ນວ ເລັ່ງຊຸກຍູ້ຫົວໜ່ວຍທຸລະກິດທ່ອງທ່ຽວປັບປຸງຄຸນນະພາບ ແລະ ບໍລິການ ຕ້ອນຮັບນັກທ່ອງທ່ຽວ

-                                                      scaled - ນວ ເລັ່ງຊຸກຍູ້ຫົວໜ່ວຍທຸລະກິດທ່ອງທ່ຽວປັບປຸງຄຸນນະພາບ ແລະ ບໍລິການ ຕ້ອນຮັບນັກທ່ອງທ່ຽວ
- AGL - ນວ ເລັ່ງຊຸກຍູ້ຫົວໜ່ວຍທຸລະກິດທ່ອງທ່ຽວປັບປຸງຄຸນນະພາບ ແລະ ບໍລິການ ຕ້ອນຮັບນັກທ່ອງທ່ຽວ

ທ່ານ ຄໍາຄູນ ໃບລາຕຣີ ຮອງຫົວໜ້າພະແນກ ຖວທ ນວ ໄດ້ໃຫ້ສໍາພາດຜ່ານໜັງສືພິມວຽງຈັນໃໝ່ ວັນທີ 10 ພຶດສະພາ 2022 ຜ່ານມານີ້ວ່າ: ເພື່ອຈັດຕັ້ງປະຕິບັດການ ກະກຽມຕ້ອນຮັບນັກທ່ອງທ່ຽວຢູ່ນະຄອນຫຼວງວຽງຈັນໃຫ້ມີປະສິດທິພາບ ມີຄວາມເປັນລະບຽບຮຽບຮ້ອຍ ຮັບປະກັນຄວາມປອດໄພທາງ ດ້ານສຸຂະພາບຂອງຜູ້ບໍລິການ ແລະນັກທ່ອງທ່ຽວ ເອົາໃຈໃສ່ຄວບຄຸມການແພ່ລະບາດຂອງພະຍາດໂຄວິດ-19 ເຮັດໃຫ້ທຸກພາກສ່ວນໃນ ສັງຄົມໄດ້ມີສ່ວນຮ່ວມໃນການເປັນເຈົ້າພາບທີ່ດີ ຕ້ອນຮັບນັກທ່ອງທ່ຽວພາຍໃນ ແລະ ຕ່າງປະເທດທີ່ເຂົ້າມາທ່ອງທ່ຽວ ແລະ ຢ້ຽມຢາມ ນວ ໂອກາດນີ້ ເຊີນຊວນທຸກພາກສ່ວນໃນສັງຄົມ ຕ້ອງຮ່ວມແຮງຮ່ວມໃຈກັນກະກຽມຄວາມພ້ອມໃນການເປັນເຈົ້າພາບທີ່ດີ ຕ້ອນຮັບນັກ ທ່ອງທ່ຽວດ້ວຍຄວາມຍິ້ມແຍ້ມແຈ່ມໃສມີໄມຕີຈິດ ມິດຕະພາບ ດ້ວຍການອໍານວຍຄວາມສະດວກໃຫ້ແກ່ນັກທ່ອງທ່ຽວໃນການສະຫນອງ ຂໍ້ມູນຂ່າວສານການທ່ອງທ່ຽວ ການບໍລິການເຂົ້າ-ອອກປະເທດຕາມດ່ານສາກົນຕ່າງໆ ການເດີນທາງພາຍໃນ ນວ ການກົນຢູ່ພັກເຊົາ ການຮັກສາສຸຂະພາບ, ການຢ້ຽມຢາມທ່ຽວຊົມຕາມສະຖານທີ່ທ່ອງທ່ຽວຕ່າງໆ ຮັບປະກັນໃຫ້ມີຄວາມປະທັບໃຈ ແລະ ມີຄວາມປອດໄພ.

ສໍາລັບນະຄອນຫຼວງວຽງຈັນ ແມ່ນມີພື້ນຖານເພື່ອຮອງຮັບນັກທ່ອງທ່ຽວທັງພາຍໃນ ແລະ ຕ່າງປະເທດດີພໍສົມຄວນ ເຊິ່ງມີສະຖານທີ່ພັກ ແຮມຈໍານວນ 627 ແຫ່ງ ມີຫ້ອງພັກແຮມທັງຫມົດ 16.382 ຫ້ອງ ມີພັດຕາຄານ ຮ້ານອາຫານ ແລະ ສວນອາຫານ ຈໍານວນ 139 ເເຫ່ງມີແຫຼ່ງທ່ອງທ່ຽວຈໍານວນ 86 ແຫ່ງ ບໍລິສັດທ່ອງທ່ຽວຈໍານວນ 344 ແຫ່ງ ແລະ ສະຖານບັນເທີງ 45 ແຫ່ງ ນອກຈາກນັ້ນ ນວ ຍັງມີລະບົບການຂົນສົ່ງມວນຊົນທີ່ເຊື່ອມຈອດກັບບັນດາດ່ານສາກົນ ແລະ ສະຖານີຂົນສົ່ງໂດຍສານສາຍເໜືອສາຍໃຕ້ ແລະ ສາຍຕ່າງປະເທດ ນອກຈາກນັ້ນ ຄະນະຮັບຜິດຊອບວຽກງານຕ້ານໂຄວິດ-19 ຢູ່ ນວ ໄດ້ຮັບຮອງເອົາໂຮງແຮມເປັນສະຖານທີ່ຈໍາກັດບໍລິເວນຈໍານວນ 50 ແຫ່ງ ແລະ ຮັບຮອງ ໂຮງແຮມ ແລະ ເຮືອນພັກ ເພື່ອກໍານົດເປັນສະຖານທີ່ຈໍາກັດບໍລິເວນສໍາລັບຜູ້ມີຜົນບວກບໍ່ມີອງການສະແດງ ແລະ ບໍ່ມີຄວາມສ່ຽງດ້ານສຸ ຂະພາບອື່ນໆ ຈໍານວນ 8 ແຫ່ງ ສໍາລັບຕົວເລກນັກທ່ອງທ່ຽວເຂົ້າມາພາຍໃຕ້ໂຄງທ່ອງທ່ຽວສີຂຽວ ຮອດເດືອນເມສາ ມີ 1.251 ຄົນ.

