ຜູ້ຊ່ຽວຊານອາເມລິກາຊີ້ ‘ໂຄວິດ-19’ ຍັງບໍ່ຮອດເວລາເປັນ ‘ພະຍາດປະຈຳຖິ່ນ’ ອາດເກີດການກາຍພັນອີກ

-           3 - ຜູ້ຊ່ຽວຊານອາເມລິກາຊີ້ ‘ໂຄວິດ-19’ ຍັງບໍ່ຮອດເວລາເປັນ ‘ພະຍາດປະຈຳຖິ່ນ’ ອາດເກີດການກາຍພັນອີກ
- AGL - ຜູ້ຊ່ຽວຊານອາເມລິກາຊີ້ ‘ໂຄວິດ-19’ ຍັງບໍ່ຮອດເວລາເປັນ ‘ພະຍາດປະຈຳຖິ່ນ’ ອາດເກີດການກາຍພັນອີກ

ຜູ້ຊ່ຽວຊານອາເມລິກາຊີ້ໂຄວິດ-19 ຍັງບໍ່ຮອດເວລາເປັນພະຍາດປະຈຳຖິ່ນ, ເຜີຍມີໂອກາດກາຍພັນໄດ້ອີກ, ຄາດຈຳນວນຜູ້ເສຍຊີວິດຕົວຈິງສູງກວ່າຕົວເລກທາງການຫລາຍ.

ວັນທີ 13 ພຶດສະພາ 2022, ສຳນັກຂ່າວຊິນຮົວລາຍງານວ່າ: ຄະນະຜູ້ຊ່ຽວຊານທາງສາທາລະນະສຸກຂອງອາເມລິກາຊີ້ວ່າ: ພະຍາດໂຄວິດ-19 ຍັງບໍ່ເຂົ້າຂ່າຍເປັນພະຍາດປະຈຳຖິ່ນ (endemic) ໂດຍຄາດວ່າຈຳນວນຜູ້ຕິດເຊື້ອໃໝ່ໃນອາເມລິກາອາດເພີ່ມຂຶ້ນຕໍ່ໄປ, ແຕ່ສະຖານະການຈະບໍ່ຮ້າຍແຮງເທົ່າກັບໃນຊ່ວງລະດູຮ້ອນຄັ້ງກ່ອນໜ້ານີ້ ຫລື ຊ່ວງເວລາທີ່ເຊື້ອໄວຣັສສາຍພັນໂອລະບາດໜັກ.

ຄະນະຜູ້ຊ່ຽວຊານໄດ້ເຜີຍແພ່ທິດສະດີກ່ຽວກັບທ່າອ່ຽງການລະບາດຂອງເຊື້ອໄວຣັສໂຄວິດ-19 ໃນອາເມລິກາ ຊ່ວງລະດູຮ້ອນນີ້ ໂດຍຊີ້ໃຫ້ເຫັນວ່າ: ສະຖານະການຮ້າຍແຮງສຸດທີ່ອາດຈະເກີດຂຶ້ນກໍຄືການອຸບັດຂອງເຊື້ອໄວຣັສກາຍພັນ ສາຍພັນໃໝ່ ທີ່ຮ້າຍແຮງຈົນວັກຊີນ ແລະ ພູມຕ້ານທານຫລັງຕິດເຊື້ອບໍ່ອາດຕ້ານທານ ສົ່ງຜົນໃຫ້ເກີດການຕິດເຊື້ອ, ການເຂົ້າໂຮງໝໍ ແລະ ການເສຍຊີວິດຮອບໃໝ່.

ດຣ. ເຄຣີ ອັລທອບ ສາສະດາຈານດ້ານລະບາດວິທະຍາ ຄະນະສາທາລະນະສຸກສາດ ມະຫາວິທະຍາໄລຈອນ ຮອບກິນ ລະບຸວ່າ: ການເພີ່ມຂຶ້ນຂອງຈຳນວນຜູ້ຕິດເຊື້ອໃນຊ່ວງລະດູຮ້ອນ ມີທ່າອ່ຽງຂຶ້ນຢູ່ກັບການອຸບັດຂອງເຊື້ອໄວຣັສ ຊະນິດກາຍພັນ ເຊິ່ງມັກແພ່ເຊື້ອໄດ້ໄວໃນກຸ່ມຄົນທີ່ຍັງບໍ່ໄດ້ສັກວັກຊີນ ເຮັດໃຫ້ຄົນກຸ່ມນີ້ສ່ຽງເຂົ້າໂຮງໝໍ ແລະ ເສຍຊີວິດເພີ່ມຂຶ້ນ.

ຂະນະທີ່ສະຖານະການດີທີ່ສຸດຄືລະດັບການລະບາດຕໍ່າຢ່າງຕໍ່ເນື່ອງ ແລະ ບໍ່ມີການອຸບັດຂອງເຊື້ອໄວຣັສຊະນິດກາຍພັນໃໝ່ໆເຂົ້າມາເພີ່ມ.

ເຖິງຢ່າງໃດກໍຕາມ, ນັກວິທະຍາສາດລະບຸວ່າ: ປັດຈຸບັນຍັງບໍ່ອາດນິຍາມພະຍາດໂຄວິດ-19 ເປັນພະຍາດປະຈຳຖິ່ນ, ເຖິງວ່າພະຍາດໂຄວິດ-19 ອາດມີລັກສະນະຄືພະຍາດໄຂ້ຫວັດໃຫຍ່ຕາມລະດູການ ທີ່ເຮັດໃຫ້ຕ້ອງຜະເຊີນກັບຄວາມຍາກລຳບາກເປັນເວລາ 1 ຫລື 2 ອາທິດ, ແຕ່ມີຄວາມສ່ຽງປ່ວຍໜັກ ຫລື ເສຍຊີວິດລະດັບຕໍ່າ.

