ກຽມສະຫລອງວັນຊ້າງສາກົນ 12 ສິງຫາຢູ່ແຂວງໄຊຍະບູລີ

- elephant - ກຽມສະຫລອງວັນຊ້າງສາກົນ 12 ສິງຫາຢູ່ແຂວງໄຊຍະບູລີ
- Untitled design - ກຽມສະຫລອງວັນຊ້າງສາກົນ 12 ສິງຫາຢູ່ແຂວງໄຊຍະບູລີ

ບໍລິສັດ ລົງທຶນພັດທະນາ ການທ່ອງທ່ຽວ ເຊໂນ-ລາວ ຈະ ໄດ້ຈັດງານສະເຫລີມສະຫລອງ ວັນຊ້າງສາກົນຂຶ້ນ ໃນວັນທີ 12 ສິງຫານີ້ຢູ່ສະໜາມຫລວງ ແຂວງ ໄຊຍະບູລີ ເປັນເວລາ 1 ວັນ ເຊິ່ງ ຈະມີຊ້າງຫລາຍກວ່າ 50 ເຊືອກ ເຂົ້າຮ່ວມ ແລະ ຈະມີກິດຈະກຳ ຕ່າງໆທີ່ໜ້າສົນໃຈ ເປັນຕົ້ນກິດ ຈະກຳສ້າງຄວາມລຶ້ງເຄີຍຊ້າງ ກັບຄົນ, ຊ້າງກິນອາຫານ ບຸບເຟ, ຊ້າງເຊັນຊື່ເປັນທີ່ລະນຶກ ແລະ ກິດຈະກຳອື່ນໆ ເພື່ອເປັນການ ອານຸລັກຊ້າງ ແລະ ສົ່ງເສີມການ ທ່ອງທ່ຽວ.

 

 

- wee 300x200 - ກຽມສະຫລອງວັນຊ້າງສາກົນ 12 ສິງຫາຢູ່ແຂວງໄຊຍະບູລີ

 

 

+ ລາວກຽມສະຫລອງວັນສ້າງຕັ້ງສະຫະພັນແມ່ຍິງຄົບຮອບ 62 ປີ

- Wave100S AD to Website 2020 0 - ກຽມສະຫລອງວັນຊ້າງສາກົນ 12 ສິງຫາຢູ່ແຂວງໄຊຍະບູລີ

+ ເຈົ້າແຂວງໄຊຍະບູລີມອບເຄື່ອງຊ່ວຍເຫລືອ ບັນເທົາທຸກປະຊາຊົນຢູ່ເມືອງແກ່ນທ້າວ

 

 

ທ່ານ ມູ ຢຽນ ຍູນ ຫົວໜ້າ ສູນອານຸລັກຊ້າງ ແລະ ຂະ ຫຍາຍພັນຊ້າງ ບໍລິສັດລົງທຶນ ພັດທະນາການທ່ອງທ່ຽວເຊ ໂນ -ລາວໄດ້ເປີດເຜີຍຕໍ່ນັກຂ່າວ ແຂວງ ໄຊຍະບູລີ ເມື່ອບໍ່ດົນນີ້ ວ່າ: ໃນການຈັດງານສະເຫລີມ ສະຫລອງວັນຊ້າງສາກົນຢູ່ ແຂວງ ໄຊຍະບູລີ ຍ້ອນວ່າ ເປັນ ແຂວງທີ່ມີປະຊາກອນຊ້າງ ຫລາຍກວ່າໝູ່, ເຊິ່ງປັດຈຸບັນ ແຂວງໄຊຍະບູລີ ມີຊ້າງເກືອບ 500 ເຊືອກ (ສະເພາະແຕ່ ຊ້າງ ບ້ານ) ແລະ ເພື່ອແນໃສ່ຊຸກຍູ້ ສົ່ງເສີມໃຫ້ທົ່ວສັງຄົມຫັນມາ ໃຫ້ຄວາມສົນໃຈ ແລະ ມີສ່ວນ ຮ່ວມໃນການອານຸລັກປົກປັກ ຮັກສາຊ້າງ ຢູ່ໃນໂລກໂດຍສະ ເພາະໃນ ສປປ ລາວ ໃຫ້ມີໂອ ກາດຄົງຕົວ ແລະ ຂະຫຍາຍ ຕົວຢູ່ຄູ່ກັບມວນມະນຸດໄປນານ ແສນນານ.

ທ່ານ ມູຢຽນຍູນ ໃຫ້ຮູ້ອີກ ວ່າ: ການຈັດງານສະເຫລີມສະ ຫລອງວັນຊ້າງສາກົນແມ່ນໄດ້ ເລີ່ມມາ ແຕ່ປີ 2015 ຢູ່ ສປ ຈີນ ແລະ ຄັ້ງນີ້ເປັນຄັ້ງທີ 3 ທີ່ຈະ ໄດ້ຈັດຂຶ້ນຢູ່ແຂວງໄຊຍະບູລີ ໃນ ຂະນະທີ່ຢູ່ແຫລ່ງທ່ອງທ່ຽວ ສວນຊ້າງປ່າ ເມືອງສິບສອງ ພັນນາ ແຂວງຢຸນນານ ສປ ຈີນ ກໍຈະຈັດຂຶ້ນໃນມື້ດຽວກັນ.

 

- WhatsApp Image 2020 05 27 at 5 - ກຽມສະຫລອງວັນຊ້າງສາກົນ 12 ສິງຫາຢູ່ແຂວງໄຊຍະບູລີ
- WhatsApp Image 2020 05 27 at 5 - ກຽມສະຫລອງວັນຊ້າງສາກົນ 12 ສິງຫາຢູ່ແຂວງໄຊຍະບູລີ
error: Alert: ເນື້ອຫາຂ່າວມີລິຂະສິດ !!