ຄວນ ຫລື ບໍ່ຄວນ?

- advert banner 728 90 728x90 - ຄວນ ຫລື ບໍ່ຄວນ?

ໂດຍ: ທ່ຽງ​ທຳ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ​ເມື່ອ​ມໍ່ໆ​ມາ​ນີ້ ​ໄດ້ງິນຂ່າວ​ອອກ​ມາ​ວ່າ: ບຸນຊ່ວງ​ເຮືອ​ປະ​ເພນີທີ່​ທ່າ​ວັດ​ຈັນ​ນະຄອນຫລວງ​ວຽງ​ຈັນ ​ໃນ​ໂອກາດ​ບຸນ​ອອກ​ພັນ​ສາ​ປະ​ວໍລະນາ​ປີ​ນີ້​ຈະ​ປ່ຽນ​ມາ​ເຮັດ​ໃນ​ໂອກາດ​ບຸນ​ຫໍ່​ເຂົ້າສະຫລາກ​ໃນ​ລະຫວ່າງ​ມື້​ເພັງ​ເດືອນ​ສິບ​ລາວ ​ເຊິ່ງກົງ​ກັບ​ວັນ​ທີ 5 ກັນຍາ 2017 ນີ້ ​ໂດຍ​ທາງ​ຄະນະ​ຮັບຜິດຊອບ​ຈັດ​ງານ​ບຸນ​ດັ່ງກ່າວ​ອ້າງ​ວ່າ: ຖ້າ​ຈະ​ໃຫ້​ງານ​ບຸນຊ່ວງ​ເຮືອ​ປະ​ເພນີ​ດັ່ງກ່າວ​ໄປ​ຈັດ​ຕາມ​ປົກກະຕິ​ທີ່​ເຄີຍ​ເຮັດ​ມາ​ແມ່ນ​ມື້​ແຮມ​ຄໍ່າ​ໜຶ່ງ​ຂອງ​ເດືອນ 11 ລາວ ​ໃນ​ມື້ອອກ​ພັນ​ສານັ້ນ ຢ້ານ​ວ່າ​ນ້ຳຂອງ​ບ່ອນ​ທີ່​ເຄີຍ​ຈັດ​ນັ້ນນ້ຳຈະ​ບົກ​ແຫ້ງ ຈຳ​ເປັນ​ຕ້ອງ​ໄດ້​ຫຍັບ​ຂຶ້ນ​ໄປ​ຈັດ​ຢູ່​ເຂດ​ຂຸນ​ຕາ, ວັດ​ໄຕ, ສີ​ໄຄ​ ​ແລ້ວ​ຈະ​ບໍ່​ແມ່ນ​ບຸນຊ່ວງ​ເຮືອ​ທ່າ​ວັດ​ຈັນ​ອີກ.

- 1 1 - ຄວນ ຫລື ບໍ່ຄວນ?
- Tiger Head 728x90 - ຄວນ ຫລື ບໍ່ຄວນ?

ຕໍ່​ແນວ​ຄວາມ​ຄິດ​ດັ່ງກ່າວ, ກໍ​ມີ​ຫລາຍ​ຫາງ​ສຽງ​ຂອງ​ສັງຄົມ, ສ່ວນ​ໜຶ່ງ​ແມ່ນ​ເຫັນ​ພ້ອມ ​ແລະ ​ເຫັນ​ວ່າການ​ປ່ຽນ​ແປງ​ວັນ​ເວລາ​ດັ່ງກ່າວ​ກໍ​ຈະ​ເປັນ​ການ​ດີ ​ເພື່ອ​ໃຫ້​ງານ​ປະ​ເພນີ​ຊ່ວງ​ເຮືອ​ທ່າ​ວັດ​ຈັນ​ມີ​ບັນຍາກາດ​ດີ, ​ແຕ່​ຫາງ​ສຽງ​ສ່ວນ​ຫລາຍ​ແມ່ນ​ບໍ່​ເຫັນ​ພ້ອມ ​​ເພາະ​ງານ​ບຸນຊ່ວງ​ເຮືອ​ດັ່ງກ່າວ​ເປັນ​ງານ​ບຸນ​ປະ​ເພນີ​ທີ່​ເຄີຍ​ໄດ້​ປະຕິບັດ​ກັນ​ມາ​ໃນ​ໂອກາດ​ບຸນ​ອອກ​ພັນ​ສາມາ​ແຕ່​ດົນ​ນານ​ແລ້ວ ​ໂດຍ​ສະ​​ເພາະ​ແມ່ນ​ແນວ​ໂຮມ ​ແລະ ຖົ້າ​ແກ່​ອາວຸ​ໂສ​ໃນ​ເມືອງ​ຈັນທະ​ບູລີ​ແມ່ນ​ໄດ້​ຄັດຄ້ານ​ຕໍ່​ການຈະ​ປ່ຽນ​ແປງ​ດັ່ງກ່າວ ​ໂດຍ​ອ້າງ​ວ່າ​ມັນ​ຈະ​ເປັນ​ການ​ບໍ່​ເຄົາລົບ​ນັບຖື​ຮີດຄອງ​ປະ​ເພນີ​ອັນ​ດີງາມ​ທີ່​ຊາວ​ເມືອງ​ດັ່ງກ່າວ​ເຄີຍ​ໄດ້​ປະຕິບັດ​ມາ​ແຕ່​ບູຮານ​ນະ​ການ ​ແລະ ​ໃຫ້​ເຫດຜົນ​ວ່າ: ​ເຖິງ​ນ້ຳຂອງ​ໃນ​ເຂດ​ທ່າ​ວັດ​ຈັນ​ຈະຕື້ນ​ເຂີນ ​ແລະ ​ໄປ​ຈັດ​ຢູ່​ບ່ອນ​ໃດ​ກໍ​ໄດ້ ​ແຕ່​ໃຫ້​ມັນ​ເປັນ​ບຸນຊ່ວງ​ເຮືອ​ປະ​ເພນີ​ທ່າ​ວັດ​ຈັນ​ຕະຫລອດ​ໄປ. ​ເອົາລະ​ນີ້​ເປັນ​ຫາງ​ສຽງ​ຂອງ​ສັງຄົມ ​ເຊິ່ງລາຍ​ລະອຽດ​ແນວ​ໃດ​ແທ້ ທາງ​ອຳ​ນາດ​ການ​ປົກຄອງ​ນະຄອນຫລວງ​ວຽງ​ຈັນ​ຈະ​ໃຫ້​ຄວາມ​ກະຈ່າງ​ແຈ້ງ​ໃນ​ໄວໆ​ນີ້.

error: Content is protected !!