ຮອງນາຍົກ ເນັ້ນໃຫ້ດ່ານສາກົນ ຂົວມິດຕະພາບ 1 ແລະ ສະໜາມບິນສາກົນວັດໄຕສືບຕໍ່ຄົ້ນຄວ້າບັນດາສິ່ງອໍານວຍຄວາມສະດວກດ້ານຕ່າງໆ ເພື່ອຮັບປະກັນໃຫ້ ການບໍລິການຜ່ານດ່ານມີຄວາມສະດວກ, ວ່ອງໄວ, ໂລ່ງລ່ຽນ

- 280946052 1891337151070056 2378117079531533878 n - ຮອງນາຍົກ ເນັ້ນໃຫ້ດ່ານສາກົນ ຂົວມິດຕະພາບ 1 ແລະ ສະໜາມບິນສາກົນວັດໄຕສືບຕໍ່ຄົ້ນຄວ້າບັນດາສິ່ງອໍານວຍຄວາມສະດວກດ້ານຕ່າງໆ ເພື່ອຮັບປະກັນໃຫ້ ການບໍລິການຜ່ານດ່ານມີຄວາມສະດວກ, ວ່ອງໄວ, ໂລ່ງລ່ຽນ
- AGL - ຮອງນາຍົກ ເນັ້ນໃຫ້ດ່ານສາກົນ ຂົວມິດຕະພາບ 1 ແລະ ສະໜາມບິນສາກົນວັດໄຕສືບຕໍ່ຄົ້ນຄວ້າບັນດາສິ່ງອໍານວຍຄວາມສະດວກດ້ານຕ່າງໆ ເພື່ອຮັບປະກັນໃຫ້ ການບໍລິການຜ່ານດ່ານມີຄວາມສະດວກ, ວ່ອງໄວ, ໂລ່ງລ່ຽນ

ວັນທີ 13 ພຶດສະພາ 2022 ນີ້, ທ່ານ ກິແກ້ວ ໄຂຄຳພິທູນ ຮອງນາ ຍົກລັດຖະມົນຕີ, ທັງເປັນຫົວໜ້າຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຂັ້ນສູນກາງ, ພ້ອມຄະນະໄດ້ລົງຕິດຕາມເບິ່ງສະພາບການບໍລິການເຂົ້າ-ອອກເມືອງຢູ່ດ່ານສາກົນຂົວມິດຕະພາບ ລາວ-ໄທແຫ່ງທີ 1 ແລະ ດ່ານສາກົນສະໜາມບິນສາກົນວັດໄຕ ໂດຍມີຄະນະຄຸ້ມຄອງດ່ານ ແລະ ເຈົ້າໜ້າທີ່ຈາກຂະແໜງການກ່ຽວຂ້ອງ ໄດ້ໃຫ້ການຕ້ອນຮັບ.

