ການດັດແປງພັນທຸກໍາຕົວອ່ອນມະນຸດ ເປັນເລື່ອງທີ່ຍອມຮັບໄດ້ ແຕ່ຍັງບໍ່ອະນຸດຍາດໃຫ້ກໍາເນີດເປັນມະນຸດ

- advert banner 728 90 728x90 - ການດັດແປງພັນທຸກໍາຕົວອ່ອນມະນຸດ ເປັນເລື່ອງທີ່ຍອມຮັບໄດ້ ແຕ່ຍັງບໍ່ອະນຸດຍາດໃຫ້ກໍາເນີດເປັນມະນຸດ

ເຕັກໂນໂລຊີດັດແປງພັນທຸກໍາຕົວອ່ອນຂອງມະນຸດ ອາດເຮັດໃຫ້ເກີດມະນຸດສາຍພັນໃຫມ່ທີ່ມີຄວາມສົມບູນພ້ອມ, ມີພູມຕ້ານທານທີ່​ດີ​ ແລ້ວຈະເກີດຫຍັງຂຶ້ນກັບມະນຸດສາຍພັນດັ່ງເດີມທີ່ຖືກກໍາເນີດຢ່າງເປັນທໍາມະຊາດ ? ສິ່ງນີ້ຈະເຮັດໃຫ້ເກີດຄວາມເຫລື້ອມລໍ້າທາງສັງຄົມ ຫຼືບໍ່ ? ຍັງມີບັນຫາອີກຫຼວງຫຼາຍທີ່ນັກວິທະຍາສາດຕ້ອງຕອບຄໍາຖາມກ່ອນທີ່ຈະໃຫ້ກໍາເນີດມະນຸດທີ່ຜ່ານການດັດແປງພັນທຸກໍາຂອງຕົວອ່ອນ.

ອົງກອນລະດັບນາໆຊາດຫຼາຍແຫ່ງທີ່ມີຄວາມຊ່ຽວຊານໃນເລື່ອງນີ້ ໄດ້ອອກຖະແຫຼງການຮ່ວມກັນ ໂດຍມີເນື້ອໃນວ່າ: “ການທົດລອງດັດແປງພັນທຸກໍາຂອງຕົວອ່ອນມະນຸດ ເພື່ອເຮັດໃຫ້ເດັກທີ່ເກີດມາບໍ່ມີຄວາມຜິດປົກກະຕິທາງດ້ານສຸຂະພາບ ເປັນເລື່ອງທີ່ສາມາດເຮັດໄດ້, ແຕ່ໃນເວລານີ້ ຕົວອ່ອນມະນຸດທີ່ຜ່ານການທົດລອງດັດແປງພັນທຸກໍາ ຍັງບໍ່ໄດ້ຮັບອະນຸຍາດໃຫ້ໄດ້ຮັບການກໍາເນີດມາເປັນມະນຸດ ເພາະວ່າຍັງມີຫຼາຍບັນຫາທີ່ເຮົາຍັງບໍ່ສາມາດຕອບຄໍາຖາມສັງຄົມໄດ້ ແລະ ຫຼາຍໆປະເທດທົ່ວໂລກຍັງຄົ້ນຫາວ່າ “ຈະເຮັດໃຫ້ເລື່ອງນີ້ຢ່າງຖືກຫຼັກຈະລິຍະທໍາໄດ້ແນວໃດ”.

​ເຊິ່ງຖະແຫຼງການນີ້ເກີດຂຶ້ນພຽງ 1 ວັນ ພາຍຫຼັງທີ່ມີຜົນວິໄຈອອກມາວ່າ: ນັກວິທະຍາສາດຂອງອາເມລິກາ ປະສົບຜົຍສໍາເລັດໃນການດັດແປງພັນທຸກໍາຂອງຕົວອ່ອນມະນຸດ ເພື່ອແກ້​ໄຂບັນຫາການກາຍພັນຂອງຢີນ ທີ່ເປັນສາເຫດຂອງການເກີດໂຣກກ່ຽວກັບຫົວໃຈ.  ແຕ່ແນວໃດກໍດີ ຕົວອ່ອນທີ່ຜ່ານການທົດລອງໄດ້ຖືກທໍາລາຍພາຍໃນ 2-3 ວັນຫຼັງຈາກທີ່ສໍາເລັດການທົດລອງ ໂດຍມີຂໍ້ມູນທີ່ໜ້າສົນໃຈຄື ໃນປະເທດສະຫະລັດອາເມລິກາ ມີນະໂຍບາຍທີ່ສັ່ງຫ້າມບໍ່ໃຫ້ໜ່ວຍງານສາທາລະນະສຸກແຫ່ງຊາດ ຫຼື  National Institutes of Health ໃຫ້ການສະໜັບສະໜູນທາງດ້ານເງິນທຶນແກ່ໜ່ວຍງານໃດໆ ທີ່ເຮັດການວິໄຈກ່ຽວກັບການດັດແປງພັນທຸກໍາຕົວອ່ອນຂອງມະນຸດ ແລະ ສະພາຄອງເກຣດຂອງສະຫະລັດອາເມລິກາ ກໍສັ່ງໜ່ວຍງານ  Food and Drug Administration ບໍ່ໃຫ້ການສະໜັບສະໜູນໃດໆ ກ່ຽວກັບເຕັກໂນໂລຊີນີ້.

