ພະລັງປັນຍາແມ່ນຊັບສິນ ອັນປະເສີດຂອງຊາດ

ພະລັງປັນຍາແມ່ນຊັບສິນ ອັນປະເສີດຂອງຊາດ - advert banner 728 90 728x90 - ພະລັງປັນຍາແມ່ນຊັບສິນ ອັນປະເສີດຂອງຊາດ

ໂດຍ: ກ້ອງສ່ອງ ອິດສະຫລະ

ພະລັງປັນຍາແມ່ນຊັບສິນ ອັນປະເສີດຂອງຊາດ - new3 - ພະລັງປັນຍາແມ່ນຊັບສິນ ອັນປະເສີດຂອງຊາດ

ກ່ອນ​ອື່ນ​ພວກ​ເຮົາ​ໃນ​ນາມ​ຄົນ​ສື່​ຕ້ອງ​ຂໍ​ຊົມ​ເຊີຍ​ຜົນ​ສໍາ​ເລັດ​ໃນ​ບັ້ນ​ສອບ​ເສັງ ມ.4 ​ແລະ ມ.7 ໃນຂອບເຂດທົ່ວປະເທດ​ ກໍ​ຄື​ຂ​ະ​ແໜງ​ການ​ສຶກສາ​ທີ່​ໄດ້​ພ້ອມ​ກັນ​ເອົາ​ໃຈ​ໃສ່ ​ແລະ ​ມີ​ຄວາມ​ຮັບຜິດຊອບ​ໃນ​ສະໝາ​ມຮົບ​ຄັ້ງ​ນີ້​ໃຫ້​ຜ່ານ​ພົ້ນ​ໄປ​ໂດຍ​ດີ ແລະ ​ບໍ່​ມີ​ປາ ກົດ​ການ​ຫຍໍ້​ທໍ້​ອັນ​ໃດ​ທີ່​ພົວພັນ​ເຖິງ​ຄວາມ​ບໍ່​ສະຫງົບ​ ແລະ ​ຄວາມ​ບໍ່​ໂປ່​ງ​ໃສ​ເກີດ​ຂຶ້ນ​.

ຕາມຜູ້​ຂຽນ​ເຫັນແຫລ່ງ​ຂ່າວ​ອອກ​ມາ​ວ່າ: ຜົນ​ການ​ສອບ​ເສັງ​ຊັ້ນ ມ.7 ຂອງ​ນະຄອນຫລວງ​ວຽງ​ຈັນ​ເຮົາ​ໃນສົກປີ 2016-2017 ນີ້ມີ​ນັກຮຽນ​​ເສັງ​ໄດ້​ຄະ​ແນນ 7 ທຸກ​ວິຊາ 317 ​ຄົນ ​ເທົ່າ​ກັບ 3,17%. ສ່ວນ ມ.4 ມີ 132 ຄົນ​ ເທົ່າ​ກັບ 1,17% ຂອງຈໍານວນນັກຮຽນທັງ ໝົດ ແລະ ສົກ​ສຶກສາ​ປີ​ນີ້ ທົ່ວ​ນະຄອນຫລວງ​​ມີ​ນັກ​ສອບ​ເສັງ​ຈົບ ມ.4 ຈໍານວນ 11.276 ຄົນ, ມີ 6 ວິຊາ​ສອບ​ເສັງ​ຄື: ຄະນິດສາດ, ພາສາ​ລາວ-ວັນນະຄະດີ, ວິທະຍາສາດ​ທໍາ​ມະ​ຊາດ, ວິທະຍາສາດ​ສັງຄົມ, ສຶກສາ​ພົນລະ​ເມືອງ ​ແລະ ​ພາສາ​ອັງກິດ, ມີ​ນັກຮຽນ​ເສັງ​ໄດ້​ສົມບູນ​ຄະ​ແນນ 5 ຂຶ້ນ​ໄປ​ທຸກ​ວິຊາ 5.988 ຄົນ, ຍິງ 3.117 ຄົນ ​ເທົ່າ​ກັບ 53,10%. ສໍາລັບ​ນັກຮຽນ​ຊັ້ນ ມ.7 ມີ​ນັກຮຽນ​ທັງ​ໝົດ 10.016 ຄົນ, ຍິງ 5.026 ຄົນ ສອບ​ເສັງ 4 ວິຊາ​​ຄື: ຄະນິດສາດ, ຟີ​ຊິກ​ສາດ, ພາ​ສາລາວ-ວັນນະຄະດີ ​ແລະ ​ປະຫວັດສາດ, ນັກຮຽນ​ເສັງ​ໄດ້​ສົມບູນ​ຄະ​ແນນ 5 ທຸກ​ວິຊາມີ 6.519 ຄົນ, ຍິງ 3.214 ຄົນ ​ເທົ່າ​ກັບ 65,49% ແລະ ມີ​ໂຮງຮຽນ​​ເສັງໄດ້ 100% ຈຳນວນ 64 ​​ແຫ່ງ.

