ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ

ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ - AGL - ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ

ວັນທີ 5 ພຶດສະພານີ້ທີ່ແຂວງຫຼວງນໍ້າທາ, ກົມເສດຖະກິດ ກະຊວງການຕ່າງປະເທດ ໄດ້ຈັດກອງປະຊຸມພາຍໃຕ້ຫົວຂໍ້ການແລກປ່ຽນ ແລະ ຖອດຖອນບົດຮຽນການຈັດຕັ້ງປະຕິບັດຂໍ້ລິເລີ່ມໜຶ່ງແລວ ໜຶ່ງເສັ້ນທາງ ຢູ່ 6 ແຂວງພາກເໜືອຂອງ ສປປ ລາວ ເຊັ່ນແຂວງ ວຽງຈັນ, ຫຼວງພະບາງ, ອຸດົມໄຊ, ຫຼວງນໍ້າທາ, ບໍ່ແກ້ວ ແລະ ຜົ້ງສາລີ” ໂດຍທ່ານ ທອງຜ່ານ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ພົມມະສຸກ ວິໄລກຸນ ຮອງເຈົ້າແຂວງຫຼວງນໍ້າທາ ເຂົ້າຮ່ວມ.

ກອງປະຊຸມນີ້ເປັນໜຶ່ງໃນກິດຈະກຳສຳຄັນທີ່ໄດ້ຮັບທຶນຮອນຈາກກອງທຶນພິເສດແມ່ນໍ້າຂອງ-ແມ່ນໍ້າລ້ານຊ້າງໂດຍຜູ້ຕາງໜ້າຈາກບັນດາກົມພາຍໃນກະຊວງການຕ່າງປະເທດ, ບັນດາຂະແໜງການກ່ຽວຂ້ອງຈາກສູນກາງ ແລະ 6 ແຂວງດັ່ງກ່າວໄດ້ປຶກສາຫາລື ແລະ ແລກປ່ຽນບົດຮຽນການຮ່ວມມືພາຍໃຕ້ຂໍ້ລິເລີ່ມໜຶ່ງແລວ ໜຶ່ງເສັ້ນທາງຂອງ ສປປ ລາວ ໃນໄລຍະຜ່ານມາ ກໍຄືການກຳນົດທິດທາງການຮ່ວມມືໃນຕໍ່ໜ້າແນໃສ່ລະດົມກຳລັງແຮງທັງຍາດແຍ່ງເອົາຜົນປະໂຫຍດຕ່າງໆຈາກຂອບການຮ່ວມມືດັ່ງກ່າວໂດຍສະເພາະ ເສດຖະກິດ-ສັງຄົມ, ການພັດທະນາພື້ນຖານໂຄງລ່າງ ແລະ ຄວາມຮູ້ດ້ານເຕັກນິກວິທະຍາສາດເພື່ອປະ ກອບສ່ວນຈັດຕັ້ງປະຕິບັດນະໂຍບາຍເປີດກວ້າງການຮ່ວມມື, ການເຊື່ອມໂຍງ ແລະ ເຊື່ອມຈອດຂອງ ສປ ປ ລາວ ໃນພາກພື້ນ ແລະ ສາກົນ.

ຜູ້ເຂົ້າຮ່ວມກອງປະຊຸມ ເຫັນວ່າ: ນັບແຕ່ ສປປ ລາວ ໄດ້ເຂົ້າຮ່ວມຂອບການຮ່ວມມື ໜຶ່ງແລວໜຶ່ງເສັ້ນທາງ ແຕ່ປີ 2013 ເປັນຕົ້ນມາ ໄດ້ຮັບໝາກຜົນຕົວຈິງຫລາຍດ້ານເປັນຕົ້ນການພັດທະນາພື້ນຖານໂຄງລ່າງ ເຮັດໃຫ້ ສປປ ລາວ ສາມາດ ເຊື່ອມຈອດກັບປະເທດໃນອະນຸພາກພື້ນ, ພາກພື້ນ ແລະ ສາກົນ ຊຶ່ງພົ້ນເດັ່ນ ແມ່ນ ທາງດ່ວນ ແລະ ລົດໄຟລາວ-ຈີນ ທີ່ເປັນໂຄງການຮ່ວມມືໃຫຍ່ທີ່ສຸດສຳລັບ ສປປ ລາວ.

ພ້ອມນີ້, ສປປ ລາວ ແລະ ສປ ຈີນ ຍັງໄດ້ຮ່ວມກັນສ້າງແລວທາງເສດຖະກິດລາວ-ຈີນ ຊຶ່ງເປັນແລວທາງເສດຖະກິດໃໝ່ ເພື່ອເພີ່ມທະວີການເຊື່ອມຈອດດ້ານການຄ້າ-ການລົງທຶນ. ຂະນະທີ່ຂະແໜງການກ່ຽວຂ້ອງຂອງ ສປປ ລາວ ຍັງໄດ້ເຂົ້າຮ່ວມຫຼາຍກົນໄກຮ່ວມມືຂອງ ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງນີ້ ເຊັ່ນ: ເສັ້ນທາງສາຍໄໝດີຈີຕອນ, ພະລັງງານ, ການທ່ອງທ່ຽວ, ການພັດ ທະນາສີຂຽວ, ສາທາລະນະສຸກ ແລະ ອື່ນໆ.

ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ - lattana banner - ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ
ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ - lattana banner 1 - ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ
ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ -    AD conten website - ລາວ ໄດ້ຮັບຜົນປະໂຫຍດຈາກຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!