ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ

ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ -           8 - ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ
ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ - 16583075379783 - ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ

ອົງການອະນາໄມໂລກຢືນຢັນພົບຜູ້ປ່ວຍພະຍາດໂປລິໂອຄົນທຳອິດຂອງທະວີບອາຟຣິກາໃນຮອບ 5 ປີ ເປັນເດັກຍິງອາຍຸ 3 ປີ ອາໄສຢູ່ໃນນະຄອນຫລວງລິລອງເວ ປະເທດມາລາວີ.

ວັນທີ 18 ກຸມພາ 2022, ສຳນັກຂ່າວຣອຍເຕີລາຍງານວ່າ: ອົງການອະນາໄມໂລກ (WHO) ລະບຸວ່າ: ໜ່ວຍງານສາທາລະນະສຸກຂອງມາລາວີໄດ້ປະກາດພົບການແພ່ລະບາດຂອງພະຍາດໂປລິໂອ ຈາກການກວດພົບຜູ້ປ່ວຍເດັກຄົນໜຶ່ງໃນນະຄອນຫລວງລິລອງເວ ເມືອງຫລວງຂອງປະເທດ ເຊິ່ງຖືເປັນຜູ້ປ່ວຍໂປລິໂອຄົນທຳອິດທີ່ພົບໃນທະວີບອາຟຣິກາໃນຮອບກວ່າ 5 ປີ.

ອົງການອະນາໄມໂລກເປີດເຜີຍໃນຖະແຫລງການວ່າ: ຈາກການວິເຄາະໃນຫ້ອງປະຕິບັດການ ສະແດງໃຫ້ເຫັນວ່າ: ໄວຣັສໂປລິໂອສາຍພັນທີ່ກວດພົບໃນມາລາວີຫລ້າສຸດນີ້ມີການເຊື່ອມໂຍງກັບສາຍພັນທີ່ແພ່ລະບາດຢູ່ໃນປາກິດສະຖານ ເຊິ່ງຍັງເປັນພະຍາດປະຈຳຖິ່ນຢູ່ໃນປັດຈຸບັນ.

ສ່ວນໂຄງການຈຳກັດໂປລິໂອທົ່ວໂລກ (GPEI) ເຜີຍວ່າ: ຜູ້ປ່ວຍໂປລິໂອທີ່ພົບໃນມາລາວີຄົນນີ້ເປັນເດັກຜູ້ຍິງອາຍຸ 3 ປີ ເຊິ່ງມີອາການປ່ວຍນັບແຕ່ເດືອນພະຈິກປີຜ່ານມາ ຈາກນັ້ນສະຖາບັນພະຍາດຕິດຕໍ່ແຫ່ງຊາດອາຟຣິກາໃຕ້ ແລະ ສູນຄວບຄຸມ ແລະ ປ້ອງກັນພະຍາດຂອງອາເມລິກາ ໄດ້ເກັບຕົວຢ່າງເຊື້ອຈາກຜູ້ປ່ວຍມາຈັດລຳດັບໃນເດືອນກຸມພານີ້ ເຊິ່ງຜົນການກວດຢືນຢັນວ່າເປັນໄວຣັສໂປລິໂອຊະນິດ WPV1.

ໂຄງການຈຳກັດໂປລິໂອທົ່ວໂລກລະບຸວ່າ: “ການກວດພົບໄວຣັສໂປລິໂອຊະນິດ WPV1 ໃນພື້ນທີ່ອື່ນນອກເໜືອຈາກປະເທດທີ່ຍັງມີການລະບາດຂອງພະຍາດໂປລິໂອ 2 ປະເທດຄື: ປາກິດສະຖານ ແລະ ອັບການິດສະຖານນັ້ນ ເປັນເລື່ອງໜ້າກັງວົນຫລາຍ ແລະ ເນັ້ນໃຫ້ເຫັນເຖິງຄວາມສຳຄັນຂອງການດຳເນີນການສ້າງພູມຕ້ານທານຕໍ່ພະຍາດໂປລິໂອ”.

ເຖິງຢ່າງໃດກໍຕາມ, ອົງການອະນາໄມໂລກກ່າວວ່າ: ທະວີບອາຟຣິກາໄດ້ຕອບສະໜອງຕໍ່ກໍລະນີດັ່ງກ່າວຢ່າງວ່ອງໄວ ແລະ ມີການເຝົ້າລະວັງໃນລະດັບສູງ.

ທັງນີ້, ໂປລິໂອຖືເປັນພະຍາດຕິດຮ້າຍແຮງທີ່ສົ່ງຜົນກະທົບຕໍ່ລະບົບປະສາດຂອງມະນຸດ ເຊິ່ງອາດເຮັດໃຫ້ເກີດອາການອຳມະພາດພາຍໃນເວລາບໍ່ເທົ່າໃດຊົ່ວໂມງ ແລະ ຍັງບໍ່ມີວິທີປິ່ນປົວໃຫ້ຫາຍດີໄດ້, ແຕ່ອົງການອະນາໄມໂລກລະບຸວ່າ: ພະຍາດຮ້າຍແຮງຊະນິດນີ້ສາມາດປ້ອງກັນໄດ້ດ້ວຍການສັກວັກຊີນ.

ອ້າງອີງ:

https://www.reuters.com/…/malawi-declares-polio…/

ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ - lattana banner 1 - ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ
ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ -    AD conten website - ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ
ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ - lattana banner - ມາລາວີ ປະກາດພົບຜູ້ປ່ວຍໂປລິໂອ ຄົນທຳອິດຂອງອາຟຣິກາໃນຮອບ 5 ປີ
error: Alert: ເນື້ອຫາຂ່າວມີລິຂະສິດ !!