ນີ້​ຄື​ຜົນສໍາ​ເລັດ​ຢ່າງ​​ເປັນ​ຮູບ​ປະ​ທໍາ ​​ແລະ ​ເປັນສິ້ນ​ເປັນອັນ​ຂອງ​ເຫລົ່າພະນັກງານ​ບໍລິຫານ​ການ​ສຶກສາ ​ແລະ ​ຄູ​ອາຈານ ຕະຫລອດຮອດ​ພວກ​ນ້ອງ​ນັກຮຽນ​ສາຍ​ສາມັນ ​ໂດຍ​ສະ​ເພາະ​ແມ່ນ ມ.4 ແລະ ມ.7 ຢູ່​ນະຄອນຫລວງ​ວຽງ​ຈັນ​ພວກ​ເຮົາ ​ແລະ ຄື​ດັ່ງ​ຮູ້​ນໍາ​ກັນ​ແລ້ວ​ວ່າ, ​ພະລັງ​ສະຕິ​ປັນຍາ​ຂອງ​ຄົນ​ຮຸ້ນ​ໜຸ່ມ​ແມ່ນ​ຊັບ​ສິນ​ອັນ​ປະ​ເສີດ​ຂອງ​ຊາດ ຍ້ອນ​ວ່າການ​ສ້າງ​ຊັບພະຍາກອນ​ມະນຸດ​ແມ່ນ​ໜຶ່ງ​ໃນ 4 ບຸກທະລຸ​ທີ່​ມະຕິ 9 ຂອງ​ພັກ​ໄດ້​ວາງ​ອອກ. ປະ​ເທດ​ຊາດ​ຈະ​ກ້າວໜ້າ ​ແລະ ​ພັດທະນາ​ໄປ​ຕາມ​ຍຸກ​ສະ​ໄໝ​ ກໍ​ຕ້ອງ​ໄດ້​ອາ​ໄສ​ຄົນ​ຜູ້ມີ​ຄວາມ​ຮູ້, ຄວາມ​ສາມາດ ​ແລະ​ ຄຸນສົມບັດ​ ດັ່ງ​ຄໍາ​ສຸພາສິດ​ເພິ່ນ​ວ່າ: “ເດັກ​ໃນ​ວັນ​ນີ້ກໍ​ຄື​ຜູ້​ໃຫຍ່​ໃນ​ວັນ​ໜ້າ” ເມື່ອປະ​ເທດ​ຊາດ​ເຕັມ​ໄປ​ດ້ວຍ​ຄົນ​ມີ​​ແນວ​ຄິດ​ປັນຍາ​ດີ ​ກໍ​ຍ່ອມ​ສ້າງສາ​ພັດທະນາປະ​ເທດ​​ໄປ​ຕາມ​ເສັ້ນທາງອັນ​ສະຫງ່າ​ງາມ​ແຫ່ງ​ຍຸກ​ສະ​ໄໝ. ຕໍ່​ຕົວ​ເລກທີ່​ໄດ້​ຍົກ​ຂຶ້ນ​ມາ​​ເວົ້າ​ສູ່​​ຟັງ​ນີ້​ແມ່ນ​ສະ​ເພາະ​ແຕ່​ຂອງ​ນະຄອນຫລວງ​ເທົ່ານັ້ນ, ແຕ່​ຖ້າວ່າ​ພວກເຮົາ​ບວກ​ລົບ​ຄູນ​ຫານ​​ຕື່ມ​ເຂົ້າ​ໃນ​ທົ່ວ​ປະ​ເທດ ກໍ​ຈະ​ມີຫລາຍ​ໝື່ນ

