ແມ່​ນ້ຳ​ຫລາຍ​ສາຍ​​ຍຶ່ງຂຶ້ນ​ກາຍ​ເຂດ​ລະວັງ​ໄພ​ແລ້ວ

- advert banner 728 90 728x90 - ແມ່​ນ້ຳ​ຫລາຍ​ສາຍ​​ຍຶ່ງຂຶ້ນ​ກາຍ​ເຂດ​ລະວັງ​ໄພ​ແລ້ວ

ເນື່ອງຈາກວ່າຝົນຍັງຈະສືບຕໍ່ຕົກ 1 ຫາ 2 ວັນຕໍ່ໜ້າ, ຊຶ່ງອາດເຮັດໃຫ້ລະດັບນໍ້າຂອງ ແລະ ສາຂາຂອງມັນ, ໂດຍສະເພາະເຂດເມືອງເກົ່າ (ນໍ້າຊັນ), ເມືອງມະຫາໄຊ (ນໍ້າເຊບັ້ງໄຟ), ເຂດຂົວເຊ (ນໍ້າເຊບັ້ງໄຟ), ເມືອງແກ້ງກອກ (ນໍ້າເຊຈຳ ພອນ) ໄດ້ຍຶ່ງຂຶ້ນກາຍເຂດລະວັງໄພ ​​ແລະ ອາດຈະ​ເຮັດ​ໃຫ້​ເກີດ​ນ້ຳ​ຖ້ວມ​ຢູ່​ຫລາຍ​ທ້ອງ​ຖິ່ນ. ຈາກ​ການ​ພະຍາກອນລະດັບ​ນ້ຳຂອງ ​ແລະ ນ້ຳ​ໄຫລ​ເຂົ້າ​ອ່າງ​ນ້ຳ​ງື່ມ​ໃນ​ວັນ​ທີ 8-9 ສິງຫານີ້, ຢູ່​ເຂດ​ເມືອງມະຫາ​ໄຊ (​ເຊ​ບັ້ງ​ໄຟ) ລະດັບ​ນ້ຳ​ໄດ້​ສູງ​ຂຶ້ນ 14,07-14,46 ​ແມັດ (​ເຂດ​ລະວັງ​ໄພ 14 ​ແມັດ ​ແລະ ​ເຂດ​ອັນຕະລາຍ 15 ​ແມັດ), ສ່ວນ​ຢູ່​​ຂົວ​ເຊ (ເຊ​ບັ້ງ​ໄຟ) ​ໄດ້​ສູງ​ຂຶ້ນ 19,22-19,26 ​ແມັດ (​ເຂດ​ລະວັງໄພ 17,50 ​ແມັດ ​ແລະ ​ເຂດ​ອັນຕະລາຍ 18,50 ​ແມັດ), ຂະນະ​ດຽວ​ກັນ, ຍັງ​ມີ​ຫລາຍ​ທ້ອງ​ຖິ່ນ​ຍັບ​ໃກ້​ເຂດ​ລະວັງ​ໄພ​ແລ້ວ​ ເປັນ​ຕົ້ນ: ​ແຂວງຫລວງ​ພະ​ບາງ ​ໄດ້ເພີ່ມຂຶ້ນ​ເປັນ 11,48-11,54 ​ແມັດ (​ເຂດ​ລະວັງ​ໄພ 17,50 ​ແມັດ ​ແລະ ​ເຂດ​ອັນ​ຕະລາຍ 18 ​ແມັດ), ວຽງ​ຈັນຫລັກ 4 (ນ້ຳຂອງ) ເພີ່ມຂຶ້ນ 5,62-6,56 ແມັດ (​ເຂດ​ລະວັງ​ໄພ 11,50 ​ແມັດ ​ແລະ ​ເຂດ​ອັນຕະລາຍ 12,50 ​ແມັດ), ປາກ​ຊັນ (ນ້ຳຂອງ) 10,14-10,20 ​ແມັດ (ເຂດ​ລະວັງ​ໄພ 13,50 ​ແລະ ​ເຂດ​ອັນຕະລາຍ 14,50 ​ແມັດ), ທ່າ​ແຂກ (ນ້ຳຂອງ) 11,12-11,21 ​ແມັດ (​ເຂດ​ລະວັງ​ໄພ 13 ​ແມັດ ​ແລະ ​ເຂດ​ອັນຕະລາຍ 14 ​ແມັດ), ສະຫວັນ​ນະ​ເຂດ (ນໍ້າຂອງ) 9,91-9,95 ​ແມັດ (ເຂດ​ລະວັງ​ໄພ 12 ​ແມັດ ​ແລະ ​ເຂດ​ອັນຕະລາຍ 13 ​ແມັດ), ປາກ​ເຊ (ນ້ຳຂອງ) 10,25-10,33 ແມັດ (​ເຂດ​ລະວັງ​ໄພ 11​ ​ແມັດ ​ແລະ ​ເຂດ​ອັນຕະລາຍ 12 ​ແມັດ), ເຂື່ອນນ້ຳ​ງື່ມ 205,55-205,74 ​ແມັດ (​ເຂດ​ລະວັງ​ໄພ 212 ​ແມັດ ​ແລະ ​ເຂດ​ອັນຕະລາຍ 212,31 ​ແມັດ). ດັ່ງນັ້ນ, ຈຶ່ງເຕືອນເຖິງປະຊາຊົນທີ່ອາ​ໃສ່​ຢູ່​ເຂດ​ດັ່ງກ່າວ ຈົ່ງສືບຕໍ່ກຽມພ້ອມຮັບມືຕໍ່ສະພາບຝົນຕົກໜັກ, ລົມພັດແຮງທີ່​ອາດ​ຈະເຮັດໃຫ້ມີນໍ້າຖ້ວມ ​ແລະ ດິນ​ເຈື່ອນທີ່ຈະເປັນອັນຕະລາຍຕໍ່ຊິວິດ, ຈົ່ງ​ພາກັນເກັບມຽ້ນວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ, ພ້ອມນີ້ກໍຂໍໃຫ້ຕິດຕາມຂ່າວອາກາດ ແລະ ລະດັບນໍ້າ​ໃຫ້ເປັນປະຈຳ.

ລະດັບນ້ຳຢູ່​ຫລາຍ​ທ້ອງ​ຖິ່ນ​​ສືບຕໍ່ເພີ່ມຂຶ້ນ

- Tiger Head 728x90 - ແມ່​ນ້ຳ​ຫລາຍ​ສາຍ​​ຍຶ່ງຂຶ້ນ​ກາຍ​ເຂດ​ລະວັງ​ໄພ​ແລ້ວ
- 1 1 - ແມ່​ນ້ຳ​ຫລາຍ​ສາຍ​​ຍຶ່ງຂຶ້ນ​ກາຍ​ເຂດ​ລະວັງ​ໄພ​ແລ້ວ
error: Content is protected !!