ປີນີ້ຂະແໜງຕັດຫຍິບລາວຕັ້ງເປົ້າການສົ່ງອອກຫລາຍກວ່າ 160 ລ້ານໂດລາສະຫະລັດ

- Untitled design - ປີນີ້ຂະແໜງຕັດຫຍິບລາວຕັ້ງເປົ້າການສົ່ງອອກຫລາຍກວ່າ 160 ລ້ານໂດລາສະຫະລັດ

- 20131121 laos tominaga article main image 300x216 - ປີນີ້ຂະແໜງຕັດຫຍິບລາວຕັ້ງເປົ້າການສົ່ງອອກຫລາຍກວ່າ 160 ລ້ານໂດລາສະຫະລັດ

 

ປະທານສະມາຄົມອຸດສາຫະກຳຕັດຫຍິບລາວ ໄຊບັນດິດ ຣາຊະພົນ ໃຫ້ຮູ້ໃນກອງປະຊຸມປະຈໍາປີ 2017 ວ່າ: ປີນີ້, ສະມາຄົມຕັດຫຍີບລາວຈະສູ້ຊົນໃຫ້ບັນລຸຕົວເລກສົ່ງອອກຫລາຍກວ່າ 160 ລ້ານໂດລາສະຫະລັດ, ຫລັງ ຈາກເຫັນວ່າປີ 2016 ຜ່ານມາສາມາດຜະລິດເຄື່ອງນຸ່ງຫົ່ມສົ່ງອອກໄດ້ຫລາຍກວ່າ 37 ລ້ານຜືນ, ລວມມູນຄ່າຫລາຍກວ່າ 160 ລ້ານໂດລາສະຫະລັດ, ຊຶ່ງເຫັນວ່າຫລຸດລົງປະມານ 5% ເມື່ອທຽບໃສ່ມູນຄ່າການສົ່ງອອກໃນປີ 2015 ແນວໃດກໍຕາມ, ໃນປີ 2017 ນີ້ຈະສູ້ຊົນເຮັດໃຫ້ມູນຄ່າການສົ່ງອອກສິນຄ້າເພີ່ມຂຶ້ນຢ່າງຕໍ່ເນື່ອງ, ໂດຍຈະສົມທົບກັບກົມອຸດສາຫະກຳ ແລະ ຫັດຖະກຳກະຊວງອຸດສາຫະກຳ ແລະ ການຄ້າ ເພື່ອສ້າງແຜນຍຸດທະສາດພັດທະນາຂະແໜງການ, ຂົນຂວາຍເອົາບັນດາໂຮງງານຂະໜາດນ້ອຍເຂົ້າມາເປັນສະມາຊິກເພື່ອກະຈາຍການຜະລິດໃຫ້ໄດ້ຫລາຍ ແລະ ສົມທົບກັບຮ້ານຄ້າເຄື່ອງນຸງຫົ່ມພາຍໃນເພື່ອສົ່ງເສີມການຜະລິດຮັບໃຊ້ພາຍໃນໃຫ້ຫລາຍຂຶ້ນ.

ປັດຈຸບັນທົ່ວປະເທດມີໂຮງງານຕັດຫຍິບທັງໝົດ 85 ແຫ່ງ, ມີກໍາລັງ ແຮງງານຫລາຍກວ່າ 27 ພັນຄົນ, ສ່ວນໃຫຍ່ແມ່ນເພດຍິງກວມປະມານ 90% ຂອງແຮງງານທັງໝົດ, ໃນນັ້ນໂຮງງານຜະລິດສົ່ງອອກມີ 57 ແຫ່ງ, ເປັນສະມາຊິກ 47 ແຫ່ງ, ໂຮງງານທີ່ຜະລິດສ່ວນປະກອບ 31 ແຫ່ງ. ສຳລັບຕະຫລາດສົ່ງອອກສ່ວນໃຫຍ່ແມ່ນສະຫະພາບເອີຣົບ, ຍີ່ປຸ່ນ, ສະຫະລັດອາມາລິກາ, ການາດາ ແລະ ປະເທດອື່ນໆ.

- Wave100S AD to Website 2020 0 - ປີນີ້ຂະແໜງຕັດຫຍິບລາວຕັ້ງເປົ້າການສົ່ງອອກຫລາຍກວ່າ 160 ລ້ານໂດລາສະຫະລັດ

ສະມາຄົມອຸດສາຫະກຳຕັດຫຍິບລາວ, ມີໜ້າທີ່ເຕົ້າໂຮມບັນດາຫົວໜ່ວຍທຸລະກິດທັງພາກລັດ ແລະ ເອກະຊົນ ໃນການເຄື່ອນໄຫວຊຸກຍູ້, ສົ່ງເສີມ, ຊ່ວຍເຫລືອ, ແກ້ໄຂບັນຫາຕ່າງໆໃຫ້ຂະແໜງການ, ຄົ້ນຄວ້າໃຫ້ຄຳປຶກສາ, ອຳນວຍຄວາມສະດວກ ແລະ ໃຫ້ຂໍ້ມູນຂ່າວສານຕ່າງໆ, ຕິດຕາມການເຄື່ອນໄຫວຂອງຕະຫລາດພາຍໃນ ແລະ ຕ່າງປະເທດ, ເກັບກຳສະຖິຕິຈຳນວນໂຮງງານ, ແຮງງານ, ການນຳເຂົ້າວັດຖຸດິບ ແລະ ການສົ່ງອອກຜະລິດຕະພັນເຄື່ອງນຸ່ງຫົ່ມພາຍໃນປະເທດ.

- WhatsApp Image 2020 05 27 at 5 - ປີນີ້ຂະແໜງຕັດຫຍິບລາວຕັ້ງເປົ້າການສົ່ງອອກຫລາຍກວ່າ 160 ລ້ານໂດລາສະຫະລັດ
- WhatsApp Image 2020 05 27 at 5 - ປີນີ້ຂະແໜງຕັດຫຍິບລາວຕັ້ງເປົ້າການສົ່ງອອກຫລາຍກວ່າ 160 ລ້ານໂດລາສະຫະລັດ
error: Alert: ເນື້ອຫາຂ່າວມີລິຂະສິດ !!