ຄໍາສອນດີໆ ເກັບໄວ້ສອນຕົນເອງ (ຕໍ່)

- advert banner 728 90 728x90 - ຄໍາສອນດີໆ ເກັບໄວ້ສອນຕົນເອງ (ຕໍ່)

 

- lattana 1 - ຄໍາສອນດີໆ ເກັບໄວ້ສອນຕົນເອງ (ຕໍ່)
- 1 1 - ຄໍາສອນດີໆ ເກັບໄວ້ສອນຕົນເອງ (ຕໍ່)
  1. ຖ້າເຈົ້າຮື້ຊິ້ນສ່ວນອອກມາປະກອບໃຫມ່ ຈະມີນັອດເຫຼືອສະເໝີ, ເລກເດັດ ທີ່ເຮົາບໍ່ຊື້ ຄືເລກທີ່ຈະອອກງວດນັ້ນ ແລະ ຫວຍທີ່ເຮົາຊື້ມັກໃກ້ຄຽງກັບຫວຍທີ່ອອກ ຫາກໄດ້ບວກ, ລົບ, ຄູນ ແລະ ຫານດ້ວຍເລກຫຍັງຈັກໂຕ ຫຼື ກັບໜ້າກັບຫຼັງ ແຕ່ຖ້າເຮົາຊື້ເລກກັບກັນ ມັນຈະອອກເລກກົງ ແລະ ຖ້າເຮົາຊື້ ທັງສອງແບບມັນຈະບໍ່ອອກເລີຍ.
  2. ເຄື່ອງໃຊ້ທີ່ເຮົາເຫັນທຸກວັນ ຈະບໍ່​ເຫັນໃນຍາມທີ່ເຮົາຕ້ອງການໃຊ້.
  3. ທຸກຄໍາຕອບມັນຈະສ້າງບັນຫາໃຫມ່ສະເໝີ.
  4. ເມື່ອໃດກໍຕາມທີ່ເຈົ້າຕັ້ງໃຈຈະເຮັດສິ່ງໃດສິ່ງໜ່ຶງ ສິ່ງທີ່ເຈົ້າຈະສໍາເລັດເປັນອັນດັບທໍາອິດກໍມັກຈະເປັນສິ່ງອື່ນສະເໝີ.
  5. ເປັນໄປບໍ່ໄດ້ທີ່ຈະເຮັດຫຍັງທີ່ທຸກຄົນສາມາດເຂົ້າໃຈໄດ້ຖືກຕ້ອງ ແລະ ກົງກັນໝົດ.
  6. ບໍ່ມີສິ່ງໃດສົມບູນແບບ ທຸກຢ່າງມີຂໍ້ບົກພ່ອງສະເໝີ.
  7. ຖ້າປ່ອຍໃຫ້ທຸກສິ່ງເປັັນໄປຕາມຍະຖາກໍາ ສະຖານະການມັກຈະ​ໂຫດຮ້າຍເພີ່ມຂຶ້ນສະເໝີ.
  8. ຖ້າເຈົ້າປະເມີນວ່າມີຄວາມເປັນໄປໄດ້ 4 ຢ່າງທີ່ຈະເຮັດໃຫ້ເກີດຄວາມຜິດພາດ ແລະ ໄດ້ດໍາເນີນການປ້ອງກັນໄວ້ຮຽບຮ້ອຍແລ້ວ ຂໍໃຫ້ຄິດເຖິງວ່າຈະມີຄວາມເປັນໄປໄດ້ຢ່າງທີ 5 ທີ່ຈະເຮັດໃຫ້ເກີດຄວາມຜິດພາດໂດຍທີ່ເຈົ້າບໍ່ໄດ້ປ້ອງກັນໄວ້.
  9. ອັນໃດກໍຕາມທີ່ຄວາມຜິດພາດເປັນສິ່ງທີ່ຍອມໃຫ້ເກີດບໍ່ໄດ້ ກໍມັກຈະເກີດຄວາມຜິດພາດສະເໝີ.
  10. ຖ້າຫາກມີຄວາມເປັນໄປໄດ້ທີ່​ແມ່ນຫຍັງບາງຢ່າງຈະຜິດພາດ ຂໍໃຫ້ລະວັງໄວ້ວ່າ ອັນໃດບາງຢ່າງມັກຈະເປັນສິ່ງທີ່ກໍ່ໃຫ້ເກີດຄວາມເສຍຫາຍໃຫ້ໄດ້ຫຼາຍທີ່ສຸດ ຫຼື ອີກຢ່າງໜຶ່ງກໍຄື ໃນຊ່ວງພາວະທີ່ວິກິດທີ່ສຸດ ທີ່ບໍ່ຄວນຈະເກີດຄວາມຜິດພາດເລີຍ ຄວາມຜິດພາດມັກຈະເກີດໃນຕອນນັ້ນ.
  11. ຖ້າມີຫຍັງທີ່ສາມາດຜິດພາດໄດ້ ກໍມັກຈະເກີດຄວາມຜິດພາດສະເໝີ.
  12. ທຸກຢ່າງຕ້ອງການເວລາໃນການ​ແກ້​ໄຂຫຼາຍກວ່າທີ່ເຈົ້າຄິດ.
  13. ທຸກຢ່າງບໍ່ງ່າຍຄືທີ່ເຫັນ.
