ຂໍໃຫ້ເບື້ອງມະຫາພາກເບິ່ງຄືນ ເລື່ອງເລກເລື່ອງຫວຍບ້ານເຮົາ

- advert banner 728 90 728x90 - ຂໍໃຫ້ເບື້ອງມະຫາພາກເບິ່ງຄືນ ເລື່ອງເລກເລື່ອງຫວຍບ້ານເຮົາ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ​ໃນ​ຄວາມ​ຈິງ​ພວກ​ເຮົາ​ກໍ​ໄດ້​ເວົ້າກັນ​ຫລາຍ​ແລ້ວ​ໃນ​ເລື່ອງ​ເລກ​ເລື່ອງ​ຫວຍ​ຢູ່​ບ້ານ​ເຮົາ​ເມືອງ​ເຮົາ ​ແລະ ກໍ​ໄດ້​ຊີ້​ແຈງ​ເຖິງ​ອັນ​ດີ ​ແລະ ອັນ​ບໍ່​ດີ​ຂອງ​ມັນ​ກໍ​ມີ​ຫລາຍ, ​ແຕ່​ໃນ​ຕົວ​ຈິງ​ກໍ​ບໍ່​ເຫັນ​ມີ​ການ​ຜ່ອນຜັນ ​ແລະ ປັບປຸງ​ມັນ​ໄດ້​ແນວ​ໃດ ​ແລະ ຮ້າຍ​ແຮງ​ໄປ​ກວ່າ​ນັ້ນ ​ໃນ​ປັດຈຸບັນ​ຄື​ວ່າ​ນັບ​ມື້ນັບ​ອອກ​ຖີ່​ຂຶ້ນມາຕິກໆ, ມີ​ທັງ​ເລກ 2 ​ໂຕ 3 ​ໂຕ, ການ​ພະນັນ​ບານ​ຫວຍ​ອອນ​ລາຍ ​ແລະ ຫວຍ​ຂູດ​ຕ່າງໆ​ກໍ​ເກີດ​ຂຶ້ນນັບ​ບໍ່​ຖ້ວນ ຈົນ​ຜູ້​ເຄີຍ​ຫລິ້ນ​ເລກ​ຫລິ້ນ​ເບີ​ກໍ​ຕ້ອງ​ຍອມ​ແພ້ ​ເພາະ​ມີ​ອັນ​ໃດ​ກໍ​ຂາຍ​ໄປ​ໝົດ​ແລ້ວ ​ເພື່ອ​ມາ​ຊື້​ເລກ​ຊື້ຫວຍ​ດັ່ງກ່າວ ​ແລະ ປັດຈຸບັນ​ນີ້ ພັດ​ມີ​ການ​ພະນັນ​ແບບ​ໃໝ່​ເກີດ​ຂຶ້ນຕື່ມ​ອີກ ​ເພື່ອ​ຊັກ​ຊວນ​ນັກຮຽນ, ຊາວ​ໜຸ່ມ​ເຍົາວະ​ຊົນ​ເຂົ້າຫລິ້ນການ​ພະນັນ​ຜ່ານ​ທາງ​ອອນ​ລາຍ​ອິນ​ເຕີ​ເນັດ​ຢູ່​ຕາມ​ຮ້ານ​ເກ​ມຕ່າງໆ, ມີ​ນັກຮຽນ​ບາງ​ຄົນ​ຈົນ​ໄດ້​ປະລະ​ການ​ສຶກສາ​ຮໍ່າຮຽນ​ຂອງ​ຕົນ ພ້ອມ​ມາ​ເກ​ເລ​ກັບ​ການ​ຫລິ້ນ​ເລກ​ຫລິ້ນ​ເບີ ກ້າວ​ໄປ​ຕິດ​ໄພ​ສັງຄົມ ​ແລະ ຢາ​ເສບ​ຕິດ​ອື່ນໆ​ເກີດ​ຂຶ້ນ ອັນ​ເປັນ​ໄພ​ຄຸກ​ຄາມ​ບໍ່​ໜ້ອຍ​ຕໍ່​ສັງຄົມ​ເຮົາ​ໃນ​ປັດຈຸບັນ ​ໂດຍ​ສະ​ເພາະ​ມາ​ແຮງ​ແມ່ນ​ຫວຍ​ຂູດ ​ໄປ​ໃສ​ມາ​ໃສ, ຕະຫລາດ​ໃຫຍ່ ຫລື ນ້ອຍ​ກໍ​ໄດ້​ຍິນ​ແຕ່​ຄົນ​ໂສ​ເຫລກັນ​ເລື່ອງ​ຫວຍ​ຂູດ, ມີ​ເງິນ​ກີບ​ໃດ​ກໍ​ຊື້ຫວຍ​ຂູດ​ເພື່ອ​ຫວັງ​ຜົນ​ຕອບ​ແທນ​ອັນ​ມືດ​ມົນ. ດັ່ງນັ້ນ ​ໃນ​ບົດ​ຂຽນ​ນີ້​ໃນ​ນາມ​ສື່​ມວນ​ຊົນ​ຜູ້​ໜຶ່ງ​ກໍ​ຂໍ​ຮຽກຮ້ອງ​ໃຫ້​ຝ່າຍ​ມະຫາ​ພາກ​ເບິ່ງ​ຄືນ​ວ່າ: ຫວຍ ຫລື ​ເລກ​ອັນ​ໃດ​ຄວນ​ສົ່ງ​ເສີມ ​ແລະ ອັນ​ໃດ​ຄວນ​ຫ້າມ ​ແລະ ສະກັດ​ກັ້ນ ກໍ​ຂໍ​ໃຫ້​ເຂັ້ມງວດ, ຖ້າ​ບໍ່​ບ້ານ​ເມືອງ​ເຮົາ​ກໍ​ຍັງ​ຈະ​ມີ​ອັນ​ຫຍຸ້ງຍາກ ​ເພາະ​ຜົນ​ໄດ້​ຈາກ​ເລກ​ຈາກ​ເບີ​ດັ່ງກ່າວ​ບາງທີ​ກໍ​ອາດ​ຈະ​ບໍ່​ທໍ່​ຜົນ​ເສຍ​ກໍ​ເປັນ​ໄດ້.

- new3 - ຂໍໃຫ້ເບື້ອງມະຫາພາກເບິ່ງຄືນ ເລື່ອງເລກເລື່ອງຫວຍບ້ານເຮົາ
- lattana 1 - ຂໍໃຫ້ເບື້ອງມະຫາພາກເບິ່ງຄືນ ເລື່ອງເລກເລື່ອງຫວຍບ້ານເຮົາ
error: Content is protected !!