ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

- advert banner 728 90 728x90 - ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

- ka86a1nlpxcqplkg56ep - ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

- new3 - ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

ປະທານາທິບ​ໍດີ ທຣຳ ກ່າວ​ວ່າ: ການ​ພົວພັນ​ລະຫວ່າງ​ອາ​ເມ​ລິ​ກາ​ກັບຣັດ​ເຊຍ​ໃນ​ຕອນ​ນີ້ “ຕົກ​ຕໍ່າ​ເຖິງ​ຂີດ​ສຸດ” ​ເພາະ​ສະພາ​ຄອງ​ເກ​ຣດ “ບີ​ບບັງຄັບ”​ ​ໃຫ້​ລົງ​ນາມ​ກົດໝາຍ​ຂວ້ຳບາດ​ລັດຖະບານ​ມົດ​ສະ​ກູ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ວໍ​ຊິງ​ຕັນ ປະ​ເທດ​ອາ​ເມ​ລິ​ກາ ​ໃນ​ວັນ​ທີ 3 ສິງຫາ​ນີ້​ວ່າ: ປະທານາທິບໍດີ ​ໂດ​ນັນ ທຣຳ ສະ​ແດງ​ຂໍ້ຄວາມ​ໃນ​ວັນ​ທີ 3 ສິງຫາ​ວ່າ: ການ​ພົວພັນ​ລະຫວ່າງ​ອາ​ເມ​ລິ​ກາ​ກັບຣັດ​ເຊຍ​ໃນ​ຕອນ​ນີ້ ຢູ່​ໃນ​ລະດັບ​ຕົກ​ຕໍ່າ​ທີ່​ສຸດ ​ແລະ ອັນຕະລາຍ​ທີ່​ສຸດ​ເປັນ​ປະຫວັດສາດ ​ໂດຍສາ​ເຫດ​ມາ​ຈາກ​ສະພາ​ຄອງ​ເກຣດ ​ເຊິ່ງ​ເປັນ​ບຸກຄົນ​ກຸ່ມ​ດຽວ​ກັບ​ທີ່​ຍັງ​ບໍ່​ຍອມ​ຜ່ານ​ຮ່າງ​ກົດໝາຍ​ປະກັນ​ສຸຂະພາບ​ສະບັບ​ໃໝ່.

- 1111 - ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

ຂະນະ​ທີ່​ທ່ານ ຈອນ ​ແມ​ກ​ເຄນ ວຸດ​ທິສະມາຊິກ​ລັດ​ແອຣິ​ໂຊ​ນາ ​ແລະ ​ແກນ​ນຳ​ຄົນ​ສຳຄັນ​ຂອງ​ພັກ​ລີ​ພັບ​ບລິ​ກັນ ​ເຊິ່ງ​ເປັນ​ໜຶ່ງ​ໃນ​ຜູ້​ທີ່​ອອກສຽງ​ຄັດຄ້ານ​ຮ່າງ​ກົດໝາຍ​ປະກັນ​ສຸຂະພາບ​ສະບັບ​ໃໝ່ ສະ​ແດງ​ຂໍ້ຄວາມ​ຕອບ​ຜູ້ນຳ​ອາ​ເມ​ລິ​ກາ​ວ່າ: ຕ້ອງ​ຂອບ​ໃຈ​ທ່ານ ປູ​ຕິນ ທີ່​ໂຈມ​ຕີ​ລະບອບ​ປະຊາທິປະ​ໄຕ ຮຸກ​ຮານ​ປະ​ເທດ​ເພື່ອນ​ບ້ານ ​ແລະ ພັນທະ​ມິດ​ຂອງ​ອາ​ເມ​ລິ​ກາ.