  14. ໂລກມົນໆໜ່ວຍນີ້ບໍ່ມີຫຍັງໄດ້ມາຟຣີໆ, ຂອງຟຣີບໍ່ເຄີຍມີ ຂອງດີບໍ່ເຄີຍຖືກ.
  15. ຢູ່ໃຫ້ໄວ້ໃຈ ໄປໃຫ້ຄິດຮອດ.
  16. ຄົນເຮົາຕ້ອງເດີນໜ້າ ເວລາກໍຍັງເດີນໜ້າ.
  17. ຍິ່ງມີໃຈສັດທາ ຍິ່ງມີສາຍຕາທີ່ເຢືອກເຢັນ.
  18. ຄົນເຮົາເມື່ອຕົວຕາຍກໍຕ້ອງລົງດິນ
  19. ທໍ້​ແທ້ໄດ້ ແຕ່ຢ່າທໍ້ຖອຍ, ອິດສາໄດ້ ແຕ່ຢ່າລິດສະຫຍາ, ພັກໄດ້ ແຕ່ຢ່າຢຸດ.
  20. ເຫດຜົນຂອງຄົນໆໜຶ່ງ ອາດບໍ່ແມ່ນຂອງຄົນ ອີກຄົນໜຶ່ງ.
  21. ຖ້າບໍ່ລອງກ້າວ ຈະບໍ່ມີວັນຮູ້ໄດ້ວ່າ ຂ້າງໜ້າເປັນແນວໃດ,
  22. ບັນຫາທຸກຢ່າງຢູ່ທີ່ໂຕເຮົາທັງໝົດ.
  23. ຈະເຫັນຄ່າຂອງຄວາມອົບອຸ່ນ ເມື່ອຜ່ານຄວາມເນັດໜາວມາແລ້ວ.
  24. ອັນຕະລາຍທີ່ສຸດຄືການຄາດຫວັງ.
  25. ເລີ່ມຕົ້ນດີແລ້ວ ລົງທ້າຍກໍຕ້ອງດີດ້ວຍ.
  26. ຢ່າຍອມແພ້ ຖ້າຍັງບໍ່ໄດ້ພະຍາຍາຢ່າງເຕັມທີ່.
  27. ຈົ່ງໃຊ້ສະຕິ ຢ່າໃຊ້ອາລົມ.
  28. ເບື້ອງຫລັງຄວາມເຂັ້ມແຂງ ສົມຄວນມີຄວາມອ່ອນໂຍນ.
  29. ບໍ່ມີຄໍາວ່າບັງເອີນ ໃນເລື່ອງຂອງຄວາມຮັກ ມີແຕ່ວ່າຕັ້ງໃຈ.
  30. ຍິນດີກັບສິ່ງທີ່ໄດ້ມາ ແລະ ຍອມຮັບກັບສິ່ງທີ່ເສຍໄປ.
  31. ຫລັງພາຍພາຍຸຜ່ານໄປ ຟ້າຍ່ອມສົດ​ໃສສະເໝີ.
  32. ຫລັງຜ່ານບັນຫາ ຈະຮູ້ວ່າບັນຫານັ້ນເລັກນ້ອຍ.
  33. ມີແຕ່ວັນນີ້ມີຄ່າ ບໍ່ມີວັນໜ້າ ວັນຫຼັງ.
  34. ຢ່າຫວັງວ່າຈະໄດ້ຮັບຄວາມຮັກຈາກຄົນທີ່ເຈົ້າຮັກ ເພາະຄົນທີ່ເຈົ້າຮັກ ບໍ່ໄດ້ຮັກເຈົ້າໝົດທຸກຄົນ.
  35. ເພື່ອນທົ່ວໄປ ບໍ່ເຫັນເຈົ້າຮ້ອງໄຫ້, ເພື່ອນແທ້ ມີບ່າໄຫຼໄວ້ຄອຍຊັບນໍ້າຕາໃຫ້, ເພື່ອນທົ່ວໄປ ຖືສິ່ງມືນເມົາຕິດມືມາງານລ້ຽງຂອງເຈົ້າ, ເພື່ອນແທ້ ຈະມາແຕ່ຫົວແລງເພື່ອຊ່ວຍກຽມງານ, ເພື່ອນທົ່ວໄປຄາດຫວັງໃຫ້ເຈົ້າຄຽງຂ້າງເຂົາສະເໝີ, ເພື່ອນແທ້ ຄາດຫວັງທີ່ຈະຢູ່ຄຽງຂ້າງເຈົ້າຕະຫຼອດໄປ ແລະ ເພື່ອນທົ່ວໄປ ເຂົ້າຫາຜົນປະໂຫຍດ ທີ່ໄດ້ຮັບຈາກເຈົ້າ.
  36. ພະຍາຍາມຄິດລໍ້າໜ້າກວ່າຄົນອື່ນໆ ໄປສອງກ້າວ.
  37. ຈົ່ງເບິ່ງໄປຂ້າງໜ້າ ເພື່ອກໍ່ຄວາມຫວັງ, ຈົງເບິ່ງໄປທາງຫຼັງ ເພື່ອແກ້ຄວາມຜິດ, ຖ້້າບໍ່ມີຄວາມຫວັງ ກໍເໝືອນຄົນສິ້ນຄິດ, ຖ້າບໍ່ມີຄວາມຜິດ ກໍເໝືອນບໍ່ແມ່ນຄົນ.
error: Content is protected !!