ພໍ່ແມ່ຊາວອິນເດຍຟ້ອງລູກຊາຍ-ລູກໄພ້ ເອີ້ນຄ່າເສຍຫາຍ 650.000 ໂດລາ ຍ້ອນບໍ່ມີຫລານໃຫ້

-           1 - ພໍ່ແມ່ຊາວອິນເດຍຟ້ອງລູກຊາຍ-ລູກໄພ້ ເອີ້ນຄ່າເສຍຫາຍ 650.000 ໂດລາ ຍ້ອນບໍ່ມີຫລານໃຫ້
- AGL - ພໍ່ແມ່ຊາວອິນເດຍຟ້ອງລູກຊາຍ-ລູກໄພ້ ເອີ້ນຄ່າເສຍຫາຍ 650.000 ໂດລາ ຍ້ອນບໍ່ມີຫລານໃຫ້

ຄູ່ຜົວເມຍຊາວອິນເດຍ ບໍ່ພໍໃຈທີ່ລູກຊາຍແຕ່ງດອງດົນແລ້ວ ແຕ່ຍັງບໍ່ມີຫລານຈັກຄົນ ຈຶ່ງຕັດສິນໃຈຟ້ອງຮ້ອງເພື່ອເອີ້ນຄ່າເສຍຫາຍ ໂດຍອ້າງວ່າລູກຊາຍ ແລະ ລູກໄພ້ ເປັນຜູ້ກໍ່ໃຫ້ເກີດຄວາມທຸກໃຈຢ່າງແສນສາຫັດຕໍ່ພວກເຂົາ.

ທ້າວ ຊັນຈີບ ປຣາສາດ ອາຍຸ 61 ປີ ແລະ ນາງ ສາທະນາ ອາຍຸ 57 ປີ ຄູ່ຜົວເມຍຊາວອິນເດຍຈາກລັດອຸດຕໍຂັນ ຮຽກຮ້ອງໃຫ້ທ້າວ ເຊ ຊາກາ ລູກຊາຍຂອງພວກເຂົາ ແລະ ນາງ ຊູພາງກີ ສິງຫະ ຜູ້ເປັນສະໄພ້ ຈ່າຍເງິນຈຳນວນ 650.000 ໂດລາສະຫະລັດ ເປັນຄ່າຊົດເຊີຍ ເນື່ອງຈາກລູກຊາຍ ແລະ ລູກໄພ້ບໍ່ມີລູກໃຫ້ພວກເຂົາໄດ້ຊື່ນຊົມ.

ທ້າວ ປຣາສາດ ກ່າວວ່າ: ພວກເຂົາທັງສອງໝົດເງິນໄປກັບລູກຊາຍ ອາຍຸ 35 ປີຂອງເຂົາເປັນຈຳນວນຫລາຍເຊັ່ນ: ຄ່າຮຽນໃນການເປັນນັກບິນຝຶກຫັດຈຳນວນ 65.000 ໂດລາ ແລະ ຄ່າຊື້ລົດຍົນຫລູເປັນຂອງຂວັນໃນມື້ແຕ່ງດອງຂອງລູກ.

ທ້າວ ປຣາສາດ ກ່າວວ່າ: ລາວມີລູກຊາຍພຽງຄົນດຽວ ແລະ ໄດ້ໃຊ້ເງິນທ້ອນທັງໝົດທີ່ມີໃນການລ້ຽງລູກ ແລະ ໃຫ້ການສຶກສາລູກຊາຍຢ່າງເຕັມທີ່ ລວມທັງຄອຍເບິ່ງແຍງ ແລະ ໃຫ້ເງິນລູກຊາຍທີ່ຢູ່ລະຫວ່າງວ່າງວຽກໃນຊ່ວງເສດຖະກິດຕົກຕໍ່າ. ນອກຈາກນີ້ ລາວຍັງເປັນຄົນຈັດງານແຕ່ງດອງໃຫ້ລູກຊາຍ ຫລັງຈາກທ້າວ ຊາກາ ມີການງານໝັ້ນຄົງ.

