຍບາຍ​ຂອງ​ພັກ ​ແລະ ລັດຖະບານ​ເຮົາ ​ເພື່ອນ​ແນ​ໃສ່​ແບ່ງ​ເບົາ​ການ​ໃຊ້​ຈ່າຍ​ຕ່າງໆ​ເຂົ້າ​ໃຈ​ການກວດ​ສຸຂະພາບ ​ແລະ ການ​ປິ່ນປົວ​ພະຍາດ ນັບ​ທັງ​ຜູ້​ເຮັດ​ປະກັນ​ພ້ອມ​ຄອບຄົວ​ລູກ​ເມຍ ​ແລະ ອື່ນໆ. ພຽງ​ແຕ່ລະ​ເດືອນ​ໄດ້​ມອບ​ເງິນ​ໃຫ້​ອົງການ​ດັ່ງກ່າວ, ຖ້າ​ພະນັກງານ​ລັດ​ກໍ​ຈະ​ມີ​ປະມານ 6-8% ຂອງ​ເງິນ​ເດືອນ ​ແລະ ​ເບື້ອງວິ​ສາ​ຫະກິດ​ພາກ​ເອກະ​ຊົນ​ກໍ​ຈະ​ຢູ່​ລະຫວ່າງ 10% ຂອງ​ເງິນ​ເດືອນ ​ແລະ ກໍ​ເປັນ​ການ​ຍອມຮັບ​ໄດ້​ຫາກ​ໃນ​ເມື່ອ​ການ​ບໍລິການ​ຂອງ​ຝ່າຍ​ໂຮງໝໍ​ສາມາດ​ປະຕິບັດ​ການ​ໃຊ້​ຈ່າຍ​ເຂົ້າ​ໃນ​ການ​ປິ່ນປົວ​ຢ່າງ​ເຕັມ​ເມັດ​ເຕັມ​ໜ່ວຍ ​ແລະ ​ເຮັດ​ດ້ວຍ​ຄວາມ​ຮັບຜິດຊອບ​ແທ້. ​ແຕ່​ກົງກັນຂ້າມ ​ໃນ​ຜ່ານ​ມາ​ກໍ​ມີ​ຫລາຍ​ຄົນ​ໄດ້​ທຸກ​ໃຈ​ກັບ​ການ​ບໍລິການ​ນັ້ນມາ​ແລ້ວ, ​ເຂົາ​ເລົ່າ​ສູ່​ຟັງ​ວ່າ: ສ່ວນ​ຫລາຍ​ການ​ບໍລິການ​ກວດ​ສຸຂະພາບ ​ແລະ ປິ່ນປົວ​ພະຍາດ​ເບິ່ງ​ຄື​ວ່າ​ບໍ່​ສົມນ້ຳສົມຕ່ອນ​ກັບ​ການ​ມອບ​ເງິນ​ສະມາຊິກ​ໃນ​ແຕ່ລະ​ເດືອນ​ໃຫ້​ອົງການ​ດັ່ງກ່າວ, ​ໄປ​ກວດ​ພະຍາດ​ເທື່ອ​ໃດ​ກໍ​ຈະ​ໄດ້​ຮັບ​ພຽງ​ຢາ​ເລັກໆ​ນ້ອຍໆ ​ແລະ ມີ​ລາຄາ​ຖືກ, ຖ້າ​ພະຍາດ​ຮ້າຍ​ແຮງ ​ແລະ ຕ້ອງ​ໃຊ້​ຈ່າຍ​ສູງ​ກໍ​ຕ້ອງ​ໄດ້​ອອກ​ເງິນ​ຕື່ມ​ໄປ​ຊື້ຢູ່​ທາງ​ນອກ. ກໍ​ດັ່ງ​ເພື່ອນ​ຜູ້​ໜຶ່ງ​ເຮັດ​ວຽກ​ຢູ່​ວິ​ສາ​ຫະກິດ​ເລົ່າ​ວ່າ: ອາທິດ​ຜ່ານ​ມາ​ນີ້ ​ເພິ່ນ​ໄປ​ກວດ​ສຸຂະພາບ​ຢູ່​ໂຮງໝໍ​ໃຫຍ່​ແຫ່ງ​ໜຶ່ງ​ທີ່​ເພິ່ນ​ເລືອກ, ​ແຕ່​ໃນ​ທີ່​ສຸດ​ເພິ່ນ​ໄດ້​ຮັບ​ຢາ​ຈາກ​ໂຮງໝໍ​ນັ້ນມີ​ມູນ​ຄ່າ​ພຽງ​ບໍ່​ທໍ່​ໃດ​ກີບ​ດ ສ່ວນ​ຢາ​ທີ່​ຈຳ​ເປັນ​ຕ້ອງ​ໄດ້​ໄປ​ຊື້ຢູ່​ທາງ​ນອກ​ທີ່​ມີ​ລາຄາ​ສູງ​ກວ່າ​ຕັ້ງຫລາຍ​ສິບ​ເທົ່າ ​ແລະ ​ເພ່ືອນ​ຜູ້ນັ້ນຍັງ​ເວົ້າ​ແບບ​ບໍ່ພໍ​ໃຈ​ວ່າ: ຖ້າ​ເປັນ​ແບບ​ນີ້​ບໍ່​ຮູ້​ວ່າ​ຈະ​ໄປ​ເຮັດ​ປະກັນ​ສັງຄົມ​ເຮັດ​ຫຍັງ, ຖ້າ​ເອົາ​ຈຳນວນ​ເງິນ​ແຕ່ລະ​ເດືອນ​ທີ່​ໄດ້​ມອບ​ໄປ​ນັ້ນມາ​ປິ່ນປົວ​ຕົນ​ເອງ​ກໍ​ອາດ​ຈະ​ດີກ​ວ່າ. ​ເອົາລະ ​ເວົ້າມາ​ກໍ​ຫລາຍ​ຢ່າງ. ​ແຕ່​ເຖິງ​ແນວ​ໃດ​ພວກ​ເຮົາ​ກໍ​ຊ່ວຍ​ກັນ​ແກ້​ໄຂ, ຖ້າ​ຂອດ​ໃດ, ຂະ​ແໜງ​ການ​ກ່ຽວຂ້ອງ​ໃດ​ເຮັດ​ໜ້າ​ທີ່​ຂອງ​ຕົນ​ຍັງ​ເຫັນ​ວ່າ​ບໍ່​ສອດຄ່ອງ​ກໍ​ຕ້ອງ​ໄດ້​ເອົາ​ໃຈ​ໃສ່​ປັບປຸງ​ຕົນ​ເອງ​ໃຫ້​ດີ​ຂຶ້ນກວ່າ​ເກົ່າ ​ເພື່ອ​ຄວາມ​ສົມບູນ​ພູນ​ສຸກ​ຂອງ​ບ້ານ​ເມືອງ​ເຮົາ​ດີ​ຂຶ້ນ​ເປັນ​ລຳດັບ​ຕາມ​ແນວທາງ​ຂອງ​ພັກ ​ແລະ ລັດຖະບານ​ເຮົາ​ວາງ​ໄວ້.

- new3 - ທຸກໃຈກັບການບໍລິການ ປະກັນສັງຄົມ
- lattana 1 - ທຸກໃຈກັບການບໍລິການ ປະກັນສັງຄົມ
error: Content is protected !!