ເມືອງຄອບ ຕິດຕາມ ເກັບກໍາສະພາບແນວຄິດ-ຫາງສຽງສັງຄົມ ປະຈໍາປີ 2021
May 3, 2022 - 3:19 PM
ທ້າຍເດືອນເມສາຜ່ານມາ, ເມືອງຄອບ ແຂວງໄຊຍະບູລີ ໄດ້ຈັດກອງປະຊຸມວຽກງານຕິດຕາມ, ເກັບກໍາສະພາບແນວຄິດ-ຫາງສຽງສັງຄົມ ຂັ້ນເມືອງ ປະຈໍາປີ 2021 ຂຶ້ນ ທີ່ສະໂມສອນເມືອງ ໂດຍທ່ານ ສີລາ ເທບຮັກສາ ຫົວໜ້າຫ້ອງການໂຄສະນາອົບຮົມເມືອງພ້ອມດ້ວຍຄະນະປະຈໍາພັກເມືອງ, ກໍາມະການພັກເມືອງ, ຫົວໜ້າ-ຮອງຫົວໜ້າຫ້ອງການ , ຕາງໜ້າລັດວິສາຫະກິດອ້ອມຂ້າງເມືອງເຂົ້າຮ່ວມ.
ທ່ານ ສົມນຶກ ສິງຄໍາ ຮອງເລຂາພັກເມືອງໆຄອບ ແຂວງໄຊຍະບູລີ ກ່າວ ວ່າ: ວຽກງານນີ້ເປັນວຽກທີ່ລະອຽດອ່ອນໃນການນໍາພາຕິດຕາມ, ເກັບກໍາ ແລະ ການແກ້ໄຂໃຫ້ຖືກຕ້ອງຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ໂດຍທຸກສະຫາຍຕ້ອງໄດ້ເຊື່ອມຊຶມ ແລະ ຍົກລະດັບຄວາມຮູ້ພື້ນ ຖານການເມືອງ-ແນວຄິດ ເວົ້າລວມ, ເວົ້າສະເພາະວຽກງານຕິດຕາມ, ເກັບກໍາສະພາບແນວຄິດ-ຫາງສຽງສັງຄົມ ນັບທັງດ້ານຕັ້ງໜ້າ, ດ້ານຫຍໍ້ທໍ້ທີ່ເກີດຂຶ້ນຜ່ານມາ ແລະ ພວມຈະເກີດຂຶ້ນຢູ່ໃນກົມກອງທ້ອງຖິ່ນ.
