ລາວເອົາໃຈໃສ່ປ້ອງກັນພະຍາດ

- advert banner 728 90 728x90 - ລາວເອົາໃຈໃສ່ປ້ອງກັນພະຍາດ

ໃນໂອກາດກອງປະຊຸມສໍາມະນາວັນອັກເສບຕັບສາກົນວັນທີ 28 ກໍລະກົດ ພາຍໃຕ້ຫົວຂໍ້: “ລຶບລ້າງພະຍາດອັກເສບຕັບ” ເມື່ອບໍ່ດົນມານີ້ທີ່ນະຄອນຫລວງວຽງຈັນ, ທ່ານຮອງລັດຖະມົນຕີກະຊວງສາທາລະນະສຸກ ພູທອນ ເມືອງປາກ ໄດ້ມີຄໍາເຫັນສໍາຄັນວ່າ: ອັກເສບຕັບແມ່ນໜຶ່ງໃນຫລາຍພະຍາດທີ່ເປັນບັນຫາໃຫຍ່ຫລວງຂອງທົ່ວໂລກລວມທັງ ສປປ ລາວ, ສະນັ້ນແນວທາງນະໂຍບາຍດ້ານວຽກງານສາທາລະນະສຸກຂອງພັກ ແລະ ລັດຖະບານ ຈຶ່ງໄດ້ກຳນົດທິດນໍາທີ່ວ່າ: “ຖືເອົາການອະນາໄມປ້ອງກັນພະຍາດ ແລະ ສົ່ງເສີມສຸຂະພາບເປັນພື້ນຖານຕົ້ນຕໍ ແລະ ຖືເອົາການປິ່ນປົວພ້ອມສະໜອງການບໍລິການສຸຂະພາບຢ່າງທົ່ວເຖິງ” ແລະ ພາຍຫລັງເຫັນໄດ້ຜົນຮ້າຍຂອງພະຍາດດັ່ງກ່າວ ແລະ ຄວາມເປັນຫ່ວງເປັນໄຍຂອງພັກ ແລະ ລັດຖະບານຕໍ່ສຸຂະພາບຂອງປະຊາຊົນບັນດາເຜົ່າ ຈຶ່ງໄດ້ນຳເອົາວັກຊິນປ້ອງກັນອັກເສບຕັບບີເຂົ້າມາສັກໃຫ້ລູກຫລານລວມກັບບັນດາວັກຊິນທີ່ມີໃນຕາຕະລາງສັກຢາກັນພະຍາດເພື່ອປ້ອງກັນການຕິດເຊື້ອໄວຣັດອັກເສບຕັບບີ, ທັງເປັນການປະກອບສ່ວນສໍາຄັນເຂົ້າໃນເປົ້າໝາຍລຶບລ້າງພະຍາດອັກເສບຕັບໃນປີ 2030, ນອກຈາກນີ້, ກໍໄດ້ເຄື່ອນໄຫວຢ່າງແຂງແຮງໃນວຽກງານໂຄສະນາສຸຂະສຶກສາອະນາໄມສາມສະອາດ, ແນະນໍາແບບແຜນການດຳລົງຊີວິດທີ່ຖືກຕ້ອງປອດໄພຈາກພະຍາດໂລຄາຕ່າງໆໃຫ້ປະຊາຊົນຮັບຮູ້ຢ່າງເປັນປົກກະຕິ ເປັນຕົ້ນ: ພະຍາດລະບາດຕາມລະດູການ, ພະຍາດໄຂ້ເລືອດອອກ, ພະຍາດຕິດຕໍ່ທາງເພດສໍາພັນຕ່າງໆລວມເຖິງວິທີການສະກັດກັ້ນການສົ່ງເລືອດ ແລະ ຜະລິດຕະພັນຂອງເລືອດທີ່ບໍ່ປອດໄພອີກດ້ວຍ.

- new3 - ລາວເອົາໃຈໃສ່ປ້ອງກັນພະຍາດ

ກອງປະຊຸມສໍາມະນາດັ່ງກ່າວ, ແມ່ນກະຊວງສາທາລະນະສຸກຮ່ວມກັບອົງການອະນາໄມໂລກປະຈຳລາວຈັດຂຶ້ນ, ໂດຍມີຈຸດປະສົງແນໃສ່ສ້າງຄວາມເຂົ້າໃຈໃຫ້ແກ່ສື່ມວນຊົນລາວໃນການໂຄສະນາຂ່າວສານກ່ຽວກັບພະຍາດອັກເສບຕັບດ້ວຍການສະໜອງຂໍ້ມູນທີ່ຖືກຕ້ອງຮູ້ກ່ຽວກັບການປ້ອງກັນ ແລະ ແນວທາງສູ່ການລຶບລ້າງພະຍາດດັ່ງກ່າວໃຫ້ໝົດໄປເທື່ອລະກ້າວ, ໂດຍມີຜູ້ຕາງໜ້າຈາກອົງການອານາໄມໂລກ, ອົງການຈັດຕັ້ງສາກົນ, ພ້ອມດ້ວຍສື່ມວນຊົນ ແລະ ພາກສ່ວນກ່ຽວຂ້ອງເຂົ້າຮ່ວມຈໍານວນຫລາຍ.

- lattana 1 - ລາວເອົາໃຈໃສ່ປ້ອງກັນພະຍາດ
error: Content is protected !!