ບຣາຊິລ ທາບທາມ ເປບ ກວາດີໂອລາ ນັ່ງຕຳແໜ່ງຜູ້ຈັດການທີມຫລັງຈົບບານໂລກ 2022

ສື່ສະເປນ ລາຍງານວ່າ ທີມຊາດບຣາຊິລ ຍື່ນຂໍ້ສະເຫນີທາບທາມ ເປບ ກວາດີໂອລາ ຜູ້ຈັດການທີມ ແມນເຊສເຕີ ຊິຕີ ໃຫ້ມີຮັບຫນ້າທີ່ເປັນຜູ້ຈັດການທີມຄົນໃຫມ່ຫລັງຈົບບານໂລກ 2022.
ສຳລັບ ບຣາຊິລ ມີແວວຕ້ອງຫາຜູ້ຈັດການທີມຄົນໃຫມ່ ຫລັງ ຕິເຕ ຜູ້ຈັດການທີມຄົນປັດຈຸບັນໄດ້ເປີດເຜີຍວ່າລາວອາດຈຳອຳລາທີມຊາດບຣາຊິລ ຫລັງຈົບບານໂລກ 2022 ທີ່ປະເທດກາຕາປີນີ້.
ມາກາ ສື່ສະເປນລະບຸວ່າ : ສະຫະພັນບານເຕະບຣາຊິລ (CBF) ໄດ້ລ໊ອກເປົ້າ ເປບ ກວາດີໂອລາ ໃນການເຂົ້າມາເຮັດຫນ້າທີ່ເປັນຜູ້ຈັດການທີມຄົນໃຫມ່ ຫລັງຈົບບານໂລກ 2022 ແລະ ໄດ້ເຈລະຈາກັບ ເປຣ ກວາດີໂອລາ ນ້ອງຊາຍ ແລະ ໂຕແທນຂອງ ເປບ ແລ້ວ.
ໂດຍ ຊີບີເອຟ ພ້ອມຈ່າຍຂໍ້ສະເຫນີໃຫ້ກັບຜູ້ຈັດການທີມອາຍຸ 51 ປີ ດ້ວຍສັນຍາ 4 ປີ ຫລື ເຖິງບານໂລກປີ 2026 ພ້ອມຈະໃຫ້ຄ່າເມື່ອຍປີລະ 12 ລ້ານຢູໂຣ ຕໍ່ປີ ນອກຈາກນັ້ນພວກເຂົາຍັງຫມັ້ນໃຈວ່າຈະກ່ອມ ກວາດີໂອລາ ໃຫ້ມາຮັບຫນ້າທີ່ດັ່ງກ່າວໄດ້.
ສຳລັບ ເປບ ກວາດີໂອລາ ຍັງມີສັນຍາຢູ່ກັບ ແມນເຊສເຕີ ຊິຕີ ເຖິງປີ 2023 ແລະ ຍັງບໍ່ມີການຂະຫຍາຍອອກໄປອີກແຕ່ຢ່າງໃດ.