10 ເລື່ອງທີ່ແມ່ຍິງໂສດເຮັດໄດ້ ແຕ່ຄົນມີຄູ່ເຮັດບໍ່ໄດ້

- 020408 - 10 ເລື່ອງທີ່ແມ່ຍິງໂສດເຮັດໄດ້ ແຕ່ຄົນມີຄູ່ເຮັດບໍ່ໄດ້
- Untitled design - 10 ເລື່ອງທີ່ແມ່ຍິງໂສດເຮັດໄດ້ ແຕ່ຄົນມີຄູ່ເຮັດບໍ່ໄດ້
  1. ອອກໄປທ່ຽວກັບບັນດາໝູ່ແມ່ຍິງນຳກັນ : ເຖິງວ່າຕອນທີ່ມີແຟນ ທ່ານອາດຈະຍັງໄດ້ພົບໝູ່ ແຕ່ກໍປະຕິເສດບໍ່ໄດ້ວ່າໃນມື້ພັກບໍ່ມີການຈັດງານລ້ຽງສັນສັນອີກຕໍ່ໄປແລ້ວ ເພາະເວລາສ່ວນຫລາຍຂອງທ່ານຈະໝົດໄປກັບການຢູ່ກັບຄົນຮັກຂອງທ່ານ.
  2. ໃຊ້ຈ່າຍໄດ້ຕາມໃຈມັກ : ຄູ່ຮັກບາງຄູ່ຕົກລົງກັນວ່າຢາກຊື້ຫຍັງກໍເງິນໃຜເງິນມັນ ແຕ່ຄົນສ່ວນຫລາຍຊຳ້ພັດບໍ່ຄິດແນວນັ້ນ ເມື່ອມີຄົນຮັກຄ່າໃຊ້ຈ່າຍຫລວງຫລາຍກໍມັກຕາມມາ ແລະ ສ່ວນຫລາຍກໍມັກຈະໝົດໄປກັບສິ່ງຂອງໜ້າເບື່ອທີ່ຈະຕ້ອງໃຊ້ຮ່ວມກັນ. ດັ່ງນັ້ນລືມໄປໄດ້ເລີຍວ່າຈະໄດ້ຊື້ສິ່ງຂອງບໍ່ມີປະໂຫຍດແບບທີ່ເຄີຍເຮັດ.
  3. ເຮັດໂຕຕາມສະບາຍໃນເຮືອນຂອງຕົນເອງ : ບໍ່ສຳຄັນດອກວ່າທ່ານຄົບກັບຜູ້ຊາຍຄົນນີ້ມາດົນປານໃດແລ້ວ ແຕ່ກໍມີບາງ ຢ່າງທີ່ທ່ານບໍ່ສາມາດເຮັດຕໍ່ໜ້າເຂົາໄດ້ ເຊັ່ນ : ຖ່າຍເບົາ ຫລື ຖ່າຍໜັກໂດຍບໍ່ປິດປະຕູຫ້ອງນຳ້. ດັ່ງນັ້ນ, ບໍ່ແປກດອກຖ້າທ່ານຈະຄິດເຖິງຊີວິດໂສດ ເພາະທ່ານສາມາດເຮັດໂຕຕາມສະບາຍປານໃດກໍໄດ້ໂດຍທີ່ບໍ່ຕ້ອງອາຍໃຜ.
  4. ແນມເບິ່ງຜູ້ຊາຍຫລໍ່ໆ : ແນ່ນອນວ່າແມ່ຍິງທີ່ມີຄູ່ກໍຍັງສາມາດແນມເບິ່ງຜູ້ບ່າວຫລໍ່ໆໄດ້ຢູ່ ແຕ່ກໍຄົງບໍ່ແມ່ນເລື່ອງງ່າຍປານໃດຫາກແຟນໂຕຈິງຂອງທ່ານຢືນຢູ່ຂ້າງໆ ສິ່ງສຳຄັນທ່ານກໍຄົງບໍ່ມັກຖ້າເຂົາ ແນມເບິ່ງກົ້ນຂອງແມ່ຍິງຄົນອື່ນໃນຂະນະທີ່ຍ່າງຜ່ານຄືກັນ.
  5. ຫ່ວານສະເໜ່ : ເມື່ອຄວາມສຳພັນດຳເນີນມາເຖິງຈຸດໆໜຶ່ງ ການຫວ່ານສະເໜ່ໃສ່ກັນກໍຈະຈາງຫາຍໄປ ຮູ້ຫລືບໍ່ວ່າການ ຫວ່ານສະເໜ່ເປັນກິດຈະກຳທີ່ມ່ວນ ແລະ ເຮັດໃຫ້ທ່ານຮູ້ສຶກວ່າໂຕເອງໜ້າຮັກ ແລະ ມີອຳນາດ, ແຕ່ສຸດທ້າຍມັນກໍຈະຄ່ອຍໆຫລຸດ ລົງໄປຕາມການເວລາ.
