“ຈີນສະໜັບສະໜູນຣັດເຊຍແລະຢູເຄຣນໃຫ້ແກ້ໄຂບັນຫາດ້ວຍການເຈລະຈາ” ທ່ານສີຈິ້ນຜິງສົນທະນາຜ່ານທາງໂທລະສັບ ກັບທ່ານປູຕິນ

- 9ov5iv0A1ZZHUSbAC90UYcd2RsMQw3z8 - “ຈີນສະໜັບສະໜູນຣັດເຊຍແລະຢູເຄຣນໃຫ້ແກ້ໄຂບັນຫາດ້ວຍການເຈລະຈາ” ທ່ານສີຈິ້ນຜິງສົນທະນາຜ່ານທາງໂທລະສັບ ກັບທ່ານປູຕິນ
- 16583075379783 - “ຈີນສະໜັບສະໜູນຣັດເຊຍແລະຢູເຄຣນໃຫ້ແກ້ໄຂບັນຫາດ້ວຍການເຈລະຈາ” ທ່ານສີຈິ້ນຜິງສົນທະນາຜ່ານທາງໂທລະສັບ ກັບທ່ານປູຕິນ

ທ່ານສີຈິ້ນຜິງສົນທະນາກັບທ່ານປູຕິນກ່ຽວກັບສະຖານະການຢູເຄຣນຜ່ານທາງໂທລະສັບ

ຕອນບ່າຍວັນທີ 25 ກຸມພານີ້, ທ່ານສີຈິ້ນຜິງ ປະທານປະເທດຈີນໄດ້ສົນທະນາກັບທ່ານວາລະດິເມຍ ປູຕິນ ປະທານາທິບໍດີຣັດເຊຍຜ່່ານທາງໂທລະສັບ. ສອງຝ່າຍໄດ້ແລກປ່ຽນຄວາມຄິດເຫັນກ່ຽວກັບສະຖານະການຢູເຄຣນ.

ທ່ານປູຕິນໄດ້ແນະນຳຄວາມເປັນມາຂອງບັນຫາຢູເຄຣນ ແລະ ໄດ້ແຈ້ງກ່ຽວກັບສະພາບການ ແລະ ຫລັກໝັ້ນຂອງຣັດເຊຍໃນການປະຕິບັດການເຄື່ອນໄຫວທາງການທະຫານພິເສດຢູ່ພາກຕາເວັນອອກຢູເຄຣນ, ທ່ານ ປູຕິນຍັງກ່າວວ່າ: ອາເມຣິກາ ແລະອົງການນາໂຕບໍ່ໄດ້ເອົາຫົວຊານຳຄວາມກັງວົນກ່ຽວກັບຄວາມໝັ້ນຄົງທີ່ສົມເຫດສົມຜົນຂອງຣັດເຊຍ, ໄດ້ລະເມີດຄຳໝັ້ນສັນຍາຊ້ຳແລ້ວຊ້ຳອີກ, ໄດ້ຂະຫຍາຍກຳລັງທາງການທະຫານໄປສູ່ພາກຕາເວັນອອກຢ່າງບໍ່ຢຸດຢັ້ງ ເຊິ່ງເປັນການທ້າທາຍເສັ້ນອັນຕະລາຍທາງຍຸດທະສາດຂອງຣັດເຊຍ. ແຕ່ຣັດເຊຍກໍ່ຍິນດີຈັດການເຈລະຈາລະດັບສູງກັບຢູເຄຣນ.

ທ່ານສີຈິ້ນຜິງ ກ່າວວ່າ: ຫວ່າງມໍ່ໆມານີ້, ສະຖານະການໃນພາກຕາເວັນອອກຂອງຢູເຄຣນໄດ້ປ່ຽນແປງໄປຢ່າງໄວວາ, ເຮັດໃຫ້ປະຊາຄົມໂລກໃຫ້ຄວາມສົນໃຈຢ່າງສູງ. ຈີນມີຫຼັກໝັ້ນຂອງຕົນໂດຍອີງຕາມຄວາມຖືກຜິດ ແລະຄວາມເປັນທຳ-ຄວາມອະທຳ ໃນບັນຫາຢູເຄຣນ. ຈີນສະໜັບສະໜູນຣັດເຊຍແລະຢູເຄຣນໃຫ້ແກ້ໄຂບັນຫາດ້ວຍການເຈລະຈາ. ຈີນມີຫຼັກໝັ້ນພື້ນຖານທີ່ເຄົາລົບອະທິປະໄຕ ແລະ ຜືນແຜ່ນດິນອັນຄົບຖ້ວນຂອງປະເທດຕ່າງໆ, ປະຕິບັດຕາມຈຸດປະສົງ ແລະຫຼັກການຂອງກົດບັດອົງການສະຫະປະຊາຊາດແຕ່ຕົ້ນຕະຫຼອດປາຍ. ຈີນຍິນດີຮ່ວມກັບຝ່າຍຕ່າງໆຂອງປະຊາຄົມໂລກ, ລິເລີ່ມທັດສະນະກ່ຽວກັບຄວາມໝັ້ນຄົງຮ່ວມກັນ, ກວມລວມ, ຮ່ວມມື ແລະ ແບບຍືນຍົງ, ຮັກສາລະບົບສາກົນທີ່ຖືອົງການສະຫະປະຊາຊາດເປັນແກນກາງ ແລະ ລະບຽບການສາກົນທີ່ຖືກົດໝາຍສາກົນເປັນພື້ນຖານ.

ແຫລ່ງຂ່າວ: CRI

https://www.facebook.com/crifm93/posts/3316029841959091

- lattana banner - “ຈີນສະໜັບສະໜູນຣັດເຊຍແລະຢູເຄຣນໃຫ້ແກ້ໄຂບັນຫາດ້ວຍການເຈລະຈາ” ທ່ານສີຈິ້ນຜິງສົນທະນາຜ່ານທາງໂທລະສັບ ກັບທ່ານປູຕິນ
-    AD conten website - “ຈີນສະໜັບສະໜູນຣັດເຊຍແລະຢູເຄຣນໃຫ້ແກ້ໄຂບັນຫາດ້ວຍການເຈລະຈາ” ທ່ານສີຈິ້ນຜິງສົນທະນາຜ່ານທາງໂທລະສັບ ກັບທ່ານປູຕິນ
- lattana banner 1 - “ຈີນສະໜັບສະໜູນຣັດເຊຍແລະຢູເຄຣນໃຫ້ແກ້ໄຂບັນຫາດ້ວຍການເຈລະຈາ” ທ່ານສີຈິ້ນຜິງສົນທະນາຜ່ານທາງໂທລະສັບ ກັບທ່ານປູຕິນ
error: Alert: ເນື້ອຫາຂ່າວມີລິຂະສິດ !!