ອາເມລິກາຫວັງໃຫ້ອາຊຽນລະງັບ ສປປ ເກົາຫລີ ຈາກການເປັນຄູ່ເຈລະຈາ

- advert banner 728 90 728x90 - ອາເມລິກາຫວັງໃຫ້ອາຊຽນລະງັບ ສປປ ເກົາຫລີ ຈາກການເປັນຄູ່ເຈລະຈາ

ລັດຖະບານ​ວໍ​ຊິງ​ຕັນ​ຮຽກຮ້ອງ​ໃຫ້​ອາ​ຊຽນລະງັບ​ສະຖານະການ​ຂອງ ສປປ ​ເກົາຫລີ ຈາກ​ການ​ເປັນ​ປະ​ເທດ​ຄູ່​ເຈລະຈາ​ອາ​ຊຽນ ​ເພາະ​ການ​ເດີນ​ໜ້າ​ທົດ​ລອງ​ລູກ​ສອນ​ໄຟ ຖື​ເປັນ​ການລະ​ເມີດ​ຂອບ​ການ​ຮ່ວມ​ມື​ດ້ານ​ຄວາມ​ໝັ້ນຄົງ.

- new3 - ອາເມລິກາຫວັງໃຫ້ອາຊຽນລະງັບ ສປປ ເກົາຫລີ ຈາກການເປັນຄູ່ເຈລະຈາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ມະນິລາ ປະ​ເທດ​ຟີ​ລິບ​ປິນ ​ໃນ​ວັນ​ທີ 3 ສິງຫາ​ນີ້​ວ່າ: ທ່ານ​ນາງ ຊູ​ຊານ ທອນ​ຕັນ ຮັກສາ​ການ​ຜູ້​ຊ່ວຍ​ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ​ດ້ານ​ກິດຈະການ​ອາຊີ​ຕາ​ເວັນ​ອອກ ​ແລະ ປາຊີ​ຟິກ ກ່າວ​ວ່າ: ກໍລະນີ​ທີ່ ສປປ ​ເກົາຫລີ ຍັງ​ເດີນ​ໜ້າ​ພັດທະນາ​ໂຄງການ​ນິວ​ເຄຼຍ ​ແລະ ລູກ​ສອນ​ໄຟ ​ໂດຍ​ທົດ​ລອງ​ລູກ​ສອນ​ໄຟ​ຂ້າມ​ທະວີບ (ICBM) 2 ຄັ້​ງ​ໃນ​ເດືອນ​ຜ່ານ​ມາ ລະ​ເມີດ​ເປົ້າໝາຍ​ດ້ານ​ການ​ປ້ອງ​ກັນ​ຄວາມ​ຂັດ​ແຍ່ງ​ຂອງ​ຂອບ​ການ​ຮ່ວມ​ມື​ລະຫວ່າງ​ອາ​ຊຽນ ​ແລະ ພາກພື້ນອາຊີ-ປາຊີ​ຟິກ ທີ່​ອາ​ເມ​ລິ​ກາ ​ແລະ ສປປ ​ເກົາຫລີ ​ເປັນ​ໜຶ່ງ​ໃນ​ປະ​ເທດ​ຄູ່​ເຈລະຈາ.

ດ້ວ​ຍ​ເຫດ​ນີ້, ອາ​ເມ​ລິ​ກາ​ຈຶ່ງ​ຕ້ອງການ​ໃຫ້​ກອງ​ປະຊຸມ​ລັດຖະມົນຕີ​ຕ່າງປະ​ເທດ​ຂອງ​ສະມາຄົມ​ປະຊາ​ຊາດ​​ແຫ່ງ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ) ​ແລະ ຄູ່​ເຈລະຈາ ທີ່​ຈະ​ມີ​ຂຶ້ນ​ໃນ​ທ້າຍ​ອາທິດ​ນີ້ ຢູ່​ນະຄອນຫລວງ​ມະນິລາ ມີ​ການ​ຫາລື​ກັນ​ຢ່າງ​ຈິງ​ຈັງ​ກ່ຽວ​ກັບ​ການ​ລະງັບ​ສະຖານະ​ຂອງ​ປະ​ເທດ​ທີ່​ຝ່າຝືນ​ຂອບ​ການ​ຮ່ວມ​ມື​ດັ່ງກ່າວ ອອກ​ຈາກ​ກອງ​ປະຊຸມ​ອາ​ຊຽນ ​ເຊິ່ງ​ເປັນ​ໄປ​ຕາມ​ແນວທາງ​ນະ​ໂຍບາຍ​ເພີ່ມ​ແຮງ​ກົດ​ດັນ​ຢ່າງ​ສັນຕິ​ຕໍ່​ລັດຖະບານ​ພຽງ​ຢາງ​ໃນ​ການ​ຢຸດຕິ​ໂຄງການ​ພັດທະນາ​ດ້ານ​ອາວຸດ​ຂອງ​ຕົນ​ເອງ.

- lattana 1 - ອາເມລິກາຫວັງໃຫ້ອາຊຽນລະງັບ ສປປ ເກົາຫລີ ຈາກການເປັນຄູ່ເຈລະຈາ

​ເຖິງ​ຢ່າງ​ໃດ​ກໍ​ຕາມ, ການ​ລົງມະຕິ​ໃນ​ກອງ​ປະຊຸມ​ອາ​ຊຽນ ​ແລະ ກອງ​ປະຊຸມ​ອາ​ຊຽນວ່າ​ດ້ວຍ​ການ​ຮ່ວມ​ມື​ດ້ານ​ການ​ເມືອງ ​ແລະ ຄວາມ​ໝັ້ນຄົງ​ໃນ​ພາກພື້ນອາຊີ ​ແລະ ປາຊີ​ຟິກ (ARF) ຕ້ອງ​ເປັນ​ມະຕິ​ໂດຍ​ເອກະ​ພາບ​ເທົ່າ​ນັ້ນ. ໝາຍ​ຄວາມ​ວ່າ​ຈະ​ຕ້ອງ​ບໍ່​ມີ​ສະມາຊິກ​ປະ​ເທດ​ໃດ​ຄັດຄ້ານ ຫລື ງົດ​ອອກສຽງ.

error: Content is protected !!