ຫລາຍ​ແສນ​ຄົນ​ທີ່​ມີ​ຜົນ​ສໍາ​ເລັດ​ໃນ​ດ້ານ​ການ​ສຶກສາ​ຮໍ່າຮຽນ​ຂອງ​ຕົນສໍາລັບ​ສົກ​ຮຽນປີ​ນີ້. ດັ່ງ​ຄໍາ​ຄິດ​ຄໍາ​ເຫັນ​ຂອງ​ຄະນະ​ຮັບຜິດ ຊອບ​ບັ້ນ​ສອບ​ເສັງ​ຂັ້ນ​ເມືອງ​ຂັ້ນ​ແຂວງ​ກ່ອນ​ຮອດ​ມື້​ສອບ​ເສັງໃຜ​ກໍ​​ໄດ້ວາງ​ຄາດໝາຍຕໍ່າ​ສຸດ​ຕ້ອງ​ໃຫ້​ໄດ້ 90% ຂຶ້ນ​ໄປ. ສ່ວນວ່າ​ຜົນ​ອອກ​ມາ​ໃນ​ທົ່ວ​ປະ​ເທດ​ມີ​ເທົ່າ​ໃດ​ນັ້ນ, ຜູ້​ຂຽນ​ຈະ​ໄດ້​ເອົາ​ມາ​ລາຍ​ງານ​ສູ່​ທ່ານ​ຟັງ​​ໃນ​ຂັ້ນ​ຕໍ່​ໄປ.

ພະລັງປັນຍາແມ່ນຊັບສິນ ອັນປະເສີດຂອງຊາດ - lattana 1 - ພະລັງປັນຍາແມ່ນຊັບສິນ ອັນປະເສີດຂອງຊາດ

ເຖິງ​ຢ່າງ​ໃດ​ກໍ​ດີ, ຕາມ​ເຮົາ​ວ່າ​ສິ່ງ​ທີ່​ໜ້າ​ເປັນ​ຫ່ວງ​ນັ້ນ​ກໍ​ຄື​ຜູ້​ທີ່​ຈົບ​ ມ.7 ​ໄປ​ແລ້ວ​ຈະ​ເຊື່ອມ​ຕໍ່​ເຂົ້າ​ມະຫາວິທະຍາ​ໄລ​ນັ້ນ​ມັນ​ເປັນ​ບັນຫາ​ອັນ​ຫຍຸ້ງຍາກ ຍ້ອນ​ວ່າ​​ແຜນ​ການ​ຮັບ​ເອົາ​ນັກ​ສຶກສາ​ເຂົ້າ​ຮຽນ​ນັ້ນມັນ​ໜ້ອຍ. ຕົວຢ່າງ​ໃນ​ສົກຮຽນ​ປີ 2017-2018 ທາງ​ມະຫາວິທະຍາ​ໄລ​ແຫ່ງ​ຊາດ​ເພິ່ນ​ຈະ​ຮັບ​ເອົາ​ພຽງ 6.000 ຄົນ​ເທົ່າ​ນັ້ນ, ​ແຕ່​ກົງກັນຂ້າມ​ພັດມີ​ຜູ້​ສະໝັກ​ເຂົ້າ​ສອບ​ເສັງ​ເຖິງ 18.000 ຄົນ​ ຖື​ວ່າ​ມີ​ຈໍານວນ 3 ​ເທົ່າຕົວ​ຂອງ​ຈໍານວນ​ທີ່​ຈະ​ຮັບ​ເຂົ້າຕົວ​ຈິງ. ນີ້​ກໍໝາຍ​​ວ່າ​ຕົວ​ເລກ​ຜູ້​ທີ່​ເສັງ​ຕົກ ຫລື​ວ່າ ​ຜູ້​ທີ່​ເຫລືອ​ຈາກ​ແຜນ​ຮັບ​ຕົວ​ຈິງມີ​​ເຖິງ 12.000 ຄົນ. ​ເມື່ອ​ຕັ້ງ​ຄໍາ​ຖາມ​ວ່າ​ສ່ວນ​ທີ່​ເຫລືອ​ນີ້​ຈະ​ພາກັນ​ໄປ​ໃສ ?​ ແນ່ນອນ​​ຕ້ອງ​ຫັນ​ໄປ​ເຊື່ອມ​ຕໍ່​ຮຽນ​ຢູ່​ວິທະຍາ​ໄລ​, ຕາມ​ໂຮງ​ຮຽນ​ວິຊາ​ຊີບ​ຕ່າງໆ​ທີ່​ມີ​ຢູ່​ໃນ​ທົ່ວ​ປະ​ເທດ.

