ປີ 2022 ເມືອງໂຂງ ສູ້ຊົນເກັບລາຍຮັບງົບປະມານໃຫ້ໄດ້ 8 ຕື້ກວ່າກີບ
March 1, 2022 - 9:12 AM
ທ່ານ ສະເຫລີມໄຊ ແສງສຸລິຍະວົງ ຫົວໜ້າຫ້ອງການ-ການເງິນເມືອງໂຂງແຂວງຈຳປາສັກລາຍງານ ໃນກອງປະຊຸມສະຫລຸບວຽກງານການເງິນປະຈຳປີ 2021 ໃນວັນທີ 28 ກຸມພານີ້ວ່າ: ປີ 2022 ໃນເບື້ອງຕົ້ນຕັ້ງເປົ້າເກັບລາຍຮັບໃຫ້ໄດ້ 8 ຕື້ກວ່າກີບ ໃນນີ້ຈະໄດ້ຈາກສ່ວຍກາອາການ 6,7 ຕື້ກວ່າກີບ, ຊັບສິນລັດ 1,2 ຕື້ກວ່າກີບ ເຊິ່ງການຈັດເກັບລາຍຮັບ-ລາຍຈ່າຍ ເນັ້ນຜ່ານລະບົບທັນສະໄໝ 100% ເປັນຕົ້ນລະບົບ TAXRISH, ຊໍາລະຜ່ານລະບົບທະນາຄານ ແລະ ຕົວແທນບໍລິການຂອງທະນາຄານ.
ຂະນະທີ່ປີ 2021 ສາມາດຈັດເກັບລາຍຮັບງົບປະມານໄດ້ 9,6 ຕື້ກວ່າກີບ ບັນລຸ 97,5% ຂອງແຜນການປີ ໃນນີ້ໄດ້ຈາກສ່ວຍສາອາກອນ 5,5 ຕື້ກວ່າກີບ ແລະ ຊັບສິນລັດ 3,4 ຕື້ກວ່າກີບ.
