7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ

7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ - 44bca45e 8820 4c50 8f9d 32b3d32fc3d0 - 7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ
7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ - AGL - 7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ

ວັນທີ 18 ເມສາ 2022 ຜ່ານມາ, ທ່ານ ພັອ ກົງສີ ສຸວັນນະຕຸ້ມ ຫົວໜ້າກົມຕຳຫລວງຈະລາຈອນ ໄດ້ຖະແຫລ່ງຂ່າວ ກ່ຽວກັບ 7 ວັນອັນຕະລາຍ ໄລຍະສະຫລອງປີໃໝ່ລາວ ພສ 2565 ໃຫ້ຮູ້ວ່າ: ນັບແຕ່ວັນທີ 11-17 ເມສາ 2022 ທົ່ວປະເທດ ມີອຸບັດເຫດເກີດຂຶ້ນທັງໝົດ 312 ຄັ້ງ, ມີພາຫະນະເປ່ເພ 545 ຄັນ, ຄົນໄດ້ຮັບບາດເຈັບ 552 ຄົນ, ແລະ ເສຍຊີວິດ 35 ຄົນ, ຍິງ 5 ຄົນ.

ແຂວງທີ່ມີອຸບັດເຫດ ແລະ ເສຍຊີວິດ: ນະຄອນຫລວງວຽງຈັນ 45 ຄັ້ງ ເສຍຊີວິດ 8 ຄົນ, ຈໍາປາສັກ 38 ຄັ້ງ ເສຍຊີວິດ6 ຄົນ, ໄຊຍະບູລີ ເສຍຊີວິດ 5 ຄົນ, ຫລວງພະບາງ 15 ຄັ້ງ ເສຍຊີວິດ 3 ຄົນ, ແຂວງວຽງຈັນ 39 ຄັ້ງ ເສຍຊີວິດ 3 ຄົນ, ບໍລິຄໍາໄຊ 36 ຄັ້ງ ເສຍຊີວິດ2 ຄົນ, ສະຫວັນນະເຂດ 21 ຄັ້ງ ເສຍຊີວິດ 2 ຄົນ, ສາລະວັນ 15 ຄັ້ງ ເສຍຊີວິດ 2 ຄົນ, ຊຽງຂວາງ 9 ຄັ້ງ ເສຍຊີວິດ 2 ຄົນ, ບໍ່ແກ້ວ 13 ຄັ້ງ ເສຍຊີວິດ1 ຄົນ, ຫົວພັນ 5 ຄັ້ງ ເສຍຊີວິດ1 ຄົນ.

7 ແຂວງບໍ່ມີຜູ້ເສຍຊີວິດ ຄື: ຫລວງນໍ້າ ມີອຸບັດຕິເຫດ 20 ຄັ້ງ, ອຸດົມໄຊ 17 ຄັ້ງ, ຄໍາມ່ວນ 10 ຄັ້ງ, ຜົ້ງສາລີ 5 ຄັ້ງ, ອັດຕະປື 11 ຄັ້ງ, ໄຊສົມບູນ 4 ຄັ້ງ ແລະ ເຊກອງ 4 ຄັ້ງ.

ອຸບັດເຫດທີ່ເກີດຂຶ້ນ ສ່ວນຫລາຍແມ່ນລົດຈັກຕໍາລົດຈັກ, ຮອງລົງມາແມ່ນລົດຈັກຕໍາລົດໃຫຍ່, ລົດຈັກຕໍາຄົນຍ່າງ ແລະ ລົດ ຈັກລົ້ມເອງ, ສໍາລັບເວລາທີ່ເກີດອຸບັດເຫດຫລາຍກວ່າໝູ່ແມ່ນຕອນກາງຄືນ ແລະ ເກີດໃນເຂດເທດສະບານເປັນສ່ວນໃຫຍ່. ສ່ວນສາເຫດຂອງການເກີດອຸບັດເຫດ ຫລາຍກວ່າໝູ່ແມ່ນຂັບລົດໄວ, ດື່ມສິ່ງມືນເມົາແລ້ວຂັບຂີ່ພາຫະນະ, ປ່ຽນທິດທາງບໍ່ຮັບປະກັນ, ບໍ່ປ່ອຍສິດໃຫ້ຜູ້ອື່ນ ແລະ ອື່ນໆ.

ທຽບໃສປີ 2021 ຜ່ານມາ ອຸບັດຕິເຫດເກີດຂຶ້ນຫລຸດລົງ 26 ຄັ້ງ, ພາຫະນະເປ່ເພຫລຸດລົງ 65 ຄັນ, ຄົນໄດ້ຮັບບາດເຈັບຫລຸດລົງ 19 ຄົນ ແລະ ຄົນເສຍຊີວິດຫລຸດລົງ 9 ຄົນ.

7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ - lattana banner 1 - 7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ
7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ -    AD conten website - 7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ
7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ - lattana banner - 7 ວັນອັນຕະລາຍ ໄລຍະປີໃໝ່ລາວ ທົ່ວປະເທດ ເສຍຊີວິດ 35 ຄົນ
error: Alert: ເນື້ອຫາຂ່າວມີລິຂະສິດ !!