ສື່​ເຮົາ​ຈະ​ຕ້ອງ​ໄດ້​ບຸກບືນ​ສ້າງ​ຕົນ​ເອງ​ຫລາຍ​ຂຶ້ນ (​ເນື່ອງ​ໃນ​ໂອກາດ​ວັນ​ສື່​ມວນ​ຊົນ 13 ສິງຫາ ຄົບຮອບ 67 ປີ)

- advert banner 728 90 728x90 - ສື່​ເຮົາ​ຈະ​ຕ້ອງ​ໄດ້​ບຸກບືນ​ສ້າງ​ຕົນ​ເອງ​ຫລາຍ​ຂຶ້ນ (​ເນື່ອງ​ໃນ​ໂອກາດ​ວັນ​ສື່​ມວນ​ຊົນ 13 ສິງຫາ ຄົບຮອບ 67 ປີ)

ກໍ​ດັ່ງ​ການ​ຕີ​ລາຄາ​ຂອງ​ອົງຄະ​ນະ​ພັກ​ ກະຊວງ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ ກ່ຽວ​ກັບ​ວຽກ​ງານ​ສື່​ມວນ​ຊົນ​ເຮົາ​ວ່າ: ຜ່ານ​ໄລຍະ​ຫລາຍ​ປີ​ມາ​ນີ້ ​ໂດຍ​ລວມ​ແລ້ວ​ເຖິງ​ວ່າ​ສື່​ມວນ​ຊົນ​ເຮົາ​ໄດ້​ມີ​ການ​ພັດທະນາ​ໃຫ້​ເຕີບ​ໃຫຍ່​ຂະຫຍາຍຕົວ ນັບ​ທັງ​ດ້ານ​ປະລິມານ ​ແລະ ຄຸນ​ນະພາ​ບ ຄື​ສະ​ເພາະ​ສື່​ສິ່ງ​ພິມ ມາ​ຮອດ​ປັດຈຸບັນ​ທົ່ວ​ປະ​ເທດ​ມີ 127 ສະບັບ ​ເພີ່ມ​ຂຶ້ນ 30 ກວ່າ​ສະບັບ ທຽບ​ໃສ່ 5-6 ປີ​ກ່ອນ, ​ໃນ​ນັ້ນມີ​ໜັງສືພິມ​ເປັນ​ລາຍ​ວັນ 11 ສະບັບ. ພ້ອມ​ນັ້ນສື່​ເອ​ເລັກ​ໂຕຣນິກກໍ​ໄດ້​ຮັບ​ການ​ພັດທະນາ​ຂະຫຍາຍຕົວ ຄື​ວິທະຍຸ​ກະຈາຍສຽງ ມາ​ຮອດ​ປັດຈຸບັນ​ມີ 63 ສະຖານີ ​ເພີ່ມ​ຂຶ້ນ 20 ສະຖານີ ທຽບ​ໃສ່​ປີ 2011. ສຳລັບ​ສະຖານີ​ໂທລະພາບ​ມີ 37 ສະຖານີ ​ເພີ່ມ​ຂຶ້ນ 5 ສະຖານີ. ພ້ອມ​ນັ້ນ ປະ​ເພດ​ສື່​ໃໝ່ (News Media) ກໍ​​ເກືອບ​ວ່າ​ທຸກ​ສື່​ໄດ້​ມີ​ເວັບ​ໄຊ​ເປັນ​ຂອງ​ຕົນ​ເອງ ​ແລະ ​ໄດ້​ນຳ​ໃຊ້​ລະບົບ​ເຄືອ​ຂ່າຍ​ອິນ​ເຕີ​ເນັດ​ໃນ​ການ​ຮັບ ​ແລະ ສົ່ງ​ຂໍ້​ມູນ​ຂ່າວສານ​ໄດ້​ຢ່າງ​ວ່ອງ​ໄວ ​ແລະ ກວ້າງຂວາງ​ກວ່າ​ເກົ່າ.

