ເຈົ້າແຂວງໄຊຍະບູລີມອບເຄື່ອງຊ່ວຍເຫລືອ ບັນເທົາທຸກປະຊາຊົນຢູ່ເມືອງແກ່ນທ້າວ

- sdeeee - ເຈົ້າແຂວງໄຊຍະບູລີມອບເຄື່ອງຊ່ວຍເຫລືອ ບັນເທົາທຸກປະຊາຊົນຢູ່ເມືອງແກ່ນທ້າວ
- Untitled design - ເຈົ້າແຂວງໄຊຍະບູລີມອບເຄື່ອງຊ່ວຍເຫລືອ ບັນເທົາທຸກປະຊາຊົນຢູ່ເມືອງແກ່ນທ້າວ

ທ່ານ ພົງສະຫວັນ ສິດທະ ວົງ ເຈົ້າແຂວງໄຊຍະບູລີ ພ້ອມ ດ້ວຍການນໍາແຂວງ, ເມືອງ ແລະ ສະມາຊິກສະພາປະຊາຊົນຂັ້ນ ແຂວງປະຈຳເມືອງ ໄດ້ນຳເຄື່ອງຊ່ວຍເຫລືອ ບັນເທົາທຸກ ເບື້ອງ ຕົ້ນໄປມອບໃຫ້ປະຊາຊົນບ້ານ ປົ່ງແດງ ແລະ ບ້ານໜອງ, ເມືອງ ແກ່ນທ້າວແຂວງໄຊຍະບູລີ ທີ່ຖືກ ໄພພິບັດນ້ຳຖ້ວມໄຫລຊຸໃນຄືນ ວັນທີ 27-28 ກໍລະກົດຜ່ານມາ, ໂດຍບ້ານປົ່ງແດງມີ 40 ຄອບຄົວ ເສຍຫາຍ. ໃນນັ້ນມີ 13 ຄອບຄົວ ເສຍຫາຍໜັກ ແລະ ເສຍຊີວິດ 1 ຄົນ. ສ່ວນບ້ານໜອງມີ 59 ຄອບ ຄົວໄດ້ຮັບຜົນກະທົບ ແລະ ເສຍ ຫາຍໜັກມີ 45 ຄອບຄົວ ແລະ ເສຍຊີວິດ 1 ຄົນ. ການຊ່ວຍເຫຼືອ ຄັ້ງນີ້ແມ່ນເພື່ອບັນເທົາທຸກ ເບື້ອງ ຕົ້ນໂດຍເຄື່ອງທີ່ນຳມາມອບປະ ກອບມີເຄື່ອງອຸປະໂພກ ແລະ ບໍລິ ໂພກເຊັ່ນ: ເຂົ້າສານ, ອາຫານ ແຫ້ງ, ແປ້ງນົວ, ສະບູ, ຜ້າຫົ່ມ, ມຸ້ງ, ໝອນ ແລະ ອື່ນໆ.

 

 

+ ມອບເຄື່ອງຊ່ວຍເຫລືອໃຫ້ປະຊາຊົນ ບ້ານວັງມ້າມູນຄ່າຫລາຍລ້ານກີບ

+ ແຂວງໄຊຍະບູລີທໍາລາຍສີ້ນສ່ວນຂອງສັດປ່າຫລາຍສິບກິໂລ

- Wave100S AD to Website 2020 0 - ເຈົ້າແຂວງໄຊຍະບູລີມອບເຄື່ອງຊ່ວຍເຫລືອ ບັນເທົາທຸກປະຊາຊົນຢູ່ເມືອງແກ່ນທ້າວ

 

 

ໃນໂອກາດນີ້, ທ່ານເຈົ້າ ແຂວງໄຊຍະບູລີໄດ້ສະແດງ ຄວາມເປັນຫ່ວງເປັນໄຍຕໍ່ຄອບ ຄົວປະຊາຊົນທີ່ປະສົບໄພນ້ຳ ຖ້ວມໃນຄັ້ງນີ້ວ່າ: ພາຍຫລັງໄດ້ ຮັບລາຍງານຈາກເມືອງກ່ຽວ ກັບໄພທຳມະຊາດຄັ້ງນີ້, ທາງ ແຂວງໄດ້ຮີບຮ້ອນຈັດພະນັກ ງານລົງຊ່ວຍເຫລືອ ແລະ ກວດ ກາສະພາບທີ່ເກີດຂຶ້ນ, ພ້ອມທັງ ຄົ້ນຄວ້າກະກຽມເຄື່ອງຊ່ວຍ ເຫລືອບັນເທົາທຸກເບື້ອງ ຕົ້ນໃຫ້ ແກ່ຄອບຄົວຜູ້ຖືກເຄາະຮ້າຍ, ພ້ອມທັງເນັ້ນໃຫ້ອຳນາດການ ປົກຄອງເມືອງແກ່ນທ້າວໃຫ້ລົງເກັບກຳຂໍ້ມູນຜົນເສຍຫາຍລະ ອຽດ ແລະ ຄົ້ນຄວ້າສ້າງແຜນ ຊ່ວຍເຫລືອຄອບ ຄົວປະຊາຊົນ ໃຫ້ເປັນແຜນລະອຽດແລ້ວ ສົ່ງໃຫ້ແຂວງ ແລະ ລັດຖະບານ ພິຈາລະນາຕໍ່ໄປ.

ຂ່າວໃຫ້ຮູ້ຕື່ມວ່າ: ໃນວັນ ດຽວກັນພະແນກສາທາລະນະສຸກແຂວງໄຊຍະບູລີກໍໄດ້ນຳ ເຄື່ອງອຸປະໂພກ-ບໍລິໂພກຈໍາ ນວນໜຶ່ງມາຊ່ວຍເຫລືອຄອບ ຄົວຜູ້ຖືກເຄາະຮ້າຍຈາກໄພ ທຳມະຊາດນ້ຳຖ້ວມຄັ້ງນີ້ເຊັ່ນກັນ.

- WhatsApp Image 2020 05 27 at 5 - ເຈົ້າແຂວງໄຊຍະບູລີມອບເຄື່ອງຊ່ວຍເຫລືອ ບັນເທົາທຸກປະຊາຊົນຢູ່ເມືອງແກ່ນທ້າວ
- WhatsApp Image 2020 05 27 at 5 - ເຈົ້າແຂວງໄຊຍະບູລີມອບເຄື່ອງຊ່ວຍເຫລືອ ບັນເທົາທຸກປະຊາຊົນຢູ່ເມືອງແກ່ນທ້າວ
error: Alert: ເນື້ອຫາຂ່າວມີລິຂະສິດ !!