ຫວຽດນາມກັງວົນຈຳນວນລົດຕັກຊີ ເພີ່ມຂຶ້ນເກີນຄວາມຕ້ອງການຜູ້ໂດຍສານ

- advert banner 728 90 728x90 - ຫວຽດນາມກັງວົນຈຳນວນລົດຕັກຊີ ເພີ່ມຂຶ້ນເກີນຄວາມຕ້ອງການຜູ້ໂດຍສານ

​ເຈົ້າໜ້າ​ທີ່​ຫວຽດນາມ​ຄາດ​ວ່າ: ຈຳນວນ​ລົດ​ຕັກ​ຊີ​ໃນ​ນະຄອນ​ໂຮ່ຈີ​ມິ​ງຈະ​ເພີ່ມ​ຂຶ້ນ​ເກີນ​ກວ່າ​ຈຳນວນ​ທີ່​ຄາດ​ຄະ​ເນ​ໄວ້ ​ແລະ ຫລາຍ​ກວ່າ​ຄວາມ​ຕ້ອງການ​ຂອງ​ຜູ້​ໃຊ້​ບໍລິການ ​ເຊິ່ງຈະ​ເຮັດ​ໃຫ້​ເກີດ​ສະພາບແອ​ອັດ, ສິ້ນ​ເປືອງ ​ແລະ ມົນ​ລະ​ພິດ​ທາງ​ສິ່ງ​ແວດ​ລ້ອມ.

- new3 - ຫວຽດນາມກັງວົນຈຳນວນລົດຕັກຊີ ເພີ່ມຂຶ້ນເກີນຄວາມຕ້ອງການຜູ້ໂດຍສານ

ສຳນັກງານ​ການ​ຂົນ​ສົ່ງນະຄອນ​ໂຮ່ຈີ​ມິ​ງລະບຸ​ວ່າ: ປັດຈຸບັນ​ມີ​ລົດ​ຕັກ​ຊີ​ໃນ​ນະຄອນ​ໂຮ່ຈີ​ມິ​ງທັງ​ໝົດ 10.700 ຄັນ ​ເພີ່ມ​ຂຶ້ນ 12,6% ​ເກີນ​ກວ່າ​ຄາດ​ຄະ​ເນ​ໄວ້​​ໃນ​ປີ 2000-2015. ​ເຖິງ​ຢ່າງ​ໃດ​ກໍ​ຕາມ, ຜູ້​ປະກອບ​ການ​ລົດ​ຕັກ​ຊີ​ທັງ 36 ລາຍ​ວາງ​ແຜນ​ຈະ​ປ່ອຍ​ລົດ​ອອກ​ມາ​ຫລາຍ​ຂຶ້ນ​ໃນ​ປີໜ້າ ​ເຊິ່ງຈະ​ເກີນ​ປະລິມານ​ຄວາມ​ຕ້ອງການ. ຖະໜົນ​ໃນ​ນະຄອນ​ໂຮ່ຈີ​ມິ​ງມີ​ໄລຍະ​ທາງ​ຍາວ 4.100 ກິ​ໂລ​ແມັດ ພຽງ 41% ຂອງ​ຖະໜົນ​ມີ​ຄວາມ​ກວ້າງ​ກວ່າ 7 ​ແມັດ ​ແລະ ອີກ 51% ບໍ່​ມີ​ການ​ປູ​ພື້ນຖະໜົນ ຫລື ມີ​ຄວາມ​ກວ້າງ​ໜ້ອຍ​ກວ່າ 1 ​ແມັດ.

