ແຂວງຈຳປາສັກ-ແຄງຮວາ ລົງນາມ ບົດທັນທຶກຊ່ວຍຈຳການຮ່ວມມື ສອງຝ່າຍ ໄລຍະສົກປີ 2022-2026

ວັນທີ 21 ເມສາ 2022 ທີ່ຫ້ອງວ່າການແຂວງຈຳປາສັກ, ທ່ານ ສົມບູນ ເຮືອງວົງສາ ຮອງເຈົ້າແຂວງຈຳປາສັກ ແລະ ທ່ານ ເລຮິວຮ່ວາງ ຮອງປະທານຜູ້ປະຈຳການຄະນະກໍາມະການປະຊາຊົນແຂວງແຄງ ຮວາ ໄດ້ຮ່ວມລົງນາມໃນບົດບັນທຶກຊ່ວຍຈຳການນ່ວມມືຮອບດ້ານແຕ່ປີ 2022-2026 ໂດຍສະຫາຍ ສາຍທອງ ໄຊຍະວົງ ຮອງເລຂາພັກແຂວງ, ປະທານສະພາປະຊາຊົນແຂວງຈຳປາສັກ ແລະ ສະຫາຍ ຮາກັວກຈີ້ ຮອງເລຂາພັກແຂວງ, ຫົວໜ້າຜູ້ແທນສາມະຊິກສະພາແຫ່ງຊາດແຂວງແຄງຮວາ ເປັນສັກຂີພະຍານ.

ໃນບົດບັນທຶກຊ່ວຍຈຳດັ່ງກ່າວ ລະບຸວ່າ: ສອງແຂວງຈະສືບຕໍ່ຮັກສາການແລກປ່ຽນຄະນະຜູ້ແທນຂັ້ນສູງ, ບັນດາພະແນກການ, ຂະແໜງການ, ສະມາຄົມ, ອົງການຈັດຕັ້ງມະຫາຊົນ ເພື່ອພົບປະ, ແລກປ່ຽນບົດ ຮຽນ ແລະ ເພີ່ມທະວີຄວາມສາມັກຄີໃຫ້ແໜ້ນແຟ້ນ. ສອງແຂວງ ພ້ອມສ້າງເງື່ອນໄຂສະດວກການຮ່ວມມືເສດຖະກິດ, ການຄ້າ ແລະ ການລົງທຶນ, ຖ່າຍທອດເຕັກນິກກະສິກຳ ແລະ ການປະມົງ ລວມທັງຂົງເຂດຍຸຕິທຳ, ວັດທະນະທຳ ແລະ ກິລາ, ການທ່ອງທ່ຽວ, ສ້າງເງື່ອນໄຂສະດວກໃຫ້ແກ່ນັກທຸລະກິດການທ່ອງ ທ່ຽວໄດ້ພົບປະແລກປ່ຽນກັນ, ກໍ່ສ້າງຊັບພະຍາກອນມະນຸດ ແລະ ເພີ່ມທະວີບັນດາກິດຈະກຳການເຄື່ອນ ໄຫວແລກປ່ຽນປະຊາຊົນເພື່ອສືບຕໍ່ຮັດແໜ້ນສາຍພົວພັນ ຄວາມສາມັກຄີແບບພິເສດຂອງສອງທ້ອງຖິ່ນ.
ຜ່ານມາ, ສອງແຂວງ ໄດ້ຈັດຕັ້ງປະຕິບັດບົດບັນທຶກຊ່ວຍຈຳການຮ່ວມມືສົກປີ 2017-2020 ຢ່າງມີໝາກຜົນສູງ ໂດຍການກໍ່ສ້າງ, ພັດທະນາສາຍພົວພັນທີ່ຍິ່ງໃຫຍ່, ຄວາມສາມັກຄີພິເສດ ລະຫວ່າງແຂວງຈຳປາສັກ ແລະ ແຂວງແຄງຮວາ ປະກອບສ່ວນເພີ່ມທະວີ ແລະ ຊຸກຍູ້ສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫ່ວາງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດ ນາມ.