ປກສ ແຂວງອຸດົມໄຊເລັ່ງສືບສວນຄະດີຄາດຕະກໍາຍິງສາວ

- advert banner 728 90 728x90 - ປກສ ແຂວງອຸດົມໄຊເລັ່ງສືບສວນຄະດີຄາດຕະກໍາຍິງສາວ

ເມື່ອທ້າຍອາທິດຜ່ານມານີ້, ໄດ້ມີປະຊາຊົນຢູ່ບ້ານກໍນ້ອຍເມືອງໄຊແຂວງອຸດົມໄຊ ໄດ້ເຂົ້າມາແຈ້ງຕໍ່ເຈົ້າໜ້າທີ່ວ່າ: ໄດ້ພົບຄົນເສຍຊີວິດຢູ່ສວນຢາງພາລາ ຫລັກ 18 ເມືອງໄຊແຂວງອຸດົມໄຊ ແລ້ວເຈົ້າໜ້າທີ່ ປກສ ແຂວງ ກໍໄດ້ຮີບຮ້ອນລົງໄປສະຖານທີ່ເກີດເຫດ ພົບເຫັນສະພາບສົບດ້ານນອກມີຖົງຢ່າງດໍາສຸບຫົວ ພ້ອມເອົາກະເປົາສີແດງສຸບຫົວ, ສຸບຕີນແລ້ວເອົາເຊືອກຟາງມັດພັນຢ່າງແໜ້ນໜາ, ຜູ້ຕາຍເປັນເພດຍິງສູງປະມານ 150 ຊັງຕີແມັດ, ໃສ່ເສື້ອສີຂຽວຄໍມົນແຂນສັ້ນ, ໂສ້ງຍືດຂາຍາວສີຂາວ-ດໍາ, ໜ້າເອີກເບື້ອງຂວາມີຮອຍຊໍ້າດໍາ ຄາດວ່າເສຍຊີວິດມາແລ້ວ 5 ວັນ.

- new3 - ປກສ ແຂວງອຸດົມໄຊເລັ່ງສືບສວນຄະດີຄາດຕະກໍາຍິງສາວ

ທ່ານຮ້ອຍເອກ ບຸນເມກ ສຸດາຈັນ ຮອງຫົວໜ້າພະແນກສືບສວນ-ສອບສວນ ປກສ ແຂວງອຸດົມໄຊ ໃຫ້ຮູ້ວ່າ: ເຫດການດັ່ງກ່າວເຈົ້າໜ້າທີ່ຄາດວ່າອາດເປັນການຄາດຕະກໍາ, ແຕ່ຍັງບໍ່ທັນສາມາດລະບຸສົບຍິງສາວນັ້ນແມ່ນໃຜ, ເນື້ອງຈາກມີລັກສະນະເໜົ່າເປື່ອຍ, ເຊິ່ງເຈົ້າໜ້າທີ່ກໍາລັງເລັ່ງເກັບກໍາຂໍ້ມູນຫລັກຖານພິສູດຮ່ອງຮອຍ ແລະ ເກັບກໍາປະຫວັດຜູ້ເສຍຊີວິດ ເພື່ອເລັ່ງຕາມຫາຍາດພີ່ນ້ອງ ແລະ ຄົນຮ້າຍທີ່ກໍເຫດມາດໍາເນີນຄະດີ.

- lattana 1 - ປກສ ແຂວງອຸດົມໄຊເລັ່ງສືບສວນຄະດີຄາດຕະກໍາຍິງສາວ

ຂ່າວໃຫ້ຮູ້ອີກວ່າ: ໃນວັນທີ 2 ສິງຫານີ້, ສະຖານກົງສູນ ສ.ເກົາຫລີປະຈໍາລາວ, ໄດ້ປະສານເຈົ້າໜ້າທີ່ ປກສ ແຂວງອຸດົມໄຊ ເພື່ອນໍາເອົາຊີ້ນສ່ວນສົບຈໍານວນໜຶ່ງໄປກວດສອບຢູ່ ສ.ເກົາຫລີ ເພື່ອກວດກາລະອຽດ, ເນື່ອງຈາກວ່າອາດເປັນບຸກຄົນສັນຊາດ ສ.ເກົາຫລີ ທີ່ສູນຫາຍເມື່ອບໍ່ດົນມານີ້ຢູ່ແຂວງຫລວງພະບາງ.

error: Content is protected !!