ລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10

ລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10 - advert banner 728 90 728x90 - ລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10

ໃນວັນທີ 6 ສິງຫານີ້, ທ່ານ ສະເຫລີມໄຊ ກົມມະສິດ ລັດຖະມົນຕີກະຊວງການຕ່າງປະເທດໄດ້ນໍາຄະນະຜູ້ແທນລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10 ທີ່ມະນິລາປະເທດຟິລິບປິນ, ໂດຍການເປັນປະທານຂອງທ່ານ ທາໂຣ ໂກໂນ ລັດຖະມົນຕີກະຊວງການຕ່າງປະເທດຍີ່ປຸ່ນ ແລະ ມີບັນດາລັດຖະມົນຕີຕ່າງປະເທດກຳປູເຈຍ, ມຽນມາ, ໄທ ແລະ ຫວຽດນາມເຂົ້າຮ່ວມນໍາ​ດ້ວຍ.

ລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10 - new3 - ລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10

ກອງປະຊຸມໄດ້ສະແດງຄວາມຍິນດີຕໍ່ການສະເຫລີມສະຫລອງຄົບຮອບ 10 ປີຂອງກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນ ແລະ ໄດ້ທົບທວນຄືນການຈັດຕັ້ງປະຕິບັດແຜນປະຕິບັດງານແມ່ນ້ຳຂອງ-ຍີ່ປຸ່ນ ຕາມແຜນຍຸດທະສາດໂຕກຽວ 2015 ທີ່ປະກອບມີ 4 ເສົາຄໍ້າບູລິມະສິດ ຄື: ການພັດທະນາພື້ນຖານໂຄງລ່າງທາງດ້ານອຸດສາຫະກໍາໃນພາກພື້ນແມ່ນໍ້າຂອງ, ການພັດທະນາຊັບພະຍາກອນມະນຸດໃນຂະແໜງອຸດສາຫະກໍາ, ການພັດທະນາແບບຍືນຍົງເພື່ອແມ່ນໍ້າຂອງສີຂຽວ ແລະ ການປະສານງານກັບບັນດາອົງການຈັດຕັ້ງຕ່າງໆທີ່ຮ່ວມມືກັບພາກພື້ນແມ່ນໍ້າຂອງ. ພ້ອມກັນນັ້ນ, ກອງປະຊຸມຍັງໄດ້ຕີລາຄາສູງຕໍ່ຄວາມພະຍາຍາມໃນການຈັດຕັ້ງປະຕິບັດຂໍ້ລິເລີ່ມການເຊື່ອມຈອດແມ່ນໍ້າຂອງ-ຍີ່ປຸ່ນ ເພື່ອເສີມຂະຫຍາຍການຮ່ວມມືທາງດ້ານໂຄງລ່າງ ແລະ ໂຄງບົນໂດຍຜ່ານບັນດາກິດຈະກໍາຕ່າງໆ ເຊັ່ນ: ການອໍານວຍຄວາມສະດວກດ້ານພາສີ-ອາກອນ ແລະ ການພັດທະນາຊັບພະຍາກອນມະນຸດຢູ່ໃນພາກພື້ນແມ່ນໍ້າຂອງ.

ບັນດາລັດຖະມົນຕີຕ່າງປະເທດແມ່ນໍ້າຂອງຍັງໄດ້ສະແດງຄວາມຂອບໃຈລັດຖະບານ ແລະ ປະຊາຊົນຍີ່ປຸ່ນທີ່ໄດ້ໃຫ້ການຊ່ວຍເຫລືອແກ່ບັນດາປະເທດແມ່ນໍ້າຂອງຕອນລຸ່ມ ເພື່ອສືບຕໍ່ຈັດຕັ້ງປະຕິບັດໂຄງການ ແລະ ແຜນງານຕ່າງໆພາຍໃຕ້ແຜນປະຕິບັດງານແມ່ນ້ຳຂອງ-ຍີ່ປຸ່ນ ເພື່ອຜັນຂະຫຍາຍຍຸດທະສາດໂຕກຽວ 2015 ສະບັບໃໝ່ໃຫ້ສໍາເລັດໃນປີ 2018.

ລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10 - lattana 1 - ລາວເຂົ້າຮ່ວມກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10

ກອງປະຊຸມໄດ້ຮັບຮອງເອົາຖະແຫລງການກອງປະຊຸມລັດຖະມົນຕີຕ່າງປະເທດແມ່ນໍ້າຂອງ-ຍີ່ປຸ່ນຄັ້ງທີ 10 ເພື່ອເປັນແນວທາງໃນການຈັດຕັ້ງປະຕິບັດຂອບການຮ່ວມມືດັ່ງກ່າວໃນຕໍ່ໜ້າ.

error: Content is protected !!