ທ້າວ ປຣາສາດ ກ່າວວ່າ: ລູກຊາຍ ແລະ ລູກໄພ້ສ້າງຄວາມທຸກໃຈຢ່າງແສນສາຫັດໃຫ້ພວກເຂົາ ເນື່ອງຈາກບໍ່ມີລູກຈັກເທື່ອ ທັງທີທັງສອງແຕ່ງດອງກັນມາເປັນເວລາ 6 ປີແລ້ວ. ທ້າວ ປຣາສາດ ເລົ່າວ່າ: ທັງສອງຕ້ອງແຍກກັນຢູ່ຄົນລະລັດ ເພາະອາຊີບການງານບັງຄັບ. ອີກທັງລູກໄພ້ກໍບໍ່ຍອມມາຢູ່ນຳກັນກັບພວກເຂົາ ເຊິ່ງຍິ່ງສ້າງຄວາມທຸກທໍລະມານໃຈໃຫ້ຄູ່ຜົວເມຍສູງອາຍຸຄູ່ນີ້.

ທ່ານ ອັກ ສີວັສທະນະ ທະນາຍຄວາມຂອງທ້າວ ປຣາສາດ ແລະ ພັນລະຍາ ກ່າວວ່າ: ກໍລະນີຂອງລູກຄວາມຄືພາບຈຳລອງຂອງສິ່ງທີ່ເກີດຂຶ້ນແທ້ໃນສັງຄົມອິນເດຍ ເຊິ່ງມັກທຸ້ມເທໃຫ້ລູກໆໃນທຸກດ້ານ ຊ່ວຍໃຫ້ລູກໄດ້ມີວຽກງານດີໆເຮັດ ເຊິ່ງເຮັດໃຫ້ຄົນລຸ້ນລູກເຫລົ່ານີ້ເປັນໜີ້ບຸນຄຸນພໍ່ແມ່ທີ່ສະໜັບສະໜູນການເງິນໃນການວາງພື້ນຖານຊີວິດ.

ທະນາຍຄວາມຂອງທ້າວ ປຣາສາດ ກ່າວວ່າ: ສອງຜົວເມຍຕັ້ງເງື່ອນໄຂວ່າ: ຖ້າທ້າວ ຊາກາ ບໍ່ສາມາດມີຫລານໃຫ້ພໍ່ແມ່ຂອງລາວໄດ້ພາຍໃນ 1 ປີຕໍ່ຈາກນີ້ ຕ້ອງຈ່າຍເງິນຊົດເຊີຍ ໂດຍຄະດີຂອງທ້າວ ປຣາສາດ ມີກຳນົດພິຈາລະນາຢູ່ສານໃນວັນທີ 17 ພຶດສະພານີ້.

ປັດຈຸບັນ ຊາວອິນເດຍທີ່ແຕ່ງດອງແລ້ວຈຳນວນຫລາຍຕ້ອງຜະເຊີນຄວາມກົດດັນຈາກຄອບຄົວທີ່ຕ້ອງການໃຫ້ພວກເຂົາມີລູກໂດຍໄວ ລວມທັງມີຫລາຍກໍລະນີທີ່ພັນລະຍາຊາວອິນເດຍຖືກທຸບຕີພຽງເພາະບໍ່ສາມາດມີລູກຊາຍໃຫ້ຕາມຄວາມຄາດຫວັງຂອງຄອບຄົວຝ່າຍຜົວ.

ແຫລ່ງຂ່າວ: insider.com

-    AD conten website - ພໍ່ແມ່ຊາວອິນເດຍຟ້ອງລູກຊາຍ-ລູກໄພ້ ເອີ້ນຄ່າເສຍຫາຍ 650.000 ໂດລາ ຍ້ອນບໍ່ມີຫລານໃຫ້
- lattana banner 1 - ພໍ່ແມ່ຊາວອິນເດຍຟ້ອງລູກຊາຍ-ລູກໄພ້ ເອີ້ນຄ່າເສຍຫາຍ 650.000 ໂດລາ ຍ້ອນບໍ່ມີຫລານໃຫ້
- lattana banner - ພໍ່ແມ່ຊາວອິນເດຍຟ້ອງລູກຊາຍ-ລູກໄພ້ ເອີ້ນຄ່າເສຍຫາຍ 650.000 ໂດລາ ຍ້ອນບໍ່ມີຫລານໃຫ້
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!