ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022

ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022 - 2742 - ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022
ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022 - 16583075379783 - ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022

ວັນທີ 17 ກຸມພາ 2022 ທີ່ນະຄອນປາກເຊ ແຂວງຈໍາປາສັກ, ທ່ານພົນເອກ ຈັນສະຫມອນ ຈັນຍາລາດ ຮອງນາຍົກລັດຖະມົນຕີ, ລັດຖະມົນຕີ ກະຊວງປ້ອງກັນປະເທດ, ທ່ານ ປອ ວິໄລວົງ ບຸດດາຄຳ ເຈົ້າແຂວງຈຳປາສັກ ພ້ອມດ້ວຍຫົວໜ່ວຍຜູ້ປະກອບການບໍລິສັດທັງພາກລັດ, ເອກະຊົນ ແລະ ພາກສ່ວນກ່ຽວຂ້ອງ ໄດ້ເຂົ້າຮ່ວມບຸນມະໂຫລານກາເຟ-ຊາ ພູພຽງບໍລະເວນ 2022 .

ທ່ານ ປອ ວິໄລວົງ ບຸດດາຄຳ ເຈົ້າແຂວງຈຳປາສັກ ກ່າວວ່າ: ເພື່ອຊຸກຍູ້ສົ່ງເສີມການຜະລິດເປັນສິນຄ້າ ໂດຍສະເພາະການຜະລິດກາເຟ, ການບໍລິການ ແລະ ການຊື້-ຂາຍ ໃຫ້ນັບມື້ຫລາຍຂຶ້ນທັງຂະຫຍາຍຕະ ຫລາດທີ່ມີຢູ່ທັງພາຍໃນ ແລະ ຕ່າງປະເທດ ໃຫ້ກວ້າງຂວາງທັງເປັນດຶງດູດນັກທ່ອງທ່ຽວ, ນັກທຸລະກິດ, ຜູ້ຜະລິດ, ຜູ້ຈໍາໜ່າຍ ແລະ ຜູ້ຊົມໃຊ້ ແລະ ເປັນການໂຄສະນາການຊົມໃຊ້ຜະລິດຕະພັນທີ່ມີຢູ່ພາຍໃນແຂວງ ໃຫ້ຊາວໂລກໄດ້ຮັບຮູ້ ຕິດພັນກັບການທ່ອງທ່ຽວ.
ຜົນສໍາເລັດຈາກການຈັດບຸນກາເຟ ປີ 2021 ໄດ້ຊຸກຍູ້ການສ້າງສໍາພັນເສດຖະກິດພາຍໃນ ລະຫວ່າງຜູ້ຜະລິດ ແລະ ຜູ້ຈໍາໜ່າຍ ທັງໄດ້ຊ່ວຍເຮັດໃຫ້ການຜະລິດ ແລະ ການຈໍາໜ່າຍສິນຄ້າ ຟົດຟື້ນຫລາຍຂຶ້ນ ສະແດງອອກການບັນລຸລວມຍອດການຈໍາໜ່າຍຜະລິດຕະພັນອຸດສາຫະກໍາ ໄດ້ 5.314 ຕື້ກວ່າກີບ, ມູນຄ່າການຈໍລະຈອນພາຍໃນບັນລຸ 17.848 ຕື້ກວ່າກີບ, ມູນຄ່າການຄ້າຂອງແຂວງຈໍາບັນລຸ 574.788.738 ກວ່າໂດລາສະຫາລັດ, ໃນນັ້ນ: ມູນຄ່າການສົ່ງອອກທັງໝົດ ບັນລຸ 313.526.403 ກວ່າໂດລາສະຫາລັດ,

ການສົ່ງອອກກາເຟບັນລຸມູນຄ່າ 69.879.602 ກວ່າໂດລາສະຫາລັດ ລື່ນແຜນປີ 3% ແລະ ກວມ 22% ຂອງການສົ່ງອອກທັງໝົດ. ຂະນະທີ່ການດູນການຄ້າ ເມື່ອສົມທຽບກັນລະຫ່ວາງການນໍາເຂົ້າ ແລະ ການສົ່ງອອກແລ້ວ ແຂວງຈໍາປາສັກ ເກີນດູນການຄ້າ 52.264.068 ກວ່າໂດລາສະຫາລັດ ເນື່ອງຈາກການສົ່ງອອກ ກາເຟ, ຢາງພາລາກ້ອນ, ມັນຕົ້ນຊອຍແຫ້ງ ແລະ ສິນຄ້າອື່ນໆ.

ບຸນມະໂຫລານ ກາເຟ-ຊາ ພູພຽງບໍລະເວນ ປີ 2022 ໄດ້ຈັດຂຶ້ນແຕ່ວັນທີ 17-19 ກຸມພາ 2022 ໂດຍມີການວາງສະແດງສິນຄ້າກາເຟ, ສິນຄ້າກະສິກຳ-ຫັດຖະກຳແຜ່ນແພ, ການສຳມະນາກ່ຽວກັບການຜະລິດ ກາເຟໃນລາວ, ການພັດທະນາກາເຟ-ຊາ, ການທ່ອງທ່ຽວ ແລະ ທັກສະການຊົງກາເຟ ຫລາຍຮູບແບບທີ່ເປັນເອກະລັກ.

ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022 -    AD conten website - ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022
ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022 - lattana banner - ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022
ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022 - lattana banner 1 - ເປີດບຸນມະໂຫລານ ກາເຟ-ຊາ ພູພຽງບໍລະເວນ ປີ 2022
error: Alert: ເນື້ອຫາຂ່າວມີລິຂະສິດ !!