- Untitled 1 1 - ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

- lattana 1 - ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

ການ​ຕອບ​ໂຕ້​ຜ່ານ​ທະວິ​ດ​ເຕີ​ລະຫວ່າງ​ທ່ານ ທຣຳ ກັບ​ທ່ານ ​ແມ​ກ​ເຄນ ມີ​ຂຶ້ນພາຍຫລັງ​ຜູ້ນຳ​ອາ​ເມ​ລິ​ກາ “ຈຳ​ໃຈ” ລົງ​ນາມ​ປະກາດ​ໃຫ້​ກົດໝາຍ​ຂວ້ຳບາດຣັດ​ເຊຍ​ມີ​ຜົນ​ບັງຄັບ​ໃຊ້​ຢ່າງ​ເປັນ​ທາງ​ການ ​ໃນ​ວັນ​ທີ 27 ກໍລະກົດ ຫລື ​ເກືອບ 1 ອາທິດ ຫລັງ​ສະພາ​ຄອງ​ເກຣດຜ່ານ​ຮ່າງ​ກົດໝາຍ​ດ້ວຍ​ມະຕິ​ສຽງ​ສ່ວນ​ຫລາຍ​ເກີນ 2 ​ໃນ 3 ​ເພື່ອ​ປ້ອງ​ກັນ​ການ​ຕອບ​ໂຕ້​ຂອງ​ປະທານາທິບໍດີ. ​ເຖິງ​ຢ່າງ​ໃດ​ກໍ​ຕາມ, ຜູ້ນຳ​ອາ​ເມ​ລິ​ກາ​ວິຈານ​ວ່າ​ເປັນ​ການ “ມັດ​ມື​ຊົກ” ຈາກ​ສະພາ​ຄອງ​ເກຣດ ​ແລະ ​ເນື້ອ​ໃນ​ກົດໝາຍ​ເຕັມ​ແຕ່ “ຂໍ້​ບົກພ່ອງ​ຢ່າງ​ມີ​ໄນ​ສຳຄັນ” ​ໃນ​ຫລາຍ​ບັນຫາ ​ແລະ ອາດ​ເປັນ​ການລະ​ເມີດ​ລັດຖະທຳ​ມະນູນ ທີ່​ລວມທັງ​ການ​ຈຳກັດ​ອຳນາດ​ຂອງ​ປະທານາທິບໍດີ​ໃນ​ການ “​ເຈລະ​ຈາ” ກັບຣັດ​ເຊຍ.

- 97173628 005705688 - ທ່ານ ທຣຳ ໂທດຄອງເກຣດເຮັດໃຫ້ ການພົວພັນກັບຣັດເຊຍຕົກຕໍ່າ

ສ່ວນ​ນາຍົກລັດຖະມົນຕີ ດີ​ມີ​ຕຣີ ​ເມດ​ເວ​ເດ​ຟ ກ່າວ​ວ່າ: ກົດໝາຍ​ຂວ້ຳບາດ​ດັ່ງກ່າວ​ທີ່​ອອກ​ມາ​ເພື່ອ​ໃຊ້​ແທນ​ກົດໝາຍ​ຂວ້ຳບາດ​ສະບັບ​ປີ 2014 ຖື​ເປັນ​ການ​ປະກາດ​ເຈດ​ຕະນາ​ຢ່າງ​ຈະ​ແຈ້ງ​ຂອງ​ອາ​ເມ​ລິ​ກາ ​ໃນ​ການ “​ເຮັດ​ສົງຄາມ​ການ​ຄ້າ” ກັບຣັດ​ເຊຍ. ທັງ​ນີ້ ລັດຖະບານ​ມົດ​ສະ​ກູ​ມີ​ຄຳ​ສັ່ງ​ໃນ​ອາທິດ​ຜ່ານ​ມາ ຂັບ​ໄລ່​ເຈົ້າໜ້າ​ທີ່​ການ​ທູດ​ຂອງ​ອາ​ເມ​ລິ​ກາ 755 ຄົນ ພາຍ​ໃນ​ວັນ​ທີ 1 ກັນຍາ ​ແລະ ຍຶດຊັບ​ສິນ​ຂອງ​ລັດຖະບານ​ວໍ​ຊິງ​ຕັນ​ທີ່​ເປັນ​ອາຄານ 2​ແຫ່ງ​ໃນ​ນະຄອນຫລວງ​ມົດ​ສະ​ກູ ນັບ​ແຕ່​ວັນ​ທີ 1 ສິງຫາ.

error: Content is protected !!