  6. ແຕ່ງໂຕເປີດໆໂຊໆ : ຜູ້ຊາຍສ່ວນຫລາຍບໍ່ມັກໃຫ້ແຟນນຸ່ງເຄື່ອງໂປ້ຫລາຍເກີນໄປ ໂດຍສະເພາະຖ້າເຂົາບໍ່ໄດ້ຢູ່ນຳ.
  7. ທຸກການຕັດສິນໃຈເພື່ອໂຕເອງທັງໝົດ : ຫາກທ່ານເປັນຄົນໂສດ ແລະ ຢາກກິນພິດຊ່າ ທ່ານກໍຈະໄດ້ກິນພິດຊ່າ ຫລື ຖ້າຢາກກິນຍຳຜັກສະຫລັດກໍຈະໄດ້ກິນຍຳສະຫລັດແນ່ນອນ ເຖິງວ່າທ່ານຈະປ່ຽນໃຈແລ້ວປ່ຽນໃຈອີກເປັນຮ້ອຍໆເທື່ອກໍມີສິດເຮັດໄດ້ຕາມສະບາຍເລີຍ, ແຕ່ເມື່ອໃດທີ່ທ່ານມີແຟນແລ້ວຢາກເຮັດແບບນັ້ນ ຮັບຮອງວ່າເກີດສົງຄາມຂຶ້ນແນ່ນອນ.
  8. ບໍ່ຈຳເປັນຕ້ອງຍອມ : ຖ້າຍັງໂສດທ່ານກໍພຽງແຕ່ຫ່ວງສະເພາະເລື່ອງຂອງໂຕເອງ, ແຕ່ເມື່ອໃດທີ່ທ່ານມີຄົນຮັກກໍຕ້ອງໄດ້ວາງແຜນທຸກຢ່າງ ເຊັ່ນ : ທ່ານກັບເຂົານັດໄປຫລິ້ນນຳກັນມື້ວັນເສົາ ແຕ່ເຂົາຊຳ້ພັດບອກໝູ່ວ່າຈະໄປເບິ່ງການແຂ່ງຂັນກິລານຳ ຫາກທ່ານບໍ່ຍອມກໍອາດຈະຕ້ອງຜິດຖຽງກັນ ແຕ່ຖ້າທ່ານຍອມການໄປຫລິ້ນທີ່ທ່ານວາງແຜນໄວ້ກໍຈະຫລົ້ມ. ສະນັ້ນ, ຖ້າເປັນໂສດ ຢາກເຮັດຫຍັງກໍເຮັດໄປເລີຍ.
  9. ຈັດການທຸກຢ່າງໄດ້ເອງ : ບອກເລີຍວ່າສ່ິງນີ້ຫາໄດ້ຍາກເມື່ອທ່ານມີຄົນຮັກແລ້ວ ເພາະທ່ານຕ້ອງຄອຍກັງວົນວ່າຕາຕະລາງວຽກຂອງເຂົາຈະກົງກັບມື້ລາພັກຂອງທ່ານຫລືບໍ່ ຂະນະທີ່ຕອນເປັນໂສດ ທ່ານສາມາດຈັດຕາຕະລາງເວລາຂອງໂຕເອງໄດ້ໝົດເລີຍ.
  10. ຢາກເຮັດຫຍັງກໍເຮັດ : ທ່ານບໍ່ຕ້ອງຢ້ານວ່າພຶດຕິກຳຂອງທ່ານຈະໄປກະທົບຈິດໃຈຂອງເຂົານີ້ກໍແມ່ນອິດສະຫລະພາບທີ່ຄົນມີຄູ່ທົ່ວໂລກຕ້ອງອິດສາທ່ານ.
- WhatsApp Image 2020 05 27 at 5 - 10 ເລື່ອງທີ່ແມ່ຍິງໂສດເຮັດໄດ້ ແຕ່ຄົນມີຄູ່ເຮັດບໍ່ໄດ້
- WhatsApp Image 2020 05 27 at 5 - 10 ເລື່ອງທີ່ແມ່ຍິງໂສດເຮັດໄດ້ ແຕ່ຄົນມີຄູ່ເຮັດບໍ່ໄດ້
- Wave100S AD to Website 2020 0 - 10 ເລື່ອງທີ່ແມ່ຍິງໂສດເຮັດໄດ້ ແຕ່ຄົນມີຄູ່ເຮັດບໍ່ໄດ້
error: Alert: ເນື້ອຫາຂ່າວມີລິຂະສິດ !!