ອຸຕຸ​ເຕືອນວັນ​ທີ 5-6 ສິງຫາ​ນີ້ຈະ​ມີຝົນ​ຈະ​ຕົກ​​ເພີ່ມ​ຂຶ້ນ

- advert banner 728 90 728x90 - ອຸຕຸ​ເຕືອນວັນ​ທີ 5-6 ສິງຫາ​ນີ້ຈະ​ມີຝົນ​ຈະ​ຕົກ​​ເພີ່ມ​ຂຶ້ນ

ກົມ​ອຸຸຕຸນິຍົມ ​ແລະ ອຸ​ທົກ​ກະສາ​ດ ​ໃຫ້​ຮູ້​ວ່າ: ໃນລະຫວ່າງວັນ​ທີ 5-6 ສິງຫາ​ນີ້, ລົມມໍ​ລະ​ສຸມ​ຕາ​ເວັນ​ຕົກ​ສ່ຽງ​ໃຕ້​ຈະ​ມີ​ກຳລັງ​ແຮງ​ເພີ່ມ​ຂຶ້ນ​ພັດ​ປົກ​ຄຸມ​ຢູ່​ທົ່ວ​ທຸ​ກພາກ​ຂອງ​ລາວ, ຊຶ່ງ​ຍັງ​ຈະ​ເຮັດ​ໃຫ້​ມີ​ຝົນຕົກ​ຟ້າ​ຄະນອງ​ໃນ​ລະດັບ​ຄ່ອຍ​ຫາ​ປານ​ກາງ​ເປັນ​ບໍລິ​ເວນ​ກວ້າງ ​ແລະ ຈະ​ຕົກ​ໜັກ​ຢູ່​ບາງ​ທ້ອງ​ຖິ່ນ​ແຂວງພາກ​ກາງຫາ​ພາກ​ເໜືອຄື: ພາກ​ເໜືອ​ດ້ານ​ຕາ​ເວັນ​ອອກ: ຈະ​ມີ​ຝົນຕົກ​ໃນລະດັບ​ຄ່ອຍ​ຫາ​ປານກາງ ​ແລະ ຕົກ​ໜັກ, ພ້ອມ​ມີ​ລົມ​ພັດ​ແຮງ​ຕື່ມ​ອີກ, ອຸນຫະພູມ​ຕ່ຳ​ສຸດ 20-22 ອົງສາ ​ແລະ ສູງ​ສຸດ 31-33 ອົງສາ; ພາກ​ເໜືອ​ດ້ານ​ຕາ​ເວັນ​ຕົກ: ຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ​ຕື່ມ​ອີກ, ອຸນຫະພູມ​ຕ່ຳ​ສຸດ 20-22 ອົງສາ ​ແລະ ສູງ​ສຸດ 33-35 ອົງສາ; ນະຄອນ ຫລວງ​ວຽງ​ຈັນ: ຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ ຫາ​ຕົກ​ປານ​ກາງ, ອຸນຫະພູມ​ຕ່ຳ​ສຸດ 23-25 ອົງສາ ​ແລະ ສູງ​ສຸດ 33-35 ອົງສາ; ພາກ​ກາງ: ຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ​ເປັນ​ບໍລິ​ເວນ​ກວ້າງ ​ແລະ ຕົກ​ໜັກ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ, ອຸນຫະ ພູມ​ຕ່ຳ​ສຸດ 21-23 ອົງ ສາ ​ແລະ ສູງ​ສຸດ 33-35 ອົງສາ; ພາກ​ໃຕ້: ຍັງ​ຈະ​ມີ​ຝົນຕົກ​ໃນ​ລະດັບ​ຄ່ອຍ​ຫາ​ປານ​ກາງ ​ແລະ ຕົກ​ໜັກ, ພ້ອມ​ມີ​ລົມ​ພັດ​ແຮງ​ເປັນ​ບາງ​ໂອກາດ​ຢູ່​ບາງ​ທ້ອງ​ຖິ່ນ, ອຸນຫະພູ​ມຕ່ຳ​ສຸດ 21-23 ອົງສາ ​ແລະ ສູງ​ສຸດ 31-33 ອົງສາ. ດັ່ງ​ນັ້ນ ຈຶ່ງ​ເຕືອນ​ເຖິງ​ອຳນາດ​ການ​ປົກຄອງ​ທຸກ​ພາກສ່ວນ ​ແລະ ປະຊາຊົນ​ຈົ່ງ​ມີ​ສະຕິ​ໃນ​ການ​ສັນຈອນ, ​ໂດຍ​ສະ​ເພາະ​ຜູ້​ທີ່​ຈະ​ເດີນທາງ​ໄປ​ພາກ​ເໜືອ ​ແລະ ຈະ​ເກີດ​ມີ​ນ້ຳ​ຖ້ວມ​ຊຸ, ນ້ຳ​ຖ້ວມ​ອັ່ງ ​ແລະ ດິນ​ເຊາະ​ເຈື່ອນ​ໃນ​ໄລຍະ​ນີ້, ພ້ອມ​ທັງ​ຕິດຕາມ​ການ​ລາຍ​ງານ​ຂ່າວ​ອາກາດ​ຈາກ​ກົມ​ອຸຕຸນິຍົມ ​ແລະ ອຸ​ທົກ​ກະສາ​ດ​ເປັນ​ປົກກະຕິ.

- 1 1 - ອຸຕຸ​ເຕືອນວັນ​ທີ 5-6 ສິງຫາ​ນີ້ຈະ​ມີຝົນ​ຈະ​ຕົກ​​ເພີ່ມ​ຂຶ້ນ
- lattana 1 - ອຸຕຸ​ເຕືອນວັນ​ທີ 5-6 ສິງຫາ​ນີ້ຈະ​ມີຝົນ​ຈະ​ຕົກ​​ເພີ່ມ​ຂຶ້ນ
error: Content is protected !!