ຢູເວັນຕູສ ພ້ອມທາບທາມ “ດິມາເຣຍ” ຫລັງຫມົດສັນຍາກັບປາຣີສໃນທ້າຍລະດູການນີ້

ຢູເວນຕຸສ ຕົກເປັນຂ່າວໃຫ້ຄວາມສົນໃຈກັບ ອັງເຄວ ດິ ມາເຣຍ ປີກຕົວເກັ່ງຂອງ ປາຣິສ ທີ່ຈະໝົດສັນຍາໃນທ້າຍລະດູການນີ້

ດາວເຕະໄວ 34 ປີ ເຂົ້າຮ່ວມສະໂມສອນຕັ້ງແຕ່ປີ 2015 ແລະ ເປັນຕົວຫຼັກຂອງທີມມາຕະຫລອດ 7 ປີ, ແຕ່ຢ່າງໃດກໍ່ຕາມໃນຊ່ວງທ້າຍອາຊີບຂອງ ດິ ມາເຣຍ ເລີ່ມທ້າທາຍອີກຄັ້ງ ເຊີ່ງຫນຶ່ງໃນນັ້ນແມ່ນເລື່ອງການຍ້າຍທີມ ແລະ ການຫຼີ້ນໃນບານໂລກ 2022, ເຊິ່ງຄາດວ່າຈະເປັນການແຂ່ງຂັນອໍາລາຂອງລາວໃນນາມຂອງທີມຊາດ

ສັນຍາສະບັບໃຫມ່ຂອງເຂົາກັບ ປາຣີສ ຍັງບໍ່ມີການຕໍ່ສັນຍາສະບັບໃຫມ່ອອກໄປ ຕາມ​ສື່​​ຝຣັ່ງລາຍ​ງານ​ວ່າ ນັກເຕະກໍບໍ່ມີຄວາມສົນໃຈໃນເລື່ອງນີ້ເຊັ່ນດຽວກັນ ແລະ ນັ້ນເຮັດໃຫ້ ຢູເວນຕຸສ ທີ່ກຳລັງປັບທີມໃຫມ່ໃນຫຼາຍຕຳແໜ່ງຢາກໄດ້ໂຕໄປຮ່ວມງານນຳ ເຊີ່ງອາດຈະສະເຫນີສັນຍາໄລຍະສັ້ນໃຫ້ເຂົາພິຈາລະນາ, ເຊິ່ງ ເຊເຣຍ ອາ ກໍ່ແມ່ນຫນຶ່ງໃນລີກທີ່ ດິ ມາເຣຍ ຍັງບໍ່ເຄີຍຫຼິ້ນມາກ່ອນເຊັ່ນກັນ

ທັງນີ້ ດິ ມາເຣຍ ຄວ້າແຊ້ມລີກເອີງມາແລ້ວ 14 ສະໄໝ ຕະຫລອດໃນການຫຼິ້ນອາຊີບເປັນປີທີ 7 ຂອງເຂົາກັບທີມ, ໂດຍ ປາຣິສ ຕ້ອງການຊະນະອີກພຽງ 1 ນັດເພື່ອໄດ້ຄວ້າແຊ້ມລີກເອີງໃນລະດູການນີ້.