ນໍ້າປ່າໄຫລຖ້ວມເທດສະບານເມືອງໄຊເສຍຫາຍໜັກໜ່ວງ

- advert banner 728 90 728x90 - ນໍ້າປ່າໄຫລຖ້ວມເທດສະບານເມືອງໄຊເສຍຫາຍໜັກໜ່ວງ

ຕາມການລາຍງານຈາກແຫລ່ງຂ່າວທ້ອງຖິ່ນໃຫ້ຮູ້ວ່າ: ພາຍຫລັງເກີດສະພາບ ຝົນຕົກໜັກຕິດຕໍ່ກັນຫລາຍວັນໃນເຂດພາກເໜືອ, ເຮັດໃຫ້ຫລາຍທ້ອງຖິ່ນໄດ້ຮັບຜົນກະທົບຈາກໄພນໍ້າຖ້ວມຢ່າງໜັກໜ່ວງ, ໂດຍສະເພາະໃນວັນທີ 4-5 ສິງຫານີ້, ສາຍນໍ້າກໍ, ນໍ້າມາວໄດ້ຍຶ່ງສູງຂຶ້ນສົມທົບກັບນໍ້າປ່າໄຫລຊຸເຂົ້າຖ້ວມເທດສະບານເມືອງໄຊແຂວງອຸດົມໄຊຢ່າງໄວວາ, ເຮັດໃຫ້ເຮືອນຊານປະຊາຊົນຢູ່ລຽບສາຍນໍ້າດັ່ງກ່າວຖືກນໍ້າຖ້ວມເສຍຫາຍຫລາຍຫລັງ, ເຊິ່ງຜ່ານການເກັບຂໍ້ມູນຄວາມເສຍຫາຍເບື້ອງຕົ້ນຂອງອໍານາດການປົກຄອງແຂວງພົບວ່າຢູ່ບ້ານຫ້ວຍຂຸມມີເຮືອນປະຊາຊົນຖືກນໍ້າພັດໄຫລໄປເກືອບ 10 ຫລັງ ແລະ ອີກ 30 ກວ່າຫລັງໄດ້ຮັບການເປ່ເພ. ນອກຈາກນີ້ຢູ່ບ້ານນາໝີມີເຮືອນປະຊາຊົນເປ່ເພເສຍຫາຍ 3 ຫລັງ, ບ້ານຖິ່ນ 15 ຫລັງ, ສ່ວນຢູ່ບ້ານທ້ຽວ ແລະ ບ້ານກອນແກ່ນມີເນື້ອທີ່ນາຖືກນໍ້າຖ້ວມຫລາຍກວ່າ 50 ເຮັກຕາ. ນອກຈາກນີ້ເສັ້ນທາງລະຫວ່າງບ້ານດອນແກ້ວຫາບ້ານບໍ່ ແມ່ນສາຍນໍ້າຫ້ວຍໄລໄດ້ຍຶ່ງຂຶ້ນໄຫລຖ້ວມຂົວເຮັດໃຫ້ບໍ່ສາມາດສັນຈອນໄປມາໄດ້, ສ່ວນຢູ່ໃນເທດສະບານແຂວງສາຍນໍ້າໄດ້ຍຶ່ງຖ້ວມຕະຫລາດລືໄຊ ແລະ ຮ້ານຄ້າຕ່າງໆເສຍຫາຍສົມຄວນ ແລະ ພາຍຫລັງເກີດສະພາບດັ່ງກ່າວຫລາຍພາກສ່ວນຂອງແຂວງກໍໄດ້ຮີບຮ້ອນລົງຕິດຕາມກວດກາຜົນເສຍຫາຍ ແລະ ຊ່ວຍເຫລືອແກ້ໄຂສຸກເສີນໃນວຽກງານເລັ່ງດ່ວນ, ໃນຂະນະດຽວກັນລັດວິສາຫະກິດໄຟຟ້າແຂວງອຸດົມໄຊ ໃຫ້ຮູ້ວ່າ: ໄພນໍ້າຖ້ວມຄັ້ງນີ້ເຫັນວ່າໜັກໜ່ວງສົມຄວນ, ອັນໄດ້ສ້າງຄວາມເສຍຫາຍໃຫ້ແກ່ວັດຖຸຊັບສີນຂອງສວນລວມ ແລະ ປະຊາຊົນຢ່າງຫລວງຫລາຍ, ໂດຍສະເພາະມີເສົາໄຟຟ້າຫລາຍກວ່າ 40 ຕົ້ນເສຍຫາຍ ແລະ ປັດຈຸບັນພວມເລັ່ງສ້ອມແປງຈຸດທີ່ໄດ້ຮັບຄວາມເສຍຫາຍເພື່ອໃຫ້ປະຊາຊົນໄດ້ມີໄຟຟ້າໃຊ້ເປັນປົກກະຕິໂດຍໄວ, ສ່ວນຂະແໜງກະສິກໍາ-ປ່າໄມ້ແຂວງ ໃຫ້ຮູ້ວ່າ: ໄພນໍ້າຖ້ວມຄັ້ງນີ້ໄດ້ເຮັດໃຫ້ຄອງເມືອງ ແລະ ຊົນລະປະທານໃນເທດສະບານແຂວງຫລາຍຈຸດເປ່ເພ, ພ້ອມມີໜອງປາຖືກນໍ້າຖ້ວມເສຍຫາຍທັງໝົດ 7 ໜອງ ແລະ ທົ່ງນາຖືກນໍ້າຖ້ວມເສຍຫາຍຫລາຍສີບເຮັກຕາ. ຂະນະທີ່ພະແນກໂຍທາທິການ ແລະ ຂົນສົ່ງແຂວງ ໃຫ້ຮູ້ວ່າ: ໄພທໍາມະຊາດທີ່ເກີດຂຶ້ນຄັ້ງນີ້ໄດ້ສ້າງຄວາມເສຍຫາຍໃຫ້ແກ່ໂຄງລ່າງພື້ນຖານຢ່າງໜັກໜ່ວງ, ໂດຍສະເພາະແມ່ນເສັ້ນທາງເລກ 13 ເໜືອ, ເສັ້ນທາງເລກ 2W ແຕ່ເມືອງໄຊຫາເມືອງແບງແມ່ນມີດິນເຈື່ອນຖົມ ແລະ ທາງຖືກຕັດຂາດຫລາຍຈຸດ ແລະ ບໍ່ສາມາດສັນຈອນໄປມາໄດ້, ຊຶ່ງປັດຈຸບັນພະແນກກ່ຽວຂ້ອງພວມຂຸ້ນຂຽວນໍາເອົາພາຫະນະກົນຈັກເຂົ້າແກ້ໄຂສ້ອມແປງສຸກເສີນເພື່ອໃຫ້ລົດສາມາດຜ່ານໄປມາໄດ້.

ກະຊວງແຮງງານລົງຊ່ວຍເຫລືອຜູ້ປະສົບໄພນ້ຳຖ້ວມຢູ່ເມືອງແກ່ນທ້າວເກືອບ 260 ລ້ານ ກີບ

- 1 1 - ນໍ້າປ່າໄຫລຖ້ວມເທດສະບານເມືອງໄຊເສຍຫາຍໜັກໜ່ວງ
- Tiger Head 728x90 - ນໍ້າປ່າໄຫລຖ້ວມເທດສະບານເມືອງໄຊເສຍຫາຍໜັກໜ່ວງ
error: Content is protected !!