ຊອກດານີຍົກເລີກກົດໝາຍ ໃຫ້ຄົນຮ້າຍຂົ່ມຂືນພົ້ນໂທດ ຖ້າແຕ່ງດອງກັບເຫຍື່ອ

- advert banner 728 90 728x90 - ຊອກດານີຍົກເລີກກົດໝາຍ ໃຫ້ຄົນຮ້າຍຂົ່ມຂືນພົ້ນໂທດ ຖ້າແຕ່ງດອງກັບເຫຍື່ອ

- maxresdefault - ຊອກດານີຍົກເລີກກົດໝາຍ ໃຫ້ຄົນຮ້າຍຂົ່ມຂືນພົ້ນໂທດ ຖ້າແຕ່ງດອງກັບເຫຍື່ອ

- new3 - ຊອກດານີຍົກເລີກກົດໝາຍ ໃຫ້ຄົນຮ້າຍຂົ່ມຂືນພົ້ນໂທດ ຖ້າແຕ່ງດອງກັບເຫຍື່ອ

ສະພາ​ຊອກ​ດາ​ນີຍົກ​ເລີກ​ກົດໝາຍ​ທີ່​ຊ່ວຍ​ໃຫ້​ຜູ້​ຕ້ອງ​ຫາ​ຄະດີ​ຂົ່ມຂືນ​ພົ້ນ​ໂທດ ຖ້າ​ແຕ່ງດອງ​ກັບ​ຜູ້​ເສຍ​ຫາຍ ​ແລະ ບໍ່​ຢ່າ​ຮ້າງ​ກັນ​ພາຍ​ໃນ​ເວລາ 5 ປີ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ອຳ​ມານ ປະ​ເທດ​ຊອກ​ດາ​ນີ ​ໃນ​ວັນ​ທີ 2 ສິງຫາ​ນີ້​ວ່າ: ສະພາ​ຜູ້​ແທນ​ລາຊະ​ດອນ​ຂອງ​ຊອກ​ດາ​ນີມີ​ມະຕິ​ເຫັນ​ພ້ອມ​ໃນ​ກອງ​ປະຊຸມ​ວັນ​ທີ 1 ສິງຫາ​ນີ້ ​ໃຫ້​ຍົກ​ເລີກ​ມາດ​ຕາ 308 ຂອງ​ປະມວນ​ກົດໝາຍ​ອາຍາ ວ່າ​ດ້ວຍ​ການ​ທີ່​ຜູ້​ຕ້ອງ​ຫາ​ໃນ​ຄະດີ​ຂົ່ມຂືນ​ອາດ​ຫລຸດ​ພົ້ນຈາກ​ຂໍ້​ກ່າວ​ຫາ ຖ້າ​ແຕ່ງດອງ​ກັບ​ຜູ້​ເສຍ​ຫາຍ ​ແລະ ບໍ່​ຢ່າ​ຮ້າງ​ກັນ​ພາຍ​ໃນ​ໄລຍະ​ເວລາ 5 ປີ. ຂະນະ​ທີ່​ທ່ານ ຮາ​ນີ ອັດ ມຸລກີ ນາຍົກລັດຖະມົນຕີຊອກດານີ ກ່າວ​ວ່າ: ລັດຖະບານ​ສະໜັບສະໜູນ​ການ​ຍົກ​ເລີກ​ມາດຕາ​ດັ່ງກ່າວ​ເພື່ອ​ປະຊາຊົນ. ທັງ​ນີ້ ສຳນັກງານ​ຕຳຫລວດຊອກ​ດາ​ນີ​ໄດ້​ຮັບ​ແຈ້ງ​ຄວາມ​ຄະດີ​ຂົ່ມຂືນ​ຫລາຍ​ກວ່າ 160 ຄະດີ ​ໃນ​ປີຜ່ານມາ.

- zaols6au - ຊອກດານີຍົກເລີກກົດໝາຍ ໃຫ້ຄົນຮ້າຍຂົ່ມຂືນພົ້ນໂທດ ຖ້າແຕ່ງດອງກັບເຫຍື່ອ

- lattana 1 - ຊອກດານີຍົກເລີກກົດໝາຍ ໃຫ້ຄົນຮ້າຍຂົ່ມຂືນພົ້ນໂທດ ຖ້າແຕ່ງດອງກັບເຫຍື່ອ

ທ່ານ​ນາງ ຊາຣາ ​ເລ​ອາ ວິດ​ສັນ ຜູ້ອຳນວຍການ​ປະຈຳ​ພາກພື້ນຕາ​ເວັນ​ອອກ​ກາງຂອງ​ຮິ​ວ​ແມນ ​ໄຮ ວອດ ກ່າວ​ຍົກຍ້ອງ​ການ​ຕັດສິນ​ໃຈ​ຂອງ​ສະພາ​ຊອກ​ດາ​ນີ ​ແລະ ຮຽກຮ້ອງ​ໃຫ້​ກຸ່ມ​ປະ​ເທດ​ຮ່ວມ​ພາກພື້ນປະຕິບັດ​ຕາມ ​ເຊິ່ງລວມທັງ​ອີຣັກ, ກູ​ເວດ, ຊີຣີ, ລີ​ບີ ​ແລະ ​ອານ​ເຊ​ລີ ​ເນື່ອງ​ຈາກ​ຜູ້ຍິງ​ບໍ່​ແມ່ນ​ຊັບ​ສິນ​ສຳລັບ​ຊື້ຂາຍ ​ໂດຍ​ການ​ເຄື່ອນ​ໄຫວ​ຂອງ​ຊອກ​ດາ​ນີມີ​ຂຶ້ນ 1 ອາທິດ ຫລັງ​ສະພາ​ຜູ້​ແທນ​ລາຊະ​ດອນ​ຂອງ​ຕູ​ນີຊີ​ຍົກ​ເລີກ​ກົດໝາຍ​ໃຫ້​ຄົນ​ຮ້າຍ​ຄະດີ​ຂົ່ມຂືນ​ຫລຸດ​ພົ້ນຈາກ​ການ​ຮັບ​ໂທດ​ຕາມ​ກົດໝາຍ ຖ້າ​ແຕ່ງດອງ​ກັບ​ຜູ້​ເສຍ​ຫາຍ.

error: Content is protected !!