ຂະນະ​ທີ່​ນະຄອນຫລວງ​ຮ່າ​ໂນ້ຍ ມີ​ລົດ​ຕັກ​ຊີ​ປະມານ 17.400 ຄັນ, ​ແຕ່​ມີ​ບ່ອນ​ຈອດ​ລົດ​ສຳລັບ​ຕັກ​ຊີ​ໂດຍ​ສະ​ເພາະ​ພຽງ 200 ຄັນ. ຂະນະ​ດຽວ​ກັນ​ຄົນ​ຂັບ​ລົດ​ຕັກ​ຊີ​ບໍ່ພໍ​ໃຈ​ຄູ່​ແຂ່ງ​ຄື ອູ​ເບີ ຫລື ​ແກຣັບ ທີ່​ມາຍາ​ດລູກ​ຄ້າ. ຄົນ​ຂັບ​ລົດ​ຕັກ​ຊີ​ຂັບ​ລົດ​ເປັນ​ໄລຍະ​ທາງ​ປະມານ​ວັນ​ລະ 200 ກິ​ໂລ​ແມັດ ​ໂດຍ​ເຄິ່ງໜຶ່ງ​ຂອງ​ໄລຍະ​ທາງ​ໃຊ້​ຂັບ​ຊອກ​ຫາ​ຜູ້​ໂດຍສານ ​ເຊິ່ງ​ເປືອງ​ນ້ຳມັນ​ຄິດ​ເປັນ​ມູນ​ຄ່າວັນ​ລະຫລາຍ​ລ້ານ​ກີບ.

- lattana 1 - ຫວຽດນາມກັງວົນຈຳນວນລົດຕັກຊີ ເພີ່ມຂຶ້ນເກີນຄວາມຕ້ອງການຜູ້ໂດຍສານ

ທ່ານ ຫວຽນ​ບາ​ຮວງ ຮອງ​ອະທິການ​ບໍດີ​ມະຫາວິທະຍາ​ໄລ Transport ​ໃນ​ໂຮ່ຈີ​ມິ​ງ ​ແນະນຳ​ໃຫ້​ຮວບ​ຮວມຂໍ້​ມູນ​ພາຫະນະ​ການ​ເດີນທາງ​ພາຍ​ໃນ​ເມືອງ ​ເພື່ອ​ນຳ​ມາຕີ​ລາຄາ​ແກ້​ໄຂ​ບັນຫາ​ລົດ​ຕິດ​ໃນ​ເມືອງ ​ແລະ ກ່າວ​ວ່າ: ຫວຽດນາມ​ຄວນ​ນຳ​ແບບຢ່າງ​ປະ​ເທດ​ທີ່​ພັດທະນາ​ແລ້ວ​ມາ​ໃຊ້​ເຊັ່ນ: ການ​ອະນຸຍາດ​ໃຫ້​ລົດ​ເຂົ້າຕົວ​ເມືອງ​ຊັ້ນ​ໃນ​ໄດ້​ເມື່ອ​ມີ​ຜູ້​ໂດຍສານ 2-3 ຄົນຂຶ້ນ​ໄປ. ທ່ານ ດຣ. ​ໂງ ຫວຽດນາມ ຊອນ ຜູ້​ຊ່ຽວຊານ​ດ້ານ​ໂຄງ​ສ້າງ​ພື້ນຖານ​ດ້ານ​ການ​ຂົນ​ສົ່ງ​ໃນ​ເຂດ​ເມືອງ ​ແນະນຳ​ໃຫ້​ລັດຖະບານ​ສ້າງ​ຫົນທາງ​ເລນ​ພິ​ເສດ​ສຳລັບ​ລົດ​ເມ ຫລື ລົດ​ຂົນ​ສົ່ງ​ສາທາລະນະ ​ແລະ ລົດ​ສ່ວນ​ຕົວ, ​ແຕ່​ຈະ​ຕ້ອງ​ມີ​ຜູ້​ໂດຍສານ​ຕາມ​ຈຳນວນ​ທີ່​ຮອງ​ຮັບ​ໄດ້. ທ່ານ​ບອກ​ວ່າ: ຄົນ​ຂັບ​ລົດ​ຕັກ​ຊີ​ຄວນ​ໃຊ້​ແອບ​ໃນ​ມື​ຖື​ເປັນ​ຕົວ​ຊ່ວຍ ​ເພື່ອ​ຫາ​ຜູ້​ໂດຍສານ, ຫລຸດ​ບັນຫາ​ການ​ຈະລາ​ຈອນ​ຕິດ​ຂັດ ​ແລະ ກະ​ຕຸ້ນ​ການ​ແຂ່ງຂັນ​ລະຫວ່າງ​ກັນ.

error: Content is protected !!