ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ

ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ - 90ae5d197c89f5a20617711e43394bcc - ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ
ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ - 16583075379783 - ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ

ສະຫະປະຊາຊາດ (UN) ເຕືອນວ່າ: ໄພແລ້ງມີທ່າອ່ຽງຮຸນແຮງ ແລະ ຍາວນານຂຶ້ນ ເຮັດໃຫ້ເກີດຄວາມເສຍຫາຍ ແລະ ສົ່ງຜົນກະທົບຕໍ່ຊັບສິນ ແລະ ຊີວິດຢ່າງມະຫາສານ, ພ້ອມສະເໜີແນວທາງແກ້ໄຂບັນຫາທີ່ມີປະສິດທິພາບ.

ສະປະຊາຊາດ (UN) ເຜີຍແພ່ລາຍງານ “ຕົວເລກໄພແລ້ງປະຈຳປີ 2022” ໃນໄລຍະທີ່ມີກອງປະຊຸມສະມັດຊາປະເທດພາຄີອະນຸສັນຍາສະຫະປະຊາຊາດ (COP) ປະຈຳປີ ຄັ້ງທີ 15 ທີ່ຈັດຂຶ້ນໂດຍ ອະນຸສັນຍາສະຫະປະຊາຊາດວ່າດ້ວຍການຕໍ່ຕ້ານການແປສະພາບເປັນທະເລຊາຍ (UNCCD) ໂດຍມີໃຈຄວາມສຳຄັນວ່າ: ຄວາມແຫ້ງແລ້ງເພີ່ມຂຶ້ນ 29% ໃນພື້ນທີ່ໜຶ່ງ ແລະ ບັນຫານີ້ຈະເກີດໄວຂຶ້ນ ເຖິງວ່າຄວາມແຫ້ງແລ້ງຈະມີສ່ວນໃນໄພພິບັດທາງທຳມະຊາດພຽງ 15% ແຕ່ຖືເປັນອັດຕາສ່ວນຂອງການເສຍຊີວິດທີ່ກ່ຽວຂ້ອງກັບໄພພິບັດສູງເຖິງ 45% ລວມທັງສາຣານຸກຳຂອງສະຖິຕິທີ່ໜ້າເປັນຫ່ວງອື່ນໆ.

ຈາກປີ 1998-2017 ໄພແລ້ງສ້າງຄວາມເສຍຫາຍຫລາຍກວ່າ 124.000 ລ້ານໂດລາສະຫະລັດ ແລະ ຂ້າຊີວິດປະຊາກອນໂລກປະມານ 650.000 ຄົນ ລະຫວ່າງປີ 1969-2019. ອີກທັງລາຍງານຍັງເຕືອນວ່າ: ໃນປັດຈຸບັນມີປະຊາກອນຫລາຍກວ່າ 2.300 ລ້ານຄົນ ລວມທັງເດັກ 160 ລ້ານຄົນ ອາໄສຢູ່ໃນປັດໄຈແວດລ້ອມທີ່ມີຊັບພະຍາກອນນ້ຳບໍ່ໝັ້ນຄົງ.

ຍິ່ງໄປກວ່ານັ້ນ, ຖ້າສະພາບແຫ້ງແລ້ງຍັງຮ້າຍແຮງອີກ ແລະ ບໍ່ມີການແກ້ໄຂບັນຫານີ້ ຈະມີຜູ້ລີ້ໄພຈາກການປ່ຽນແປງສະພາບອາກາດສູງເຖິງ 700 ລ້ານຄົນ ພາຍໃນປີ 2030, ປະຊາກອນເດັກປະມານ 1 ໃນ 4 ຂອງໂລກຈະຢູ່ໃນສະຖານທີ່ຂາດເຂີນນ້ຳ “ຢ່າງຮຸນແຮງ” ພາຍໃນປີ 2040 ແລະ ປະຊາກອນຫລາຍກວ່າ 3 ໃນ 4 ຂອງໂລກ ອາດໄດ້ຮັບຜົນກະທົບເຊັ່ນດຽວກັນ ພາຍໃນປີ 2050.

ສະຫລຸບແລ້ວ, ສະພາບແຫ້ງແລ້ງທີ່ຮ້າຍແຮງ ລວມເຂົ້າກັບຄວາມລົ້ມເຫລວໃນການເກັບກ່ຽວຜົນຜະລິດ, ລະດັບນ້ຳທະເລທີ່ສູງຂຶ້ນ ແລະ ສະພາບປະຊາກອນລົ້ນ ອາດບີບບັງຄັບໃຫ້ປະຊາກອນສູງເຖິງ 216 ຄົນຕ້ອງຍ້າຍຖິ່ນຖານ ຊ້ຳຕື່ມວິກິດຜູ້ລີ້ໄພທີ່ມີຢູ່ ແລະ ສ້າງຄວາມເສຍຫາຍຕໍ່ລັດຖະບານທີ່ບໍ່ໄດ້ກຽມຮັບມືຫາຍະນະເຊັ່ນນີ້. ຕາມທີ່ລາຍງານລະບຸ.

ສຳລັບການແກ້ໄຂບັນຫາ, ທ່ານ ອິບຣາຮິມ ທຽວ ເລຂານຸການບໍລິຫານຂອງ UNCCD ເນັ້ນຄວາມພະຍາຍາມຂອງທ່ານໃສ່ການຄືນສະພາບພື້ນດິນ ແລະ ສະເໜີໃຫ້ລັດຖະບານຂອງປະເທດຕ່າງໆ ສ້າງພູມີປະເທດທີ່ສາມາດ “ຮຽນແບບທຳມະຊາດ” ດ້ວຍ “ລະບົບນິເວດທີ່ເຮັດວຽກໄດ້” ໂດຍຍົກຕົວຢ່າງເຖິງປະເທດໄນເຈີ ເຊິ່ງກະສິກອນສ້າງລະບົບວົນກະສິກຳຂຶ້ນມາໃໝ່ໃນເນື້ອທີ່ປະມານ 12 ລ້ານເອເຄີ ໃນໄລຍະ 20 ປີຜ່ານມາ.

ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ - lattana banner - ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ
ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ - lattana banner 1 - ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ
ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ -    AD conten website - ສະຫະປະຊາຊາດເຕືອນ ໄພແລ້ງມີທ່າອ່ຽງຮຸນແຮງຂຶ້ນທຸກ 10 ປີ
error: Alert: ເນື້ອຫາຂ່າວມີລິຂະສິດ !!