-                                                                                                 2 - ການດັດແປງພັນທຸກໍາຕົວອ່ອນມະນຸດ ເປັນເລື່ອງທີ່ຍອມຮັບໄດ້ ແຕ່ຍັງບໍ່ອະນຸດຍາດໃຫ້ກໍາເນີດເປັນມະນຸດ

- Tiger Head 728x90 - ການດັດແປງພັນທຸກໍາຕົວອ່ອນມະນຸດ ເປັນເລື່ອງທີ່ຍອມຮັບໄດ້ ແຕ່ຍັງບໍ່ອະນຸດຍາດໃຫ້ກໍາເນີດເປັນມະນຸດ
- 1 1 - ການດັດແປງພັນທຸກໍາຕົວອ່ອນມະນຸດ ເປັນເລື່ອງທີ່ຍອມຮັບໄດ້ ແຕ່ຍັງບໍ່ອະນຸດຍາດໃຫ້ກໍາເນີດເປັນມະນຸດ

            ​ເຊິ່ງເຄື່ອງມືດັດແປງພັນທຸກໍາເຊັ່ນ:  CRISPR (Clustered regularly interspaced short palindromic repeats) ນັ້ນສາມາດນໍາປະຍຸກໃຊ້ໄດ້ຢ່າງໄຮ້ຂີດຈໍາກັດ ມັນສາມາດແກ້ໄຂ້ DNA ຂອງມະນຸດໄດ້ຢ່າງແມ້ນຢໍາ ແລະ ເຮົາສາມາດປິ່ນປົວພະຍາດທີ່ບໍ່ເຄີຍມີຫົນທາງປິ່ນປົວມາກ່ອນໄດ້ ເຊັ່ນນັກວິທະຍາສາດໃນປະເທດຈີນ ສາມາດໃຊ້ເຕັກໂນໂລຊີນີ້ ເພື່ອຊ່ວຍຜູ້ທີ່ປ່ວຍເປັນມະເຮັງປອດ ແລະ ໃນອະນາຄົດ ເຮົາອາດສາມາດສ້າງຕົວອ່ອນຂອງມະນຸດສາຍພັນໃຫມ່ ທີ່ມີພູມຕ້ານທານໂຣກເອດ ລວມເຖິງການດັດແປງເພື່ອທໍາລາຍຢີນທີ່ສົ່ງຜົນເຮັດໃຫ້ມະນຸດເປັນພະຍາດ​ເລືອດຈາງ.

ເມື່ອມີດ້ານບວກກໍຕ້ອງມີດ້ານລົບ ​ເຊິ່ງການດັດແປງພັນທຸກໍາຂອງຕົວອ່ອນມະນຸດ ອາດເຮັດໃຫ້ເກີດສິ່ງທີ່ເອີ້ນວ່າ “ບໍລິການຮັບອອກແບບລູກ” ທີ່ພໍ່ແມ່ສາມາດກໍານົດລັກສະນະຂອງລູກທີ່ຈະເກີດມາໄດ້ເຊັ່ນ: ສີຜົມ, ສີຂອງດວງຕາ ​ເຊິ່ງສິ່ງນີ້ອາດນໍາໄປສູ່ການພັດທະນາພັນທຸກໍາຂອງມະນຸດໃຫ້ດີຂຶ້ນເລື້ອຍໆ (ແບບບໍ່ເປັນທໍາະຊາດ) ຫຼື ເອີ້ນວ່າ  Eugenics programs ມັນອາດເຮັດໃຫ້ມະນຸດທີ່ໄດ້ຮັບການກໍາເນີດໂດຍທໍາມະຊາດ ເບິ່ງດ້ອຍກວ່າມະນຸດທີ່ໄດ້ຮັບການດັດແປງພັນທຸກໍາໃຫ້ມີລັກສະນະທີ່ສົມບູນພ້ອມ ​ເຊິ່ງແນ່ນອນວ່າເຮັດໃຫ້ເກີດຄວາມເຫລື່ອມລໍ້າໃນລະດັບສັງຄົມຢ່າງແນ່ນອນ ແລະ ດ້ວຍຄວາມທີ່ດັດແປງພັນທຸກໍາມີລາຄາແພງ ເຮັດໃຫ້ສະເພາະຄົນລວຍເທົ່ານັ້ນທີ່ສາມາດເຂົ້າເຖິງ ແລະ ສາມາດອອກແບບລູກໄດ້ຕາມຕ້ອງການ ມັນເປັນບັນຫາທີ່ອ່ອນໄຫວທາງສິລະກໍາຢ່າງໜັກ ຈົນເຖິງຂະໜາດທີ່ອາດເຮັດໃຫ້ເກີດຄວາມວຸ້ນວາຍ ຫຼື ການແບ່ງຊົນຊັ້ນທາງສັງຄົມໃນໂລກຍຸກອະນາຄົດ.

error: Content is protected !!