ພະແນກ ຖວທ ນວ ໄດ້ສົມທົບກັບພາກສ່ວນກ່ຽວຂ້ອງ ຊຸກຍູ້ໃຫ້ຜູ້ປະກອບການທຸລະກົດທີ່ພັກແຮມ ທຸລະກົດອງຫານ-ເຄື່ອງດື່ມ ທຸລະກິດຂົນສົ່ງ ທຸລະກົດແຫຼ່ງທ່ອງທ່ຽວ ພະນັກງານນໍາທ່ຽວ ແລະ ຜູ້ສະໜອງການບໍລິການທ່ອງທ່ຽວ ໄດ້ພ້ອມກັນປັບປຸງຍົກສູງ ຄຸນນະພາບດ້ານສົ່ງອໍານວຍຄວາມສະດວກ ແລະການບໍລິການ ສ້າງລາຍການທ່ອງທ່ຽວ ຫຼືຜະລິດຕະພັນການທ່ອງທ່ຽວໃຫ້ມີຄວາມຫຼາກຫຼາຍ ມີຄຸນນະພາບ ແລະ ມາດຖານທີ່ດີ ເພື່ອເປັນທາງເລືອກໃຫ້ແກ່ນັກທ່ອງທ່ຽວ ໂດຍໃຫ້ຖືວ່າການບໍລິການ ແລະ ການທ່ອງທ່ຽວເເມ່ນ ເປັນຄວາມຮັບຜິດຊອບລວມຂອງທຸກພາກສ່ວນໃນສັງຄົມ ເພື່ອເປັນການຟື້ນຟູຄວາມຫຍຸ້ງຍາກຂອງເສດຖະກິດ ແລະ ປັບປຸງຊີວິດການເປັນ ຢູ່ຂອງປະຊາຊົນໃຫ້ດີຂຶ້ນ.

ທ່ານ ຄໍາຄຸນ ໃບລາຕຣີ ໄດ້ກ່າວຕື່ມວ່າ: ອີກເທື່ອໜຶ່ງ ຂໍຮຽກຮ້ອງມາຍັງຜູ້ປະກອບການທຸລະກົດການທ່ອງທ່ຽວ ແລະ ຜູ້ສະຫນອງການ ບໍລິການທ່ອງທ່ຽວ ຈົ່ງໄດ້ເອົາໃຈໃສ່ສືບຕໍ່ປັບປຸງສະຖານທີ່ຂອງຕົນ ພ້ອມທັງການບໍລິການໃຫ້ຮັບປະກັນຄຸນນະພາບ ເພື່ອໃຫ້ມີຄວາມພ້ອມ ສໍາລັບບໍລິການ ແລະ ສ້າງຄວາມປະທັບໃຈເເກ່ນັກທ່ອງທ່ຽວ ພ້ອມທັງໂຄສະນາຢ່າງກວ້າງຂວາງ ສູ່ກຸ່ມຕະຫຼາດເປົ້າຫມາຍ ແລະ ໃນນາມຕາງໜ້າພະແນກ ຖວທ ນວ ຂໍຮຽກຮ້ອງມາຍັງທຸກພາກສ່ວນໃນທົ່ວສັງຄົມ ຈົ່ງຮ່ວມແຮງຮ່ວມໃຈກັນເປັນເຈົ້າການຢ່າງຕັ້ງໜ້າ ໃນການຕ້ອນຮັບນັກທ່ອງທ່ຽວໃຫ້ມີຄວາມປະທັບໃຈປອດໄພ ແລະ ທ່ອງທ່ຽວຢ້ຽມຢາມ ນວ ດ້ວຍຄວາມເບີກບານມ່ວນຊື່ນ.

- lattana banner 1 - ນວ ເລັ່ງຊຸກຍູ້ຫົວໜ່ວຍທຸລະກິດທ່ອງທ່ຽວປັບປຸງຄຸນນະພາບ ແລະ ບໍລິການ ຕ້ອນຮັບນັກທ່ອງທ່ຽວ
-    AD conten website - ນວ ເລັ່ງຊຸກຍູ້ຫົວໜ່ວຍທຸລະກິດທ່ອງທ່ຽວປັບປຸງຄຸນນະພາບ ແລະ ບໍລິການ ຕ້ອນຮັບນັກທ່ອງທ່ຽວ
- lattana banner - ນວ ເລັ່ງຊຸກຍູ້ຫົວໜ່ວຍທຸລະກິດທ່ອງທ່ຽວປັບປຸງຄຸນນະພາບ ແລະ ບໍລິການ ຕ້ອນຮັບນັກທ່ອງທ່ຽວ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!