ຖົງຢາງອະນາໄມແບບໃໝ່ປ້ອງກັນການຕິດເຊື້ອໄດ້ເຖິງວ່າຖົງຈະຮົ່ວ

- advert banner 728 90 728x90 - ຖົງຢາງອະນາໄມແບບໃໝ່ປ້ອງກັນການຕິດເຊື້ອໄດ້ເຖິງວ່າຖົງຈະຮົ່ວ

ທີມນັກວິໄຈສະຫະລັດອາເມລິກາ ສ້າງຖົງຢາງອະນາໄມແບບໃໝ່ທີ່ມາພ້ອມກັບຄວາມສາມາດໃນການປ້ອງກັນເຊື້ອ HIV ໄດ້ ເຖິງວ່າຖົງຢາງຈະຮົ່ວໃນຂະນະທີ່ມີເພດສຳພັນຢູ່.

- new3 - ຖົງຢາງອະນາໄມແບບໃໝ່ປ້ອງກັນການຕິດເຊື້ອໄດ້ເຖິງວ່າຖົງຈະຮົ່ວ

ຫລາຍທ່ານຄົງຈະຮູ້ກັນດີຢູ່ແລ້ວວ່າການໃຊ້ຖົງຢາງອະນາໄມໃນເວລາມີເພດສຳພັນນັ້ນຊ່ວຍຫລຸດຄວາມສ່ຽງຕໍ່ການຕິດເຊື້ອ ພະຍາດຕິດຕໍ່ທາງເພດສຳພັນໄດ້ດີໃນລະດັບໜຶ່ງ, ແຕ່ຫາກຖົງຢາງເກີດຮົ່ວໂດຍທີ່ທ່ານບໍ່ຮູ້ໂຕ ນັ້ນອາດເຮັດໃຫ້ມີບັນຫາໄດ້ເຊັ່ນກັນ, ແຕ່ຫລ້າສຸດມີນັກວິໄຈກຸ່ມໜຶ່ງໄດ້ສ້າງຖົງຢາງອະນາໄມຮູບແບບໃໝ່ໄດ້ສຳເລັດ ເຊິ່ງຊ່ວຍໃຫ້ທ່ານບໍ່ຕ້ອງກັງວົນໃຈກ່ຽວກັບບັນຫາດັ່ງກ່າວອີກຕໍ່ໄປ.

ຄະນະນັກວິໄຈຈາກມະຫາວິ ທະຍາໄລເທັກຊັສ ເອແອນເອັມ (Texas A&M University) ປະເທດສະຫະລັດອາເມລິກາ ຄິດຄົ້ນຖົງຢາງອະນາໄມແບບໃໝ່ໄດ້ສຳເລັດ ໂດຍເຮັດຈາກໂພລິເມີທີ່ມີຄວາມຫົດຢືດສູງທີ່ເອີ້ນວ່າ : ໄຮໂດຣເຈລ (Hydrogel) ເຮັດໃຫ້ໄດ້ຖົງຢາງທີ່ມີຄວາມບາງຫລາຍແຕ່ໃຫ້ຄວາມທົນທານສູງ ພ້ອມທັງເຄືອບສານຊະນິດພິເສດທີ່ມີລິດຂ້າເຊື້ອ HIV  ໄດ້ ເຖິງວ່າຖົງຢາງຈະຂາດ ຫລື ຮົ່ວໃນຂະນະທີ່ມີເພດສຳພັນຢູ່ກໍຕາມ. ນອກຈາກນີ້, ຍັງໃສ່ສານແອນຕີອອກຊິແດນເຂົ້າໄປ ເຊິ່ງຈະຊ່ວຍກະຕຸ້ນໃຫ້ມີສະມັດຕະພາບໃນການມີເພດສຳພັນສູງຂຶ້ນນຳອີກ.

- lattana 1 - ຖົງຢາງອະນາໄມແບບໃໝ່ປ້ອງກັນການຕິດເຊື້ອໄດ້ເຖິງວ່າຖົງຈະຮົ່ວ

ດ້ານ ດຣ. ເມຮັວ ຊາວດູຣີ ຫົວໜ້າທີງານນັກວິໄຈ ບອກວ່າ : ສາເຫດທີ່ຜູ້ຊາຍສ່ວນຫລາຍບໍ່ມັກໃສ່ຖົງຢາງອະນາໄມກໍຍ້ອນວ່າຖົງຢາງອະນາໄມບໍ່ເຮັດໃຫ້ຮູ້ສຶກເຖິງການສຳຜັດແບບທຳມະຊາດ, ແຕ່ຖົງຢາງອະນາໄມແບບໃໝ່ນີ້ບໍ່ພຽງແຕ່ປ້ອງກັນເຊື້ອ HIV ໄດ້ເປັນຢ່າງດີເທົ່ານັ້ນ, ແຕ່ຍັງໃຫ້ຜູ້ໃຊ້ຮູ້ສຶກຄືກັບວ່າບໍ່ໄດ້ໃສ່ຖົງຢາງອະນາໄມນຳອີກ ໂດຍຈະມີລາຄາຂາຍປະມານຖົງລະ 1 ໂດລາສະຫະລັດເທົ່ານັ້ນ.

error: Content is protected !!