- new3 - ສື່​ເຮົາ​ຈະ​ຕ້ອງ​ໄດ້​ບຸກບືນ​ສ້າງ​ຕົນ​ເອງ​ຫລາຍ​ຂຶ້ນ (​ເນື່ອງ​ໃນ​ໂອກາດ​ວັນ​ສື່​ມວນ​ຊົນ 13 ສິງຫາ ຄົບຮອບ 67 ປີ)

​ແຕ່​ຄຽງ​ຄູ່​ກັນນັ້ນ, ​ເມື່ອ​ທຽບ​​ໃສ່​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ການ​ເມືອງ​ໃນ​ໄລຍະ​ໃໝ່​ແລ້ວ​ເຫັນ​ວ່າ: ສື່​ພວກ​ເຮົາ​ຍັງ​ມີ​ຫລາຍ​ອັນ​ຈະ​ຕ້ອງ​ໄດ້​ບຸກບືນ​ສ້າງ​ຕົນ​ເອງ​ຫລາຍ​ຂຶ້ນ ​ໂດຍ​ສະ​ເພາະ​ດ້ານ​ເນື້ອ​ໃນ​ບໍ່​ທັນ​ເລິກ​ເຊິ່ງ, ບໍ່​ທັນ​ດຶງ​ດູດ​ຄວາມ​ສົນ​ໃຈ​ຜູ້​ອ່ານ, ຜູ້​ຊົມ, ຜູ້​ຟັງ​ໄດ້​ຫລາຍ, ການ​ໂຄສະນາ​ເຜີຍ​ແຜ່​ຂໍ້​ມູນ​ຂ່າວສານ​ສາລະ​ຄວາມ​ຮູ້​ທີ່​ເປັນ​ປະ​ໂຫຍ​ດ ​ແລະ ການບັນ​ເທີ​ງທີ່​ມີ​ເນື້ອ​ໃນ​ຕິດ​ພັນ​ກັບ​ການ​ຍົກ​ສູງ​ນ້ຳ​ໃຈ​ຮັກ​ຊາດ, ຮັກ​ລະບອບ​ໃໝ່​ຍັງ​ບໍ່​ທັນ​ອຸດົມສົມບູນ, ​ເນື້ອ​ໃນ​ສ່ອງ​ແສງ​ສະພາບ​ຄວາມ​ເປັນ​ຈິງ​ຂອງ​ຊີວິດ​ສັງຄົມ​ຢູ່​ຮາກ​ຖານ​ຍັງ​ບໍ່​ຫລາກ​ຫລາຍ, ບໍ່​ທັນ​ຮູ້​ເລືອກ​ເຟັ້ນສັງ​ລວ​ມ​ເອົາ​ຄຳ​ຕຳ​ນິຕິ​ຊົມ ​ແລະ ຄຳ​ຄິດ​ຄຳ​ເຫັນ​ຂອງ​ມະຫາຊົນ​ມາ​ສ່ອງ​ແສງ​ໃຫ້​ຫລາຍ. ພ້ອມ​ນັ້ນຄວາມ​ເປັນ​ເຈົ້າການ, ຄວາມ​ສະດຸ້ງ​ໄວ​ຂອງ​ຜູ້​ເຮັດ​ວຽກ​ງານ​ສື່​ມວນ​ຊົນ​ໃນ​ການ​ຕອບ​ຕ້ານ​ຖ້ອຍ​ທຳນອງ​ໂຄສະນາ​ບິດ​ເບືອນ​ໃສ່​ຮ້າຍ​ປ້າຍ​ສີ​ຂອງ​ພວກ​ອິດ​ທິກຳລັງ​ປໍ​ລະ​ປັກ ​ແລະ ກຸ່ມ​ຄົນ​ບໍ່​ດີ​ຍັງ​ບໍ່​ທັນ​ການ, ການ​ນຳ​ສະ​ເໜີ​ຂ່າວ​ບາງ​ຄັ້ງຄາວ​ຍັງ​ຂາດ​ສະຕິ​ລະວັງ​ຕົວ​ຕໍ່​ກົນອຸບາຍ​ຂອງ​ຄົນ​ທີ່​ບໍ່​ຫວັງ​ດີ. ຄຽງ​ຄູ່​ກັບ​ດ້ານ​ເນື້ອ​ໃນ​ແລ້ວ, ພື້ນຖານ​ວັດຖຸ​ເຕັກນິກ​ຂອງ​ສື່​ມວນ​ຊົນ​ເຮົາ​ບໍ່​ທັນ​ເປັນ​ລະບົບ​ຄົບ​ຊຸດ ​ແລະ ທັນ​ສະ​ໄໝ, ສ່ວນ​ໜຶ່ງ​ຍັງ​ໃຊ້​ລະບົບ​ອານາ​ລັອກ ບໍ່​ສາມາດ​ເຊື່ອມ​ຕໍ່​ກັບ​ອຸປະກອນ​ເຕັກນິກ​ດີ​ຈີ​ຕອນ​ໄດ້, ພາຫະນະ​ນຳ​ໃຊ້​ບໍ່​ພຽງພໍ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ວຽກ​ງານ, ການ​ຊອກ​ຫາ​ຊ່ອງ​ທາງ​ສ້າງ​ລາຍ​ຮັບ​ຂອງ​ສື່​ມວນ​ຊົນ​ຍັງ​ບໍ່​ມີ​ກົນ​ໄກ​ນິຕິ​ກຳ​ຮັບຮອງ​ຢ່າງ​ຈະ​ແຈ້ງ ​ແລະ ຄ່ອງ​ຕົວ. ຈາກ​ນັ້ນຈຶ່ງ​ເຮັດ​ໃຫ້ການ​ພັດທະນາ​ສື່​ພວກ​ເຮົາ​ຍັງ​ຢູ່​ເຂດ​ຈຳກັດ, ການ​ບຳລຸງ​ກໍ່ສ້າງ​ພະນັກງານ, ​ເຕັກນິກ​ວິຊາ​ການ, ຜູ້​ຂີດ​ຜູ້​ຂຽນ​ກໍ​ຍັງ​ບໍ່​ທັນ​ໄດ້​ເອົາ​ໃຈ​ໃສ່​ຢ່າງ​ຈິງ​ຈັງ​ແທ້ ຈຶ່ງ​ເຮັດ​ໃຫ້​ກຳລັງ​ສື່​ພວກ​ເຮົາ​ຍັງ​ຈຳກັດ ​ແລະ ມີ​ລັກສະນະ​ອ່ອນ​ຕົວ. ​ເ​ພື່ອ​ແກ້​ໄຂ​ບັນຫາ​ນີ້ ​ເບື້ອງລັດ​ຈະ​ຕ້ອງ​ໄດ້​ອອກ​ແຮງ​ລົງທຶນ​ພັດທະນາ​ຕື່ມ​ອີກ ຈຶ່ງ​ຈະ​ເຮັດ​ໃຫ້​ສື່​ມວນ​ຊົນ​ເຮົາ​ເຕີ​ບ​ໃຫຍ່​ເຂັ້ມ​ແຂງ ​ແລະ ສາມາດ​ເຊື່ອມ​ໂຍງ​ເຂົ້າກັບ​ຂົງ​ເຂດ ​ແລະ ສາກົນ​ໄດ້.

- lattana 1 - ສື່​ເຮົາ​ຈະ​ຕ້ອງ​ໄດ້​ບຸກບືນ​ສ້າງ​ຕົນ​ເອງ​ຫລາຍ​ຂຶ້ນ (​ເນື່ອງ​ໃນ​ໂອກາດ​ວັນ​ສື່​ມວນ​ຊົນ 13 ສິງຫາ ຄົບຮອບ 67 ປີ)
error: Content is protected !!