ໃນໂອກາດລົງຕິດຕາມຢູ່ດ່ານສາກົນຂົວມິດຕະພາບ 1 ນີ້, ທ່ານຮອງນາຍົກລັດຖະມົນຕີໄດ້ຮັບຟັງລາຍງານຈາກ ທ່ານ ພັນເອກ ຄຳພອນ ເທບພະວົງ ຫົວໜ້າຄະນະຄຸ້ມຄອງດ່ານສາກົນຂົວມິດຕະພາບລາວ-ໄທ ແຫ່ງທີ 1 ກ່ຽວກັບການຈັດຕັ້ງປະຕິບັດວຽກງານຄຸ້ມຄອງຢູ່ດ່ານດັ່ງກ່າວໃນໄລຍະຜ່ານມາວ່າ: ພາຍຫລັງ ສປປ ລາວ ໄດ້ເປີດປະເທດຢ່າງເຕັມຮູບແບບນັບແຕ່ວັນທີ 9 ພຶດສະພາ 2022 ມານີ້, ໄດ້ເລີ່ມໃຫ້ບໍລິການໃຫ້ແກ່ຜູ້ໂດຍສານທັງຂາເຂົ້າ ແລະ ຂາອອກໄດ້ໂລ່ງລ່ຽນດີສົມຄວນ, ເຖິງວ່າໄດ້ມີການຍົກເລີກມາດຕະການກວດຫາເຊື້ອພະຍາດໂຄວິດ ແບບໄວ ATK ຫລື PCR ກໍຕາມ, ແຕ່ກໍຍັງໃຫ້ຜູ້ໂດຍສານສືບຕໍ່ປະຕິບັດມາດຕະການປ້ອງກັນພະຍາດໂຄວິດ-19 ຢ່າງເຂັ້ມງວດ ດ້ວຍການພົ້ນຢາຂ້າເຊື້ອພາຫະນະ, ວັດແທກອຸນຫະພູມ, ໃສ່ຜ້າອັດປາກ-ດັງ ແລະ ລ້າງມືດ້ວຍເຈວ ເພື່ອໃຫ້ຮັບປະກັນຄວາມປອດໄພຂອງຜູ້ໂດຍສານ ເຊິ່ງນັບແຕ່ມື້ເລີ່ມເປີດປະເທດມາຮອດປັດຈຸບັນມີຄົນເຂົ້າມາ ສປປ ລາວ ຜ່ານດ່ານດັ່ງກ່າວ ຫລາຍກວ່າ 1.600 ຄົນ, ຍິງ 670 ກວ່າຄົນ ແລະ ມີຜູ້ເດີນທາງອອກໄປຫລາຍກວ່າ 2.100 ຄົນ, ຍິງ 870 ກວ່າຄົນ ແລະ ໃນຕໍ່ໜ້ານີ້, ຄາດວ່າຈະມີຜູ້ເດີນທາງເຂົ້າ-ອອກ ຜ່ານດ່ານນັບມື້ເພີ່ມຂຶ້ນເຊິ່ງຈະໄດ້ສືບຕໍ່ຈັດສັນ ຄວາມເປັນລະບຽບພາຍໃນດ່ານໃຫ້ດີກວ່າເກົ່າເປັນຕົ້ນປັບປຸງເສັ້ນຈະລາຈອນ, ຂະຫຍາຍຕູ້ບໍລິການເຂົ້າ-ອອກໃຫ້ຫລາຍຂຶ້ນລວມທັງວຽກງານອື່ນໆເພື່ອຮອງຮັບການບໍລິການໃຫ້ສະດວກວ່ອງໄວກວ່າເກົ່າ.

ສໍາລັບ ການໄປຕິດຕາມການບໍລິການຜູ້ໂດຍສານເຂົ້າ-ອອກ ຢູ່ສະໜາມບິນສາກົດວັດໄຕ, ທ່ານຮອງນາຍົກລັດຖະມົນຕີໄດ້ຮັບຟັງລາຍງານຫຍໍ້ຈາກ ທ່ານ ວຽງໄຊ ສິງຄຳ ຫົວໜ້າກົມການບີນພົນລະເຮືອນ ແລະ ທ່ານ ພັນໂທ ສຸວັນນະກອນ ສີພາມະວົງຮອງຫົວໜ້າກົມຕໍາຫລວດກວດຄົນເຂົ້າເມືອງວ່າ: ສາຍການບິນຕ່າງປະເທດທີ່ບິນເຂົ້າ-ອອກ ສປປ ລາວ ມີ 6 ປະເທດຄື: ສ ເກົາຫລີ, ໄທ, ສສ ຫວຽດນາມ, ສິງກະໂປ, ສປ ຈີນ ແລະ ມາເລເຊຍ.

ນັບແຕ່ວັນທີ 9 ພຶດສະພາ 2022 ມານີ້ ມີຜູ້ໂດຍສານເດີນທາງເຂົ້າມາ ສປປ ລາວ ຜ່ານສະໜາມບິນແຫ່ງນີ້ຫລາຍກວ່າ 690 ຄົນ, ຍິງ 180 ກວ່າຄົນ, ມີ 54 ສັນຊາດ, ຜູ້ໂດຍສານຂາອອກມີຫລາຍກວ່າ 860 ຄົນ, ຍິງ 280 ກວ່າຄົນ, ມີ 42 ສັນຊາດ, ຈໍານວນຜູ້ໂດຍສານເອົາວີຊາກັບດ່ານມີ 44 ຄົນ, ມີ 7 ສັນຊາດ.

ໂອກາດນີ້, ທ່ານ ກິແກ້ວ ໄຂຄໍາພິທູນ ກໍໄດ້ຄໍາເຫັນໂອ້ລົມຊີ້ນໍາຕໍ່ຄະນະຄຸ້ມຄອງທັງສອງດ່ານໂດຍທ່ານໄດ້ສະແດງຄວາມຊົມເຊີຍເຈົ້າໜ້າທີ່ ແລະ ພະນັກງານປະຈໍາດ່ານທຸກຂະແໜງການທີ່ໄດ້ເອົາໃຈໃສ່ປະຕິບັດໜ້າທີ່ຂອງຕົນໄດ້ລ້ອນໜ້າທີ່ດ້ວຍຄວາມຮັບຜິດຊອບສູງອັນເປັນການສ້າງພາບພົດບົດບາດອັນດີ ໃຫ້ແກ່ປະເທດຊາດໂດຍສະເພາະຕອບສະໜອງການບໍລິການຜູ້ໂດຍສານເຂົ້າ-ອອກປະເທດໃຫ້ເປັນປົກກະຕິ.

ພ້ອມນີ້, ກໍໄດ້ເນັ້ນໃຫ້ສືບຕໍ່ຄົ້ນຄວ້າບັນດາສິ່ງອໍານວຍຄວາມສະດວກດ້ານຕ່າງໆ ເພື່ອຮັບປະກັນໃຫ້ ການບໍລິການຜ່ານດ່ານມີຄວາມສະດວກ, ວ່ອງໄວ, ໂລ່ງລ່ຽນ, ພ້ອມທັງສືບຕໍ່ປະຕິບັດມາດຕະການປ້ອງກັນການລະບາດຂອງພະຍາດໂຄວິດຕາມຫລັກການທີ່ຄະນະສະເພາະກິດວາງອອກ ໃນເງື່ອນໄຂທີ່ປະເທດພວກເຮົາໄດ້ເປີດປະເທດຢ່າງເຕັມຮູບແບບແລ້ວ ເພື່ອໃຫ້ເປັນໄປຕາມຍຸດທະສາດທີ່ພັກ ແລະ ລັດຖະບານ ກໍານົດໄວ້ຄື: ການຫັນຈາກການຕ້ານ ແລະ ປ້ອງກັນມາເປັນການຢູ່ຮ່ວມກັບໂຄວິດຢ່າງປອດໄພ ແລະ ຟື້ນຟູເສດຖະກິດ-ສັງຄົມໃຫ້ໄວເທົ່າທີ່ຈະໄວໄດ້.

-    AD conten website - ຮອງນາຍົກ ເນັ້ນໃຫ້ດ່ານສາກົນ ຂົວມິດຕະພາບ 1 ແລະ ສະໜາມບິນສາກົນວັດໄຕສືບຕໍ່ຄົ້ນຄວ້າບັນດາສິ່ງອໍານວຍຄວາມສະດວກດ້ານຕ່າງໆ ເພື່ອຮັບປະກັນໃຫ້ ການບໍລິການຜ່ານດ່ານມີຄວາມສະດວກ, ວ່ອງໄວ, ໂລ່ງລ່ຽນ
- lattana banner 1 - ຮອງນາຍົກ ເນັ້ນໃຫ້ດ່ານສາກົນ ຂົວມິດຕະພາບ 1 ແລະ ສະໜາມບິນສາກົນວັດໄຕສືບຕໍ່ຄົ້ນຄວ້າບັນດາສິ່ງອໍານວຍຄວາມສະດວກດ້ານຕ່າງໆ ເພື່ອຮັບປະກັນໃຫ້ ການບໍລິການຜ່ານດ່ານມີຄວາມສະດວກ, ວ່ອງໄວ, ໂລ່ງລ່ຽນ
- lattana banner - ຮອງນາຍົກ ເນັ້ນໃຫ້ດ່ານສາກົນ ຂົວມິດຕະພາບ 1 ແລະ ສະໜາມບິນສາກົນວັດໄຕສືບຕໍ່ຄົ້ນຄວ້າບັນດາສິ່ງອໍານວຍຄວາມສະດວກດ້ານຕ່າງໆ ເພື່ອຮັບປະກັນໃຫ້ ການບໍລິການຜ່ານດ່ານມີຄວາມສະດວກ, ວ່ອງໄວ, ໂລ່ງລ່ຽນ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!