​ໃນ​ຄວາມ​ເປັນ​ຈິງ​ແລ້ວ, ຕ້ອງ​ຍອມຮັບ​ວ່າ​ນັບ​ແຕ່​ພັກ​ ແລະ ​ລັດຖະບານ​ເຮົາ​ໄດ້​ມີ​ໂຄງການ​ປັບປຸງຄຸນນະພາບ​ການ​ສຶກສາ ກໍ​ຄື​ປັບປຸງລະບົບ​ການ​ຮຽນ-​ການ​ສອນຂອງ​ຄູ-ອາຈານ​ ແລະ ​ນັກຮຽນ​-ນັກ​ສຶກສາ ກໍ​ເຫັນ​ວ່າທາງ​ດ້ານ​ປະລິມານ​ແລະ ​ຄຸນ​ນະພາ​ບຂອງ​ນັກ-ຮຽນ​ນັກ​ສຶກສາແມ່ນ​ໄດ້​ເພີ່ມຂຶ້ນ ທັງ​ມີ​ການ​ປ່ຽນ​ແປງ​ທີ່​ຕັ້ງໜ້າ​ຢ່າງ​ເຫັນ​​ໄດ້ຈະ​ແຈ້ງ, ສິ່ງ​ທີ່​ສະ​ແດງ​ອອກ​ໃຫ້​ເຫັນ​ປະຈັກ​ຕາ​ນັ້ນ​​ແມ່ນ​ໃນເວລາ​ເຂົ້າ​ຮ່ວມ​ແຂ່ງຂັນ​​ຄວາມ​ຮູ້​ຄວາມ​ສາມາດຢູ່​ໃນ​ລະດັບພາກ​ພື້ນ ​ແລະ ​ສາກົນ​ ກໍ​ສາມາດ​ຍາດ​ໄດ້​ອັນ​ດັບ​ດີ​ໃນ ຫລາຍ​ສາຂາ​ວິຊາ. ນີ້​ຄື​ປັດ​​ໄຈ​ອັນ​ໃໝ່​ ແລະ​ໝາກຜົນ​ຂອງ​ການ​ສ້າງ​ຊັບພະຍາກອນ​ມະນຸດ​ຕາມ​ເປົ້າ​ໝາຍ 4 ບຸກທະລຸທີ່​ພັກ​ແລະ​ ລັດຖະບານ​ວາງ​ອອກ. ຕາມ​ຜູ້​ຂຽນ​ຄິດ, ​ໃນ​ແຕ່ລະ​ປີ​ບໍ່​ວ່າ​ແຕ່​ເສັງ​ເຂົ້າ​ລັດຖະກອນ,​ ເຂົ້າ​ຮຽນ​ຕາມ​ສະ​ຖາ​ບັນ​ການ​ສຶກສາຕ່າງໆ​ ຖ້າ​ພວກ​ເຮົາ​ຫາກ​ມີ​ມາດ​ຕະການ ຫລື ​ວິທີ​ການສອບ​ເສັງ​ຄັດ​ເລືອກ​ເອົາ​ຜູ້​ທີ່​ເກັ່ງ, ຜູ້​ທີ່​ດີ​ເຂົ້າ​ຮຽນ ຫລື ​ເຂົ້າ​ໄປ​ເຮັດ​ວຽກ​​ດ້ວຍ​ຄວາມ​ໂປ່​ງ​ໃສ ພວກເຮົາ​ກໍ​ຈະ​ນັບ​ມື້ໄດ້​ຄົນດີ​ຄົນເກັ່ງ​ໃນ​ແຕ່ລະ​ປີ​ຈໍານວນ​ບໍ່​ໜ້ອຍ, ​ແຕ່​ກໍ​ໜ້າ​ເຫັນ​ໃຈ ແລະ ທັງເສຍດາຍອີຫລີ່ ທີ່ໄລຍະ​ຜ່ານ​ມາ​ມັນ​ຄາ​ນໍາ​ຄົນ​ໝູ່​ຄົນ​ເຮົາ, ຄົນ​ເຈົ້າ​ຄົນ​ຂ້ອຍ, ກາຍ​ເປັນ​ວຽກ​ໃຜວຽກ​ມັນ, ​ເປັນວິຊາ​ນາ​ກິນ​ຂອງ​ໃຜ​ຂອງ​ມັນ​ກໍ​ເລີຍ​ທັນ​ໃຜ​ທັນ​ເຮັດ, ທັນ​ໃຜ​ທັນ​ຮັບ ຈຶ່ງ​ເປັນ​ເຫດ​ໃຫ້ບໍ່​ໄດ້​ຜ່ານ​ການ​ຄັດ​ເລືອກ​ສອບ​ເສັງສຸດທ້າຍ​ເຮົາ​ກໍ​ບໍ່​ໄດ້​ພະລັງ​ແຫ່ງ​ປັນຍາ​​ແບບລວມສູນ ​ເພື່ອ​​ເປັນ​ທຶນຮອນ​ອັນ​ປະ​ເສີດມາ​ສ້າງສາ​ພັດທະນາປະ​ເທດ​ຊາດ.​

error: Content is protected !!