ການ​ສັນຈອນ​ເສັ້ນທາງ​ເລກ 8 ​ຍັງ​ຖືກ​ຕັດ​ຂາດ

- advert banner 728 90 728x90 - ການ​ສັນຈອນ​ເສັ້ນທາງ​ເລກ 8 ​ຍັງ​ຖືກ​ຕັດ​ຂາດ

ວັນ​ທີ 8 ສິງຫານີ້, ​ເວ​ບ​ໄຊກະຊວງ​ໂຍທາ​ທິການ ​ແລະ ​ຂົນ​ສົ່ງ ​ໄດ້​ອອກ​ແຈ້ງ​ເຕືອນ​ສະພາບ​ການ​ສັນຈອນ​ຕາມ​ເສັ້ນທາງ​ຫລວງ​ເລກ 8 ​ແຂວງບໍລິ​ຄຳ​ໄຊ ອອກ​ສູ່ ສສ.ຫວຽດນາມ ວ່າ: ປັດຈຸບັນ​ເຂດ​ເມືອງຄຳ​ເກີດ ​ແລະ ​ເມືອງຄູນ​ຄຳ​ແຂວງຄຳ​ມ່ວນ ​ໄດ້​ມີ​ຝົນຕົກໜັກຕິດຕໍ່ກັນ​ຫລາຍ​ວັນ, ຈຶ່ງ​ເຮັດ​ໃຫ້​ມີ​ນ້ຳ​ຖ້ວມ​ທາງ​ແຕ່​ໄລຍະ​ກິ​ໂລ​ແມັດ 75+800-79+700 ​ແລະ ສູງ​ສະ​ເລ່ຍ 1,40 ​ແມັດ, ​ເຮັດ​ໃຫ້​ລົດ​ບໍ່ສາມາດ​ສັນຈອນ​ຜ່ານ​ໄປມາ​ໄດ້, ພ້ອມ​ດຽວກັນ​ນັ້ນ​ກໍ​ມີ​ສະພາບ​ດິນ ເຈື່ອນລົງ​ມາ​ຖົມ​ທາງ​ແຕ່​ໄລຍະ​ກິ​ໂລ​ແມັດ 43+000-53+000 ​​ໄລຍະ 60+800-63+800 ​​ແລະ ​ໄລຍະ​ທາງ 82+000-83+000 ເຮັດ​ໃຫ້​ລົດ​ບໍ່ສາມາດ​ສັນຈອນ​ໄປມາ​ໄດ້, ຊຶ່ງ​ປັດຈຸບັນ​ທາງ​ພະ​ແນ​ກໂຍທາທິການ ແລະ ຂົນສົ່ງ ແຂວງບໍລິ​ຄຳ​ໄຊ, ຫ້ອງການໂຍທາທິການ ແລະ ຂົນສົ່ງ​ເມືອງ, ​ໂຄງການ​ສ້ອມ​ແປງ​ທາງ​ຫລວງ​ແຫ່ງ​ຊາດ​ ແລະ ບໍລິສັດ​ຮັບ​ເໝົາ​ໄດ້​ພ້ອມ​ກັນສຸມ​ໃສ່​ແກ້​ໄຂ​ຍົກຍ້າຍ​ດິນ​ເຈື່ອນ​ທັບ​ທາງ​ອອກ, ​ແຕ່​ຍັງ​ບໍ່ທັນ​ສາມາດ​ແກ້​ໄຂ​ໄດ້​ເຮັດ​ໃຫ້ການ​ສັນຈອນ​ຖືກ​ຕັດຂາດ, ຄາ​ດວ່າ​ປະມານ 2-3 ວັນຈຶ່ງ​ຈະສາມາດ​ສັນຈອນ​ໄປມາ​ໄດ້​. ດັ່ງ​ນັ້ນ​ຈຶ່ງ​ຮຽກຮ້ອງ​ໃຫ້​ຜູ້​ສັນຈອນ​ໄປມາຕາມ​ເສັ້ນທາງ​ມີ​ຄວາມ​ລະມັດລະວັງ​ເພື່ອ​ຄວາມ​ປອດ​ໄພ ​ແລະ ​ໃຫ້​​ເອົາ​ໃຈ​ໃສ່​ຕິດຕາມສະພາບ​ອາກາດ​ຈາກ​ກົມ​ອຸຕຸນິຍົມ ​ແລະ ສະພາບ​ເສັ້ນທາງ​ກ່ອນ​ທ່ານ​ຈະ​ອອກ​ເດີນທາງ​ທຸກ​ຄັ້ງ.

- 1 1 - ການ​ສັນຈອນ​ເສັ້ນທາງ​ເລກ 8 ​ຍັງ​ຖືກ​ຕັດ​ຂາດ
- lattana 1 - ການ​ສັນຈອນ​ເສັ້ນທາງ​ເລກ 8 ​ຍັງ​ຖືກ​ຕັດ​ຂາດ
error: Content is protected !!