ເຄັດລັບໃນການຫຸງເຂົ້າໃຫ້ແຊບ ແລະ ນານບູດ

ໃຫ້ທ່ານຊາວເຂົ້າບໍ່ເກີນ 3 ເທື່ອ ເພື່ອເປັນການປ້ອງກັນທີ່ຈະສູນເສຍຄຸນຄ່າທາງສານອາຫານໄປຈາກເຂົ້າ.

1. ຫລັງຈາກນັ້ນ ກໍໃຫ້ທ່ານຢອດນຳ້ສົ້ມສາຍຊູລົງໄປໜ້ອຍໜຶ່ງ ເຫດຜົນທີ່ຈະຕ້ອງຢອດລົງໄປນັ້ນເປັນຍ້ອນວ່າຈະຊ່ວຍໃຫ້ເຂົ້າສາມາດຮັກສາໄວ້ໄດ້ດົນຂຶ້ນ ນານບູດ ແລະ ມີສີງາມເປັນຕາແຊບ,​ ລົດຊາດກໍຈະປ່ຽນໄປເລັກນ້ອຍ ແຕ່ມີຄວາມແຊບຂຶ້ນຕື່ມ.
2. ໃສ່ເກືອລົງໃນໝໍ້ຫຸງເຂົ້າໜ້ອຍໜຶ່ງ, ນຳ້ມັນພືດໜ້ອຍໜຶ່ງ ພຽງແຕ່ 2 – 3 ຢອດ ຈະຊ່ວຍໃຫ້ເຂົ້າມີຄວາມອ່ອນນຸ້ມ ແລະ ບໍ່ຕິດກັນເປັນກ້ອນ.
3. ສຳລັບໃຜທີ່ຫຸງເຂົ້າດ້ວຍໝໍ້ຫຸງເຂົ້າໄຟຟ້າ ແນະນຳວ່າຄວນແຊ່ເຂົ້າປະມານ 5 ນາທີກ່ອນຫຸງ ວິທີການນີ້ຈະເຮັດໃຫ້ເຂົ້າມີຄວາມອ່ອນນຸ້ມຂຶ້ນ ແລະ ຍັງຊ່ວຍປະຢັດໄຟຟ້າໄດ້ໜ້ອຍໜຶ່ງ.
4. ການອຸ່ນເຂົ້າເກົ່າ ໃຫ້ທ່ານຕື່ມເກືອລົງໄປໃນນຳ້ໜ້ອຍໜຶ່ງ ຈະເປັນການຊ່ວຍຈັດການກັບສິ່ງທີ່ບໍ່ເພິງປະສົງທີ່ຢູ່ໃນເຂົ້າໄດ້ ທັງຍັງໄດ້ລົດຊາດໃໝ່ຂອງເຂົ້ານຳອີກ.