ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ

ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ - advert banner 728 90 728x90 - ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ

ແຫລ່ງຂ່າວທ້ອງຖິ່ນໃຫ້ຮູ້ວ່າ: ປັດຈຸບັນ, ພາກສ່ວນກ່ຽວຂ້ອງຕ່າງໆຂອງແຂວງໄດ້ລົງເກັບກໍາຂໍ້ມູນຄວາມເສຍຫາຍຈາກໄພທໍາມະຊາດທີ່​ເກີດ​ຂຶ້ນ​ເມື່ອ​ທ້າຍ​ອາທິດ​ຜ່ານ​ມາ​ນີ້, ຊຶ່ງຕາມການເກັບກໍາຂໍ້ມູນລ້າສຸດຂອງພະແນກແຮງງານ ແລະ ສະຫວັດດີການສັງຄົມແຂວງໃນວັນທີ 7 ສິງຫານີ້ໃຫ້ຮູ້ວ່າ: ໄພນໍ້າຖ້ວມຄັ້ງນີ້ໄດ້ສົ່ງກະທົບເສຍຫາຍຕໍ່ຊີວິດ ແລະ ຊັບສີນ​ເປັນ​ຈໍານວນ​ບໍ່​ໜ້ອຍ​ຄື: ຢູ່ບ້ານນາໝີ ມີເຮືອນປະຊາຊົນ 13 ຫລັງຖືກເປ່ເພ ແລະ ມີເຂົ້າເປືອກເສຍຫາຍຫລາຍກວ່າ 7 ໂຕນ, ພ້ອມມີເນື້ອທີ່ນາເສຍຫາຍຫລາຍກວ່າ 1 ເຮັດຕາ, ບ້ານຖ້ຽວ ມີປະຊາຊົນເກືອບ 120 ຄອບຄົວ, ມີພົນລະເມືອງ 580 ກວ່າຄົນໄດ້ຮັບຜົນກະທົບ, ພ້ອມເນື້ອທີ່ນາຫລາຍກວ່າ 12 ເຮັກຕາເສຍຫາຍ, ບ້ານຫ້ວຍຂຸນມີເກືອບ 50 ຄອບຄົວ, ພົນລະເມືອງ 200 ກວ່າຄົນໄດ້ຮັບຜົນກະທົບ, ມີເຮືອນ 8 ຫລັງຖືກນໍ້າພັດໄຫລໄປ ແລະ ຫລາຍກວ່າ 20 ຫລັງໄດ້ຮັບການເປ່ເພ, ພ້ອມມີເນື້ອທີ່ນາຫລາຍກວ່າ 1 ເຮັກຕາເສຍຫາຍ, ຢູ່ບ້ານຖິ່ນມີເຮືອນ 15 ຫລັງຖືກເປ່ເພ ແລະ ມີປະຊາຊົນ 80 ກວ່າຄົນໄດ້ຮັບຜົນກະທົບ, ສ່ວນຢູ່ບ້ານກອນແກ່ນມີເຮືອນປະຊາຊົນ 50 ກວ່າຫລັງໄດ້ຖືກເປ່ເພ, ປະຊາຊົນຫລາຍກວ່າ 230 ຄົນໄດ້ຮັບຜົນກະທົບ ແລະ ມີຜູ້ເສຍຊີວິດ 1 ຄົນ, ພ້ອມມີເນື້ອທີ່ການຜະລິດເສຍຫາຍຫລາຍກວ່າ 20 ເຮັດຕາ, ນອກຈາກນີ້ຍັງມີບ້ານວັງໄຮແມ່ນມີ 7 ຫລັງຄາເຮືອນ, ພົນລະເມືອງ 40 ກວ່າຄົນ, ບ້ານລ້ອງກໍມີ 1 ຫລັງຄາເຮືອນ ແລະ ບ້ານນາຫວານນ້ອຍມີ 33 ຫລັງຄາເຮືອນຖືກເປ່ເພ ແລະ ມີປະຊາຊົນຫລາຍກວ່າ 200 ຄົນໄດ້ຮັບຜົນກະທົບ ແລະ ລວມຜົນເສຍຫາຍທັງໝົດ​ໃນເບື້ອງຕົ້ນຕົກຢູ່ປະມານ 3,5 ຕື້ກີບ. ນອກຈາກນີ້ຍັງມີເສົາໄຟຟ້າເສຍຫາຍຫລາຍສີບຕົ້ນ, ລະບົບຊົນລະປະທານ, ຄອງເມືອງ ແລະ ເສັ້ນທາງຫລາຍຈຸດຖືກຕັດຂາດ ເຮັດໃຫ້ບໍ່ສາມາດສັນຈອນໄປມາໄດ້, ເຊິ່ງພາກສ່ວນກ່ຽວຂ້ອງຂອງແຂວງ ໄດ້ລະດົມກໍາລັງ ປກສ-ປກຊ ເຂົ້າຊ່ວຍເຫລືອປະຊາຊົນຜູ້ໄດ້ຮັບຜົນກະທົບ, ພ້ອມທັງເລັ່ງສ້ອມແປງສຸກເສີນວຽກງານພື້ນຖານໂຄງລ່າງຈຸດທີ່ເສຍຫາຍເປ່ເພ ເພື່ອໃຫ້ສາມາດກັບຄືນສູ່ສະພາບປົກກະຕິໂດຍໄວ.

ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ - 1 1 - ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ
ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ - lattana 1 - ທາງການແຂວງອຸດົມໄຊເລັ່ງສໍາຫລວດຜົນເສຍຫາຍຈາກໄພນໍ້າຖ້ວມ
error: Content is protected !!