ອັລທອບ ກ່າວອີກວ່າ: ຄະນະນັກວິທະຍາສາດຕ້ອງກຳນົດລະດັບການລະບາດທີ່ຍອມຮັບໄດ້ ເພື່ອການລະບຸໃຫ້ພະຍາດໂຄວິດ-19 ເປັນພະຍາດປະຈຳຖິ່ນ ເຊິ່ງເປັນເລື່ອງທີ່ຍັງບໍ່ເກີດຂຶ້ນໃນເວລານີ້.

ທັງນີ້, ອາເມລິກາລາຍງານຕົວເລກຜູ້ເສຍຊີວິດຈາກພະຍາດໂຄວິດ-19 ເຖິງ 1 ລ້ານຄົນໃນວັນທີ 13 ພຶດສະພາ ໂດຍໃຊ້ເວລາປະມານ 2 ປີນັບແຕ່ເລີ່ມມີການກວດພົບການແພ່ລະບາດໃນໄລຍະຕົ້ນປີ 2020. ເຖິງຢ່າງໃດກໍຕາມ, ຈຳນວນຜູ້ເສຍຊີວິດຕົວຈິງຈາກໂຄວິດ-19 ຖືກເບິ່ງວ່າອາດຫລາຍກວ່າທີ່ມີການລາຍງານ ໂດຍຄາດວ່າຊາວອາເມລິກາອີກຈຳນວນຫລາຍເສຍຊີວິດຈາກໂຄວິດ-19 ໂດຍບໍ່ຜ່ານການກວດຫາເຊື້ອ ແລະ ບໍ່ຖືກນັບລວມໃນຕົວເລກສະຖິຕິຂອງທາງການ.

ຂະນະດຽວກັນ, ສື່ທ້ອງຖິ່ນຂອງອາເມລິກາ ໄດ້ອອກມາເປີດເຜີຍກ່ອນໜ້ານີ້ວ່າ: ຂໍ້ມູນພະຍາດລະບາດໃຫຍ່ຊີ້ວ່າຜູ້ເສຍຊີວິດຈາກໂຄວິດ-19 ຫລາຍກວ່າ 7 ແສນຄົນ ເປັນຄົນອາຍຸ 65 ປີຂຶ້ນໄປ ແລະ ຜູ້ຊາຍເສຍຊີວິດໃນອັດຕາສູງກວ່າຜູ້ຍິງ.

ລາຍງານລະບຸວ່າ: 3 ໃນ 4 ຂອງຜູ້ເສຍຊີວິດຈາກພະຍາດໂຄວິດ-19 ໃນອາເມລິກາເປັນຜູ້ມີອາຍຸ 65 ປີຂຶ້ນໄປ ໂດຍແບ່ງເປັນຜູ້ມີອາຍຸ 85 ປີຂຶ້ນໄປປະມານ 255.000 ຄົນ, ຜູ້ມີອາຍຸ 75-84 ປີ ປະມານ 257.000 ຄົນ ແລະ ຜູ້ມີອາຍຸ 65-74 ປີປະມານ 229.000 ຄົນ.

ຄົນຜິວຂາວຄອງອັດຕາສ່ວນໃຫຍ່ຂອງການເສຍຊີວິດທັງໝົດ. ຂະນະພາລະອັນບໍ່ເທົ່າທຽມຕົກຢູ່ກັບຄົນຜິວດຳ, ຊາວຮິສແປນິກ ແລະ ຊົນພື້ນເມືອງອາເມລິກາ ເມື່ອທຽບອາຍຸສະເລ່ຍທີ່ນ້ອຍກວ່າຂອງຊຸມຊົນຊົນກຸ່ມນ້ອຍ.

ລາຍງານຍັງລະບຸອີກວ່າ: ຊ່ອງວ່າງຂອງຄວາມບໍ່ເທົ່າທຽມທາງເຊື້ອຊາດຫລຸດລົງລະຫວ່າງພະຍາດລະບາດເພີ່ມສູງ ແລະ ກັບມາເພີ່ມຂຶ້ນອີກໃນການລະບາດຮອບໃໝ່ແຕ່ລະຮອບ.

ອ້າງອີງ:

https://www.xinhuathai.com/high/282153_20220511

https://www.xinhuathai.com/high/282320_20220512

-    AD conten website - ຜູ້ຊ່ຽວຊານອາເມລິກາຊີ້ ‘ໂຄວິດ-19’ ຍັງບໍ່ຮອດເວລາເປັນ ‘ພະຍາດປະຈຳຖິ່ນ’ ອາດເກີດການກາຍພັນອີກ
- lattana banner 1 - ຜູ້ຊ່ຽວຊານອາເມລິກາຊີ້ ‘ໂຄວິດ-19’ ຍັງບໍ່ຮອດເວລາເປັນ ‘ພະຍາດປະຈຳຖິ່ນ’ ອາດເກີດການກາຍພັນອີກ
- lattana banner - ຜູ້ຊ່ຽວຊານອາເມລິກາຊີ້ ‘ໂຄວິດ-19’ ຍັງບໍ່ຮອດເວລາເປັນ ‘ພະຍາດປະຈຳຖິ່ນ’ ອາດເກີດການກາຍພັນອີກ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!