ກະຊວງແຮງງານລົງຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງແກ່ນທ້າວເກືອບ 260 ລ້ານ ກີບ

- advert banner 728 90 728x90 - ກະຊວງແຮງງານລົງຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງແກ່ນທ້າວເກືອບ 260 ລ້ານ ກີບ

 

ໃນທ້າຍອາທິດຜ່ານມານີ້, ທ່ານ ບຸນຄົງ ຫລ້າສຸກັນ ຮອງລັດຖະມົນຕີກະ ຊວງແຮງງານ ແລະ ສະຫວັດດີການສັງຄົມ, ພ້ອມຄະນະໄດ້ນຳເອົາເຄື່ອງຊ່ວຍເຫລືອສົງເຄາະໄປມອບໃຫ້ຜູ້ໄດ້ຮັບຜົນກະທົບຈາກພາຍຸຊົງກາໃນທ້າຍເດືອນຜ່ານມານີ້, ຢູ່ 6 ບ້ານຂອງເມືອງແກ່ນທ້າວແຂວງໄຊຍະບູລີ, ຊຶ່ງມີເຂົ້າສານ, ອາຫານແຫ້ງ, ເຄື່ອງໃຊ້ໃນຄົວເຮືອນ ແລະ ອຸປະກອນຕ່າງໆ ລວມມູນຄ່າເກືອບ 260 ລ້ານກີບ.

- 1 1 - ກະຊວງແຮງງານລົງຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງແກ່ນທ້າວເກືອບ 260 ລ້ານ ກີບ
- lattana 1 - ກະຊວງແຮງງານລົງຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງແກ່ນທ້າວເກືອບ 260 ລ້ານ ກີບ

ນັບແຕ່ມື້ເກີດເຫດການດັ່ງກ່າວ, ຄະນະຮັບຜິດຊອບຂັ້ນເມືອງກໍໄດ້ຈັດ ແບ່ງກັນນຳເອົາວັດຖຸສິ່ງຂອງທີ່ໄດ້ຈາກການຊ່ວຍເຫລືອຂອງສັງຄົມໄປມອບ ໃຫ້ຄອບຄົວທີ່ຖືກຜົນກະທົບຢູ່ແຕ່ລະບ້ານ, ມາຮອດປັດຈຸບັນໄດ້ມີພາກສ່ວນຕ່າງໆໄດ້ໃຫ້ການຊ່ວຍເຫລືອຜູ້ປະສົບໄພດັ່ງກ່າວແລ້ວ 200 ກວ່າລ້ານກີບ, ໃນນີ້ເປັນເງິນສົດ 47 ລ້ານກວ່າກີບ ແລະ ການນຳແຂວງ, ພ້ອມນັກທຸລະກິດ ກໍໄດ້ໃຫ້ການຊ່ວຍເຫລືອ 100 ກວ່າລ້ານກີບ, ຊາວຄ້າຂາຍ ແລະ ປະຊາຊົນ ພາຍໃນເມືອງ 100 ກວ່າລ້ານກີບ. ພ້ອມໄດ້ຊ່ວຍເຫລືອດ້ານອຸປະກອນ ແລະ ແຮງງານເພື່ອປຸກສ້າງ ແລະ ປົວແປງເຮືອນຊານທີ່ເປ່ເພເສຍຫາຍ ແລະ ໄດ້ສົ່ງວິຊາການລົງຊ່ວຍແນະນຳປະຊາຊົນຟື້ນຟູການຜະລິດເຊັ່ນ: ປູກສາລີ, ມັນຕົ້ນ ແລະ ພືດຕະກູນຖົ່ວ ແລະ ສືບຕໍ່ສ້ອມແປງເສັ້ນທາງໃຫ້ແຕ່ລະບ້ານສາມາດໄປມາຫາສູ່ກັນເປັນປົກກະຕິ.

error: Content is protected !!