ເຜີຍ​ແຜ່ຜົນ​ຮ້າຍ​ການ​ຄ້າ​ມະນຸດ ທີ່ຂົວ​ມິດຕະພາບ ລາວ-​ໄທ 1

- advert banner 728 90 728x90 - ເຜີຍ​ແຜ່ຜົນ​ຮ້າຍ​ການ​ຄ້າ​ມະນຸດ ທີ່ຂົວ​ມິດຕະພາບ ລາວ-​ໄທ 1

ໃນ​ວັນ​ທີ ​3 ສິງຫາ ນີ້, ກອງ​ເລຂາ​ຄະນະ​ກຳມະການ​ຕ້ານ​ການ​ຄ້າ​ມະນຸດ​ລະດັບ​ຊາດ ​ແລະ ກົມ​ຕຳຫຼວດ​ສະກັດ​ກັ້ນ ແລະ ຕ້ານ​ການ​ຄ້າ​ມະນຸດ    ​ໄດ້​ລົງ​ໂຄສະນາ ​ຜົນ​ຮ້າຍ​ຈາກ​ການ​ຄ້າ​ມະນຸດ​ ຢູ່ດ່ານ​ສາກົນ​ຂົວ​ມິດຕະພາບ​ລາວ-​ໄທ1 ນະ​ຄອນ​ຫຼວງ​ວຽງຈັນ. ​ໂດຍ​ການ​​ເຂົ້າ​ຮ່ວມ​ຂອງ​ທ່ານ ພັທ ຈັນ​ເພັດ ​ໄຊ​ສົ​ມບູນ ຮອງ​ຫົວໜ້າກົມ​ຕຳຫຼວດສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ, ມີບັນດາ​ພະນັກງານ ​ແລະຜູ້​ທີ່​ມາ​ໃຊ້​ບໍລິການ​ຕ່າງໆ​ເຂົ້າ​ຮ່ວມຮັບ​ຟັງຢ່າງຫຼວງຫຼາຍ.

- new3 - ເຜີຍ​ແຜ່ຜົນ​ຮ້າຍ​ການ​ຄ້າ​ມະນຸດ ທີ່ຂົວ​ມິດຕະພາບ ລາວ-​ໄທ 1

ທ່ານ ຮອງ​ຫົວໜ້າກົມ​ຕຳຫຼວດສະກັດ​ກັ້ນ ​ແລະ ຕ້ານ​ການ​ຄ້າ​ມະນຸດ ໄດ້ກ່າວ​ວ່າ: ​ກາ​ນລົງ​ເຜີ​ຍ​ແຜ່​ຄັ້ງ​ນີ້ ເພື່ອ​ຢາກ​ໃຫ້​ປະ​ຊາ​ຊົນ ​ແລະ ພາກ​ສວນ​ທີ່​ກ່ຽວ​ຂ້ອງຮູ້ ​ແລະ ​ເຂົ້າ​ໃຈ ​ຕໍ່​ກັບ​ວຽກ​ງານ​ການ​ຄ້າ​ມະນຸດ​ ​ເຊິ​ງແມ່ນອາ​ຊະ​ຍາ​ກຳ​ໜຶ່ງທີ່​​ຮ້າຍ​ແຮງ ​​ແລະ ​ໄດ້​ລະ​ເມີດ​ສິດ​ທິພື້ນຖານ​ຂອງ​ພົນລະ​ເມືອງ​ຕາມ​ທີ່​ກຳ​ເນີ​ດ​ໄວ້​ໃນ​ລັດ​ທະ​ທຳ​ມະນູນ ​ແລະ ກົດໝາຍ, ​ຊຶ່ງຜ່ານ​ມາ​ມີ​ຫຼາຍ​ຄົນ ​ທີ່​ຕົກ​ເປັນ​ຜູ້​ເຄາະ​ຮ້າຍ​ຈາກ​ການ​ຄ້າ​ມະນຸດ ຖືກ​ບັງ​ຄັບ​ຂູດ​ຮີດ​ໃຫ້​ອອກ​ແຮງ​ງານ,​ ຂາຍ​ບໍລິການ​ທາງ​ເພດ ​ແລະ ອື່ນໆ. ​ເພື່ອ​ໃຫ້​ມວນ​ຊົນ​ທົ່ວໄປ,ພະນັກງານ ​​ແລະ ຜູ້​ເຂົ້າ​ມາ​ໃຊ້​ບໍລິການ​ໃນ​ດ່ານ​ຂົວ​ມິດຕະພາບ​ແຫ່ງນີ້ ​ໃຫ້​ມີ​ສະຕິ, ​ຕື່ນ​ຕົວ​ໃນ​ການ​ປ້ອງ​ກັນ, ​ສະກັດ​ກັ້ນ ​ແລະ​ຕ້ານ​ການ​ຄ້າ​ມະນຸດ.

ນອກ​ນີ້ ​ຜູ້​ເຂົ້າ​ຮ່ວມ​ຍັງ​ໄດ້​ຮັບ​ຊົມວິດີໂອ​ພາບສະ​ທ້ອນ​ດ້ານ​ລົບ ​ໃນ​ການ​ຄ້າມະນຸດ ທີ່​ເຈົ້າ​ໜ້າທີ່​ນຳ​ມາ​ເຜີຍ​ແຜ່ ​ເປັນ​ຕົ້ນ​ແມ່ນ​ສາລະ​ຄະ​ດີ ​ທີ່​ເຈົ້າໜ້າ​ທີ່​ລົງ​ມ້າງ ​ແລະ ກັກ​ຕົວ​ຜູ້​ກະທຳ​ຜິດມາ​ດຳ​ເນີນ​ຄະດີ ພ້ອມ​ທັງ​ສະພາບ​ສະທ້ອນ​ເຖິງ​ຈິດ​ໃຈ​ຂອງ​ຜູ້​ຖືກ​ເຄາະ​ຮ້າຍ ​ ​ໃນ​ການ​​ກັບ​ຄືນ​ສູ່ສັງຄົມ ​ແລະ ຄອບຄົວ.

- lattana 1 - ເຜີຍ​ແຜ່ຜົນ​ຮ້າຍ​ການ​ຄ້າ​ມະນຸດ ທີ່ຂົວ​ມິດຕະພາບ ລາວ-​ໄທ 1
error: Content is protected !!